Сүүлийн тав хоногт ИОМ хэмээх олон улсын цагаачдын байгууллагын Стамбул дахь салбар уруу 3 удаа очлоо. Анх, энд ирээд 3 сард 4 байр, 2 ажил солисон, хоёулангаас нь тохиролцсон цалин хөлсөө авч чадаагүй Д. бүсгүйд орчуулга хийж, хэл нэвтрэлцүүлэх цаашлаад эх орон руугаа буцах хүслийг нь биелүүлэх зорилготой байсан юм. Истиклал (Таксим) хэмээх олны хөлийн гудамжаар чигээрээ уруудаж 300 орчим м алхсаны эцэст Хамалбаши хэмээх салаа гудамж руу ороод 22 тоот байшингийн 9 тоотод байрласан энэхүү байгууллагад Орос, Швед, Турк нийлсэн зургаан хүн ажилладаг аж.
Хайж хайж 6 минут хоцроод орсонд Д. ирчихсэн намайг хүлээгээд сууж байна. Анжелина хэмээх Орос бүсгүй Д-тэй ярилцлага хийж, түүхийг нь сонсох гээд бид 3 хуурлын зааланд орлоо. Эхний ээлжинд Д бүсгүйг нэр овог, хэзээ, яагаад ирсэн зэрэг ерөнхий хэдэн асуулттай анкет бөглөхийг хүслээ. Анкетийн эцэст энд ирсэн замнал (хаагуур яаж ирсэн,зуулчилуулсан эсэх), хаана байрласан, хаана ажилсан зэргийг нь нэг нэгдгүй асуун түүхийг нь яриулж байна. Би бас хүний Монгол явах хүслийг нь нуураачих вий гээд биеэ бариастай. Манай хүн бас нутаг руугаа үнэгүй (онгоцны билетийг авч өгөх, харласан хүмүүсээс хил давахад нэхэгддэг торгуулиас чөлөөлөх зорилготой ярилцлага байсан юм) буцаж чадах эсэх нь энэ ярилцлагаас шууд хамаарах тул биеэ бариатай. Ярилцлага 2 цаг үргэлжилсэний эцэст ерөнхий процессийг танилцуулаад хэрэг явдал тань шийдэгдэхээр холбоо баръя гээд утас шөрмөсийг нь аваад үлддэг аж.
Тус байгууллагад эх нутаг руугаа өөрийн хүслээр явахын тулд хандсан хэн бүхний түүх, бөглөсөн анкет зэргийг тус оронд байгаа төв салбар луу нь явуулаад тэндээсээ Швед дэхь төв явуулж, тэндээ очоод шүүгдэн эерэг, сөрөг хариу нь 7 орчим хоногийн дараа буцаж ирдэг аж. Эерэг хариу авсан тохиолдолд тэдний талаас онгоцны билетийг тань захиалаад нислэгийн тань өдөр, цагийг мэдэгддэг аж. Та нислэгээс нэг өдрийн өмнө мөн байгуулага дээр очиж тэндээсээ гадаадуудын цагдаагийн газарт хүргүүлэн, энд байх хугацаандаа элдэв хэрэгт холбогдсон эсэх гээд элдэв бичиг баримт шүүж, гар хурууны тань хээг аваад саадгүй бол маргааш нь энгийн хувцастай цагдаа, ИОМ-н нэг төлөөлөгчөөр онгоцны буудал хүргүүлдэг аж.
Энэ 2 дахь өдөр ИОМ-с Анжелина бүсгүй над руу залгаад 3 сарын хугацаанд 2 ажил солиод, тохиролцсон цалингаа авч чадаагүй, хоол байрны мөнгөгүй тул явталаа айл айл хэсч буй Д-г маргааш авчирч чадах эсэхийг маань асуулаа. Байр хоолондоо зарцуул гээд 100 лира өгөх гэнэ. Д-гийн өгсөн хамт амьдардаг эгчийнх нь өгсөн номер луу залгаад авахгүй болохоор нь маргааш 10 цагаас нөгөө газраа хүрээд ирээрэй гэж месеж бичсэн юм. Маргааш боллоо, би ч очилоо. Д байдаггүй. Гайхаад хамт амьдардаг эгч рүү нь залгалаа, тэдний байрны эзэн нь ирээд Д-г байлгахгүй гэсний үндсэн дээр Д чемоданаа чирээд гарсан гэнэ. Дотор хараллаа. Нэгэнт ирсэнийх гээд офисын менежер Швед бүсгүйгээс үйл ажиллагааных нь талаар тодрууллаа. Тэд Турк улсын засгийн газрын тусламжтайгаар хүний наймаанд өртсөн хүмүүст туслах үйл ажиллага явуулдаг аж. Үүнтэй холбоотойгоор 157 хэмээх үнэгүй номер ажиллуулдаг бөгөөд Туркэд нүний наймааны хохирогч Монголчууд байгаа бол 157 номер руу залгаарай гэж хэлээрэй хэмээн давтан давтан захилаа. Ойрын зургаан сардаа Д шиг харласан хүмүүст онгоцны билет авч өгөх зэргээр туслаж чадахгүй ч гол ажил нь болсон хүний наймааны хохирогчидод туслахад хэзээд бэлэн хэмээн тодотгож байлаа.
Утасгүй тул Д-н хэрэг шийдэгдэхээр хариу сонсох өдөр буюу өнөөдөр (нэг дэхьд уулзахдаа утас шөрмөсгүй юм чинь 5 дахид ирж хариугаа сонсоорой гэсэн юм.) 3 дахиа мөн газар очилоо. Түүний хэрэг бүтжээ. Тэр 25 нд явахаар болж. Айл айл хэсэн хэцүүхэн байгаа түүнийг рүүммайтүүдтэйгээ яриад явтал нь гэртээ байлгахаар болсон ба тэрээр маргааш манайд айлчилан ирэх болно.
Өнөөдөр очихдоо хүний наймааны хохирогчидын сэтгэл зүй зэрэг эмзэг сэдвүүдийг энэ чиглэлээр долоо дахь жилдээ ажиллаж байгаа Анжелина бүсгүйтэй цөөн хэдэн минут ярилаа.
Хүний наймааны хохирогч болоод гадны хүчинд автан биеэ үнэлж байгаа бүсгүйчүүдийг өдөрт дунджаар 20-25 эр авдаг гэсэн судалгаа байдаг аж. Өдөр бүр 20-25 эрээр "хүчиндүүлнэ" гэдэг амаргүй даваа. Хохирогч эмэгтэйчүүд эхний 1-2 сардаа чадлынхаа хэрээр тэмцдэг гэнэ. Уйлна урвайна, хашигчина, хазна, өшиглөнө гээд өөр дорвитой зүйл хийж чаддаггүй тэд 2 сарын дараанаас байдалтайгаа эвлэрч эхэлдэг гэнэ. Нэгэнт ийм дээрээ тулсан бол өөрийн хүслээр биеэ үнэлж байна гэж үзэх нь элбэг тул хүний наймаанд өртөгчидийг эхний 1-2 сард олж, тусламж үзүүлэх нь маш чухал байдаг аж. (ИОМ-ын талаарх багахан мэдээллийг эндээс)
Намайг 3 дахьд очсоноос хойш гуравхан сартай хүүхэдтэй 86 оны эхнэртэй 88 оны залуу энүүгээр ирсэн гэнэ. Эхнэр нь пасспортоо алдаад бас л зовж яваа нэгэн бололтой. Тэдний гэр бүл хэдэн сарын өмнө буцах билетээ аваад онгоцны буудал орсонд Турк улсын нутаг дэвсгэрт хараар суусаны торгуул төл гээд гаргаагүй билетийг нь үхүүлсэн сурагтай. Тэд ойрын 6 сардаа ийм төрлийн хохирогчидод туслаж чадахгүй тул уучлаарай гээд явуулсан аж. Өмнө нь хэд хэдэн ийм тохиолдол сонссоны үндсэн дээр шууд нисэх билетээ авсан хүмүүсийг торгуулгүйгээр гаргаж өгөхөд нь туслаж чадах эсэхийг нь асуулаа, чадна гэнэ. Билетээ авсан, харласан торгуул төлөлгүй явах хүсэлтэй хүмүүс байвал +90 (212) 2921338 тоот утсаар холбоо барих эсвэл Kemerhatun mahallesi, Hamalbaşı caddesi no:22 Kat:3 daire:9 34435 Beyoğlu/İstanbul хаягаар яваад очоорой. Торгуул төлөлгүйгээр явахын тулд шууд нислэгийн билет авсан (Аерофлотын) байх шаардлагатай гэсэн шүү..
За тэгээд эцэст нь хүний наймааг таслан зогсооё!
Showing posts with label Турк. Show all posts
Showing posts with label Турк. Show all posts
Friday, 14 August 2009
Tuesday, 10 March 2009
Турк Улсын Стамбул хотод амьдрах нь: Сарын орлого, зарлага тайлан тэнцэтгэл

Миний бие сүүийн үед гадаадад сурахыг хүсэгч залуус олширсоныг бодолцон блогтоо Турк Улсын Стамбул хотод сурах талаар хэд хэдэн цуврал бичлэг оруулъя гэж бодож байна. Энхүү цувралын эхнийх нь болох Турк Улсын Стамбул хотод амьдрах нь: Сарын орлого, зарлага тайлан тэнцэтгэл бичлэгт Стамбул хотод амьдрахад, хоол хүнсний олдоц, үнэ, унаа тэрэгний билет гээд, гарах зардалыг, өөрийн туршилага дээр тулгуурлан, хамгийн багаар тооцож, чангаар бодлоо.
Сарын орлого:
• Улсын зардлаар ирсэн бол сар бүр 175 лираны тэтгэлэг, мөн жилд нэг удаа ном хувцасны мөнгө олгодог.
• Ар гэрээс татах татаас
• Хааяа нэг олон ангит кино, эсвэл реклам зэрэгт тоглож олох мөнгө (иймэрхүү тохиолдол байдаг бөгөөд Монголчууд Хятад, Япон, Солонгос гээд Монголчуудаас бусад Азиудын дүрийг бүтээнэ :), олон ангит кинонд тоглосоны хөлсөнд өдрийн 20-50 лира, рекламанд тоглосоны хөлсөнд хамгийн багадаа 100 лираны хөлс авдаг.)
• Турк улсад сурдаг гадаад (Турк оюутануудад ч гэсэн ажиллах эрх олгодоггүй) оюутанд ажиллах эрх олгодоггүй бөгөөд зарим нэг оюутан зуны цагт аялал зуулчлалын хотууд болох Бодрум, Анталия зэрэг хотуудад, хагас бүтэн сайнд Стамбул хотод байдаг Солонгос, Хятад, Япон ресторануудад аяга угаагч, зөөгч хийх нь бий, мэдээж хууль бусаар
Сарын зарлага:
• Байр: Дүүрэг, байрлал, халаалтын систем, олон нийтийн тээвэрт ойрхон эсэх, хэдэх өрөө байр гээд хэд хэдэн зүйлээс шалтгаалан байрны үнэ өөрчлөгдөх бөгөөд хамгийн хямддаа 500 лира (2.2 TL буюу лира 1 евротой тэнцэнэ ойролцоогоор). Байрны сарын түрээсээс гадна эхлэн байр түслэгчид 1 сарын байрны түрээстэй тэнцүү хэмжээний (зарим тохиолдолд нэг сарын байрны түрээсээ их) баталгаа (депосит) төлдөг. Дэпоситыг гарахдаа буцаааж авна гэсэн хуулийн заалт байдаг ч бүрэн бүтнээр нь буцааж авах нь ховор тохиолдол.
Тог, ус, газны үйлчилгээг (Ихэнх байрны эзэд өөрсддөө төвөг удахгүйг хүсдэг тул тог, ус, газны үйлчилгээ авах гэрээ контрактыг түрээслэгчидэд даатгадаг) авахын тул мөн 500 орчим лира (барьцаа төлөх, зарим тохиолдолд тоолуур авах г.м) хэрэг болдог. Анхлан байр түрээслэхийг хүсэгчидийн халаасанд ойролцоогоор хамгийн багадаа 1.500 лира байвал зохилтой. Мэдээж энэхүү үнийн дүнг хэдэн хүн нийж байр түрээслэхээсээ хамааран хувааж төлнө. За тэгээд ойролцоогоор 1.500 төгрөг зарцуулаад хов хоосон байранд орлоо, хэтэвчнийхээ зузаан нимгэнээс хамааран шинэ, хуучин тавилага авах үлдлээ.
• Хоол: Бидний мэдэх цэцэгтэй цэцэггүй байцаа, лууван, чинжүү, улаан лоолю, өргөст хэмх зэрэг ногооноос өгсүүлээд мэдэхгүй олон олон ногоо үнэтэй, хямдхан зарагддаг тул ногоонд дуртай хүмүүсийн хувьд диваажин л гэсэн үг. Ногооны үнэ улирлаас хамааран өөрчлөгддөг. Ногооноос гадна алим, лийр, тоор, мандарийн, жүрж, гадил гээд жимс элбэг. Мэдээж жимсний үнэ болон төрөл нь улирлаас хамааран өөрчлөгдөнө.
Монголчууд шиг маханд нугасгүй хүмүүст дуулгах муу мэдээ бол энд (Стамбулд) мах нилээн үнэтэй (тос ихтэй, машиндсан мах ойролцоогоор 1 кг нь 15 лира) мөн амтгүй (Монголын махтай харьцуулбал) байдаг. Лалын шашинтай улс тул адууны мах иддэгүй (нүгэл хэмээн үздэг) тиймээс зарагддаггүй. Мөн гахайн мах иддэггүй, зарагддаггүй. Зарсан тохиолдолд мөнгөн шийтгэлээс өгсүүлээс шоронд хүртэл хоригдох магадлалтай. Гахайн мах хэрэглэдэггүйтэй холбоотойгоор өглөөний цайны өргөн хэрэглээ болох хиам Монголд зарагддаг хиамнуудаас амт муутай байдаг. Мөн бүх хүнсний бүтээгдэхүүний сав баглаан дээр (жигнэмэг, шоколад, чихэр гээд л...) гахайн өөх тос хэрэглээгүй болно хэмээх сануулгыг хэвлэсэн байна.
Хар, Номхон гээд далайгаар хүрээлэгдсэн тул элдэв янзын загас, сам хорхой, наймаалж, хавч гээд далайн бүтээгдэхүүн элбэг байдаг. Дэлгүүрүүдэд далайн бүтээгдэхүүн, үхэр, тугал, хонь, хурга, тахианаас гадна зул сарын үеэр цацагт хяруулын мах зарагдана. Ямаа, тэмээний мах идэх нь “нүгэл” биш ч зарагдаж байхыг хараагүй.
Монголчуудын өргөн хэрэглээний зарим нэг хүнсний бүтээгдэхүүний үнийг жагсаавал.. Хамгийн хямдхан будаа кг нь 2 лира буюу ойролцоогоор 1 евро, гурил 1 лира, гоймон 80 куруш (0.8 лира) байдаг. Сахар 1 кг нь 2.3 лира, наран цэцгийн тос 1л нь 2.5 лира байдаг. Оюутнуудын хичээлийн хуваарь яг цав таарахгүй учир ихэнхдээ оройн хоолны материалаа мөнгө нийлүүлэн худалдаж авдаг. Өдөрийн хоолоо ихэнх оюутнууд сургууль дээрээ иддэг бөгөөд сургуулиудын хоолны газарт оюутны хөнгөлөлттэй (ойролцоогоор 1.5-3 лираны үнэтэй нэг хоердугаар хоол, салат эсвэл жимснээс бүрдэнэ.) хоол байдаг.
• Унаа: Стамбул, Том хот тул (17 сая хүн амтай бөгөөд энэхүү тоо сүүлийн 3-4 жил магадгүй түүнээс их хугацаанд өөрчлөгдөөгүй, миний мэдхийн) зорисон газартаа очихдоо ихэнхдээ унаа дамжих бөгөөд хамгийн багадаа 30 минут зарцуулна. Замын бөглөрөл их. Өглөө оройдоо 20-30 минутанд хоёр метр хүрэхтэй үгүйтэй явах нь энүүхэнд. Метро, трамвай, Ази тивээс Европ тив (эсвэл урвуугаараа), эсвэл аль нэгнээс нь ойр орчимын арлууд руу хүргэх усан онгоцоор зорчихдоо жетон (жетонууд адилхан биш тул ойр хавьцаах жетон зардаг цэгүүдээс авсан нь дээр), автобусаар зорчихдоо билет авна. Бүгд адилхан үнэтэй биш ч нэг бүр ойролцоогоор 1.5 лира байдаг. Метро нь Орос, Франц зэрэг дэд бүтэц тэр дундаа метроны зам сайн хөгжисөн улсуудыг бодвол “инээдтэй” буюу одоогийн байдлаар аравхан (Şişhane-Atatürk Oto Sanayii чиглэлд) буудалтай (энэ 2 сард 4 буудал ашиглалтанд орсон). Истиклал гудамжаар уруудаж өгсөх трамвай, тунел гэгдэх (Beyoğlu Kabataş-г холбоно) ноталжик буюу 1800-гаад оноос одоог хүртэл ажиллаж буй ‘метро’, гээд нэг буудлын унаанууд (ганц, хоёрхон буудал явдаг) байдаг бөгөөд энэ бүрд дээшээ доошоо явж, бууж суухаас гадна дахиад л жетон авах зэргээр мөнгө төлдөг, цаг алддаг. За баахан бараан зүйл биччихлээ эцэст нь нэг авууштай тал нь метро трамвайны замаа жилээс жилд өргөсгөж, уртасгаж, метробус (нэгхэн чиглэлд тусгайлан зассан нэг эгнээ замаар зогсолтгүй, өндөр хурдтайгаар явдаг автобус) зэрэг өөр сонголтууд үүсгэж байгаа. Олон нийтийн тээврийн план.
Төрийн зардалаар бус өөрийн зардалаа дааж сурдаг оюутнуудад хямдралтай зорчих үнэмлэх өгдөг бөгөөд энэхүү үнэмлэхийг сард 55 лирагаар цэнэглээд 200 хүртэл удаа метро, автобус, трамвайнд (Ази Европыг холбох усанд завинд үйлчилдэггүй) дамжиж болдог. Үүнийг аялик (aylık) гэнэ. Энэхүү үнэмлэх жил бүр шинэчлэгддэг. Улсын зардалаар суралцагсадад бүтэн жилийн турш мөн метро, автобус, трамвайнд хэрэглэх болохуйц жолооч эсвэл кассанд үзүүлээд үнэгүй явдаг үнэмлэх олгодог. Жил бүр шинэчлэгддэг. Дээрх 2 төрлийн үнэмлэхүүд зураг хөрөгтэй байдаг. Хоёр төрлийн үнэмлэхийн алийг нь ч авсан анх авахдаа бага хэмжээний мөнгө төлдөг.
• тог, ус, газны мөнгө: Хэрэглэсэн хэмжээгээр төлбөр ирдэг. Туркэд хийгээр, төвөөс халаалттай (Монгол халаалтын систем шиг), тогоор бүр нүүрсээр халаах нь байдаг. Хамгийн их түгээмэл нь хийгээр халаах систем бөгөөд энэ системд газны төлбөр мэдээж зун нь бага өвөл нь их ирнэ. Өвлийн гурван сар хийн мөнгө 200 лира хол давна. Турк улс өөр олон улсын адил хэрэглээний байгалын хийгээ зуун хувь Оросоос авдаг бөгөөд өнгөрсөн жилд л гэхэд байгалын хийн үнэ 60% гаруй хувь нэмэгдсэн. Мэдээж Туркүүд Орос ах нартай доллараар наймаа хийдэг тул доллар лираны харьцаа хийн үнэнд шууд нөлөөлнө. Их хэрэглэх тусамд нэгж (метр кув) усны үнэ буурах бус нэмэгдэнэ. Тог, ус, газнаас гадна хүсвэл интернэтийн үйлчилгээ авч болох бөгөөд интернэтийн үйлчилгээ авахын тулд заавал утас тавиулсан байна. Утасны суурь төлбөр (хамгийн хямд нь HesaplıHATT) яриагүй тохиолдолд 9.33 лира, интернэтийн төлбөр сард 49 лира (хурд болон үнийн хувьд хамгийн боломжийн нь) байдаг. Ийм системд байгалын хийг байраа халаахаас гадна, халуун ус (усанд орох, аяга таваг угаах), хоол хийхэд хэрэглэдэг.
• Гар утсанд хийх нэгж: Өнөөдрийн байдлаар Туркэд 3 оператор (Туркселл, Водафоне, Авеа зэрэг) байдаг бөгөөд аль ч үүрэн телефоны компаний зуун нэгж төвөөс нь авахад ойролцоогоор 18 лира байна. Монгол руу (Гадаад руу) мессэж илгээхэд 3 нэг, өөр хоорондоо ярих болох өөр опературтай (жишээ нь авеагийгийн номертой хүн туркселлийн номер луу) ярихад унах нэгж нь үүрэн телефон цаашлаад хамрагдах үйлчилгээнээс (мобистудент гэдэг шиг оюутануудад зориулсан эсвэл бизнесс эрхлэгчидэд зориулсан гээд) тань шалтгаалан хэлбэлздэг. Ойролцоогоор минутанд 1-6 нэгж унана. 3 сард нэг удаа цэнэглэхгүй бол гадагшаа гарах ячианы эрх хаагдах бөгөөд дахиад 3 сарын дараа дотогшоо орох ярианы эрх хаагдана. Мөн гурван сарын дараа (нийт 9 сарын дараа) номер тань устах болно.
Саяхан дөө (2 жилийн өмнө байхаа) гар утасны хулгай ихэссэнтэй холбоотойгоор гар утаснуудыг бүртгэж (утас бүрийн баттерэй болон их бие дээр IMEI номер байдаг, үүнийг ашиглан бүртгэдэг) эхэлсэн бөгөөд энэхүү системд бүртгүүлээгүй тохиолдолд гадаадаас Турк рүү оруулж ирсэн утас бүр 1 сарын дараа автоматаар хаагддаг. Бүртгүүлэхийн тулд пассапорт, оршин суух зөвшөөрөл зэргээ бүртгэл хүлээн авах эрх бүхий төвүүд дээр авч очин 5 лира төлж бүртгүүлэх бөгөөд ойролцоогоор 7 хоногийн дараа утас тань хэвийн ажиллаж эхэлдэг.
Дүгнэлт:
Ихэнх оюутнууд зургаа зургаагаараа нийлэн байр хөлслдөг бөгөөд ойролцоогоор 500 лираны түрээстэй байранд зургаан хүн амьдрана гэж тооцвол хүн бүрийн халааснаас сар дутамд байр, хоол, тог, ус, хий, интетийн төлбөрт ойролцоогоор 200-300 лира гарна.
Мэдээж унааны 55, сард гар утсандаа 100 нэгж авч хийнэ гэж бодоод 18 лира, ариун цэврийн хэрэглээний материалууд (оо саван, сойз гээд юу эс байхав дээ) гээд нэмбэл үнийн дүн маань 300-400 болж нэмэгдэнэ.
Үүнээс Улсын зардлаар сурдаг гэж тооцоод сарын тэтгэлэг болох 175 лирагаа хасахад оюутан сар бүр хамгийн багадаа 25-125 лираны "өрөнд" орж байна. Гар утсандаа нэгжгүй, халаасандаа мөнгөгүй, өдөрт нэг хоолтой амьдрахад нэг иймэрхүү зардал гарна.
Friday, 6 March 2009
Турк Улсын талаар ерөнхий мэдлэг

Албан ёсны хэл Турк хэл
Нийслэл хот Анкара (39°55′N 32°50′E)
Хамгийн том хот Стамбул
Үндэслэгч Мустафа Кемал Ататурк
Төрийн систем Ардчилсан
Ерөнхийлөгч (одоогийн) Абдуллах Гүл
Ерйнхий сайд (одоогийн) Режеп Тайп Эрдоан
Газар нутгын хэмжээ 783,562 км², газар нутгийн хэмжээгээрээ дэлхийн хамгийн том 37 дахь улс, Европод Оросын дараа 2 дугаарт жагсдаг. Газар нутгын %1,3 нь ус.
Хүн ам 71.517.100, км²-д 93 хүн ноогдоно. Хамгийн их иргэнтэй 17 дахь улс.
Улсын уриа Yurtta Sulh, Cihanda Sulh (Эх оронд энх тайван, эрэн дэлхийд энх тайван)
Тэмдэглэлт өдрүүд
4 сарын 23, 1920 оны мөн өдөр орчин үеийн Турк улсын анхны Парламент цугласан бөгөөд түүнээс хойш энэхүү өдрийг Хүүхэд залуучуудын баяр болгон зарласан байна.
5 сарын 19, 1919 оны мөн өдөр чөлөөлөх дайн эхэлсэн
8 сарын 30, 1922 оны мөн өдөр чөлөөлөх дайнд ялсан
10 сарын 29, 1923 оны мөн өдөр Бүгд Найрамдах Турк улс болгон тунхагласан
Дотоодын нийт бүтээгдэхүүн 1.026 трилион Америк доллар (2008 оны байдлаар)
Хүн амд ноогдох дотоодын нийт бүтээгдэхүүн 9.333 Америк доллар (2007 оны байдлаар)
Экспорт 132.8 тэрбум Америк доллар, 2007 оны байдлаар
Импорт 198.6 тэрбум Америк доллар, 2007 оны байдлаар
Инфиляц %10,31 (хэрэглэгчидэд), %12,56 (үйлдвэрлэгчидэд), 2007 оны байдлаар
Цагийн Zone зуны цаг EET (UTC+2) өвлийн цаг EEST (UTC+3)
Мөнгөн тэмдэгт Турк лира (ТL) (1 евро ойролцоогоор 2.2 лиратай тэнцэнэ. Намайг анх ирэхэд сая саяар яригддаг байж байгаад 3 жилийн өмнө мөнгөн тэмдэгтээсээ 6 тэг хассан юм. )
Төрийн дуулал İstiklâl Marşı
Төрийн өнгө Улаан, цагаан
Утасны код +90
Интернетийн код .tr
эх сурвалж: википедиа.ком
Tuesday, 5 August 2008
Археологийн музей Стамбул
Стамбул Археологийн музей нь Оттоманы газар нутаг дээр орчиж байсан олон олон үндэстнээс үлдсэн 60.000 архиологийн олдвор, 760.000 зоос, медаль мөн 75.000 шавар бүтээл гээд сая гаруй бүтээлээрээ дэлхийн томоохон музейнүүдийн нэг юм. 19. зууны эцсээр зураач, музейчин Osman Hamdi İmparatorluk Müzesi нэртэйгээр байгуулсан бөгөөд 13.06.1891 онд нээгдсэн байна. Археологийн музей, Eski Şark Eserleri Müzesi(Тhe Museum of Oriental Antiquities), Çinili Köşk Müzesi, археологийн музей зэрэг гурван музейнээс бүрддэг.
1. музей-Тhe Museum of Oriental Antiquities
1883 онд Osman Hamdi соёл урлагийн сургууль болгон хийлгэжээ. 1917-1919 мөн 1932-1935 онд музей болгон зассан байна.

Кадеш-ийн гэрээ. Mэдэгдэж байгаа хамгийн эртний энхийн гэрээ. Хититийн хаан (Hittite) Hattusilis III, Египтын pharah Ramses II нарын энхийн гэрээ тэр үеийн (1269 онд) олон улсын хэл болох Акад хэлнээ бичигдсэн байдаг байна.

хүндийн нэмжүүр, 6-7 зууны үеийх байсан шиг санагдаж байна. Доор нь байгаа тэр чулуунууд* туухай нь.

уртын хэмжүүр (6-7 зууны үед хэрэглэгдэж байсан. Хэмжүүрийн нэгж нь 3 хуруу, 4 хуруу, 1 хөл... бөгөөд хэмжүүрүүд нь яг таардаг юм билээ. Ойртуулж гараараа хэмжиж үзэж байгаад загнуулсан:))


Багананы суурь




Коридор нь эсрэг талд нь доод шитгэмэлүүд байрлана.



Наран цаг


2. музей - Arkeoloji Müzesi
Археологийн музей
музейн 3. дугаар давхарт



Доорх хоёр хананд байгаа сийлбэр бүрийн ард дээрх шиг оршуулга байгаа гээд бодсон чинь өөрийн эрхгүй дотор мууухай оргисон :)



шагай

музейн 2. дугаар давхарт
Турк улсын мөнгөн тэмдэгтийн түүхийг өгүүлэх жижиг булангаас гадна Стамбул хотод байдаг музей, түүх дурсгалт газруудаад жишээнүүд байсан.

Стамбул хотыг усан замаар хамгаалах гинж.

дэлгэгдээгүй археологийн олдворууд

усан доорх байгууламж
музейн 1. дүгээр давхар: энэ музейд хамгийн ихээр таалагдсан, хамгийн их цагаа царцуулсан, хамгийн их ядарсан хэсэг. Үнэн гоё хийц загвартай барималууд, сийлбэрүүд..










Булшлах урлаг: сийлбэр хээлбэрээс нь харахад дээд зиндааныханд тэдний хүүхдүүдэд зориулсан нь илт





3 дугаар музей - Çinili Köşk Müzesi
Чини-(шаазан)
1472 онд Fatih Sultan Mehmet-ийн (Стамбул хотыг эзллэсэн султан) зарилгаар баригдсан. 1875-1891 онуудад İmparatorluk Müzesi (Эзэнт улсын музей) нэрийн доор ашиглагдаж байсан бол 1953 оноос Tурк ба Ислам бүтээлүүдийг ард түмэнд хүргэж байгаад 1981 онд Стамбулын архиологийн музейтэй нийлүүлсэн байна.
Урд талаасаа нэг давхар, хойд талаасаа хоёр давхар тус музейд Селчүклү-Selçuklu (1037-1157) болон Оттоманы (1299–1923) үеийн шаазангууд байдаг бөгөөд агуулахдаа 2.000 бүтээлтэй аж.

Музейн манаач

Музей дэхь үзвэрүүдээс жишээ


ихэнх цонх нь иймэрхүү будаж гоёсон шилтэй юм билээ.

энэхүү музей нь дөрвөн өрөөтөй бөгөөд нэг өрөөнийх нь тааз.

хана
1. музей-Тhe Museum of Oriental Antiquities
1883 онд Osman Hamdi соёл урлагийн сургууль болгон хийлгэжээ. 1917-1919 мөн 1932-1935 онд музей болгон зассан байна.
Кадеш-ийн гэрээ. Mэдэгдэж байгаа хамгийн эртний энхийн гэрээ. Хититийн хаан (Hittite) Hattusilis III, Египтын pharah Ramses II нарын энхийн гэрээ тэр үеийн (1269 онд) олон улсын хэл болох Акад хэлнээ бичигдсэн байдаг байна.
хүндийн нэмжүүр, 6-7 зууны үеийх байсан шиг санагдаж байна. Доор нь байгаа тэр чулуунууд* туухай нь.
уртын хэмжүүр (6-7 зууны үед хэрэглэгдэж байсан. Хэмжүүрийн нэгж нь 3 хуруу, 4 хуруу, 1 хөл... бөгөөд хэмжүүрүүд нь яг таардаг юм билээ. Ойртуулж гараараа хэмжиж үзэж байгаад загнуулсан:))
Багананы суурь
Коридор нь эсрэг талд нь доод шитгэмэлүүд байрлана.
Наран цаг
2. музей - Arkeoloji Müzesi
Археологийн музей
музейн 3. дугаар давхарт
Доорх хоёр хананд байгаа сийлбэр бүрийн ард дээрх шиг оршуулга байгаа гээд бодсон чинь өөрийн эрхгүй дотор мууухай оргисон :)
шагай
музейн 2. дугаар давхарт
Турк улсын мөнгөн тэмдэгтийн түүхийг өгүүлэх жижиг булангаас гадна Стамбул хотод байдаг музей, түүх дурсгалт газруудаад жишээнүүд байсан.
Стамбул хотыг усан замаар хамгаалах гинж.
дэлгэгдээгүй археологийн олдворууд
усан доорх байгууламж
музейн 1. дүгээр давхар: энэ музейд хамгийн ихээр таалагдсан, хамгийн их цагаа царцуулсан, хамгийн их ядарсан хэсэг. Үнэн гоё хийц загвартай барималууд, сийлбэрүүд..
Булшлах урлаг: сийлбэр хээлбэрээс нь харахад дээд зиндааныханд тэдний хүүхдүүдэд зориулсан нь илт
3 дугаар музей - Çinili Köşk Müzesi
Чини-(шаазан)
1472 онд Fatih Sultan Mehmet-ийн (Стамбул хотыг эзллэсэн султан) зарилгаар баригдсан. 1875-1891 онуудад İmparatorluk Müzesi (Эзэнт улсын музей) нэрийн доор ашиглагдаж байсан бол 1953 оноос Tурк ба Ислам бүтээлүүдийг ард түмэнд хүргэж байгаад 1981 онд Стамбулын архиологийн музейтэй нийлүүлсэн байна.
Урд талаасаа нэг давхар, хойд талаасаа хоёр давхар тус музейд Селчүклү-Selçuklu (1037-1157) болон Оттоманы (1299–1923) үеийн шаазангууд байдаг бөгөөд агуулахдаа 2.000 бүтээлтэй аж.
Музейн манаач
Музей дэхь үзвэрүүдээс жишээ
ихэнх цонх нь иймэрхүү будаж гоёсон шилтэй юм билээ.
энэхүү музей нь дөрвөн өрөөтөй бөгөөд нэг өрөөнийх нь тааз.
хана
Labels:
Миний өдөр,
Стамбул,
Турк,
үзэхэд илүүдэхгүй газрууд,
Фото
Thursday, 31 July 2008
Миний муухай Монгол
Манай өрөөний цонхны харалдаа (өрөө маань basement буюу тал газар дор учир цонхны харалдаа зогссон машин, гадуур явж буй хүний хөл зэрэг харагдана)зогссон нэг суудлын автомашинaaс нэгэн Монгол эмэгтэй орилохыг сонсоод өөрийн эрхгүй цонхоороо харлаа.. Яах аргагүй 30 гаруй насны Монгол эмэгтэй тэрхүү машинаас буухаар тэмцэх аж. Намайг цонхоор харахыг харсан жолооч эмэгтэйг буулгаад явав.
Хэсэг хугацааны дараа нөгөөх эмэгтэйн уйлах, утасаар ярих чимээ сонсогдож эхлэв.
Хажуу орцны довжоон дээр суугаад, намайг хэн ч ойлгохгүй юм чинь гэж бодсон уу чанга чанга ярих.
Хүссэн хүсээгүй яриаг нь хэсэг сонслоо.
Авчирсан эмэгтэй нь "биеийг нь худалддаг" (энэхүү үгийг тэр эмэгтэй өөрөө хэрглэсэн болно.) бололтой. Таньд (утсаар яриж буй эмэгтэйгээ та гэх ажээ) гомдсон гэнэ, та охиноо ч гэсэн худалддаг гээ биз дээ, эндхийн Монголчууд "таны" тухай тэгж яридаг бла бла блаа....
Нуулгүй хэлэхэд оюутнууд энд ажилладаг ХАР Монголчуудтай аль болох уулзаж учирч, танилцахгүйг хичээнэ. Уулзаж учираад танилцсаны дараа хэзээ "гэрлье" (энд харласан Монголчууд хууль ёсны болохын тулд оюутнуудтай эсвэл Турк хүнтэй гэрлэх ёстой. Туркууд Монгол эмэгтэйчүүдтэй гэрлэж суухаасаа илүү нэг эсвэл нилээн хэдэн шөнийн хань гэж үздэг тул, гэрлэж сууж, ЦАГААРУУЛАХ Монгол оюутнуудын асуудал. Гэрлэе гэхээр л гэрлэчихэнэ гэж байхгүй ч миний мэдэхийн 5-6 оюутан ажилчинтай албан ёсоор батлуулсан байдаг.) эсвэл "пасспортоо түр хэрэглүүлүүч" гэх болоо гэж айна.
Дээрх шалтгаанаар мэдсэн ч мэдээгүй, сонссон ч сонсоогүй юм шиг хэсэг суулаа. Гудамжаар явах хүмүүс эргэн эргэн харж, хэрэгт дуртай нэг нь тагтан дээрээ гараад зогсчихож.
Нөгөөх эмэгтэйн маань хоолой нь зангираад, нус нулимсандаа хутгалдан чанга чанга орилсоор. Гадаа ч халуун гэж жигтэйхэн..
Хүн чанар зулгаагаад ганц аяга хүйтэн ус гаргаж өгөнгөө, хүсвэл манайд орж тайвшир гэхээр гарлаа. Довжоон дээр ярьж байгаагаас нь гадна бас нэг гар утас, холбоотой хэдэн түлхүүр, тамхи цацан тавижээ...
Хэсэг хугацааны дараа нөгөөх эмэгтэйн уйлах, утасаар ярих чимээ сонсогдож эхлэв.
Хажуу орцны довжоон дээр суугаад, намайг хэн ч ойлгохгүй юм чинь гэж бодсон уу чанга чанга ярих.
Хүссэн хүсээгүй яриаг нь хэсэг сонслоо.
Авчирсан эмэгтэй нь "биеийг нь худалддаг" (энэхүү үгийг тэр эмэгтэй өөрөө хэрглэсэн болно.) бололтой. Таньд (утсаар яриж буй эмэгтэйгээ та гэх ажээ) гомдсон гэнэ, та охиноо ч гэсэн худалддаг гээ биз дээ, эндхийн Монголчууд "таны" тухай тэгж яридаг бла бла блаа....
Нуулгүй хэлэхэд оюутнууд энд ажилладаг ХАР Монголчуудтай аль болох уулзаж учирч, танилцахгүйг хичээнэ. Уулзаж учираад танилцсаны дараа хэзээ "гэрлье" (энд харласан Монголчууд хууль ёсны болохын тулд оюутнуудтай эсвэл Турк хүнтэй гэрлэх ёстой. Туркууд Монгол эмэгтэйчүүдтэй гэрлэж суухаасаа илүү нэг эсвэл нилээн хэдэн шөнийн хань гэж үздэг тул, гэрлэж сууж, ЦАГААРУУЛАХ Монгол оюутнуудын асуудал. Гэрлэе гэхээр л гэрлэчихэнэ гэж байхгүй ч миний мэдэхийн 5-6 оюутан ажилчинтай албан ёсоор батлуулсан байдаг.) эсвэл "пасспортоо түр хэрэглүүлүүч" гэх болоо гэж айна.
Дээрх шалтгаанаар мэдсэн ч мэдээгүй, сонссон ч сонсоогүй юм шиг хэсэг суулаа. Гудамжаар явах хүмүүс эргэн эргэн харж, хэрэгт дуртай нэг нь тагтан дээрээ гараад зогсчихож.
Нөгөөх эмэгтэйн маань хоолой нь зангираад, нус нулимсандаа хутгалдан чанга чанга орилсоор. Гадаа ч халуун гэж жигтэйхэн..
Хүн чанар зулгаагаад ганц аяга хүйтэн ус гаргаж өгөнгөө, хүсвэл манайд орж тайвшир гэхээр гарлаа. Довжоон дээр ярьж байгаагаас нь гадна бас нэг гар утас, холбоотой хэдэн түлхүүр, тамхи цацан тавижээ...
Friday, 18 July 2008
Эфэс- Эртний хот



Задгай театр


Парламент-ын ордон



хавтангуудаа хооронд нь барицалдуулахын тулд дээрх шиг "ШҮДЛЭДЭГ" байжээ.



Номын сангийн үүд
Ганц давхар энэхүү өндөр таазтай номын сангийн үүдэнд арга билиг, оюун ухаан ... а зэргийг дөрвөн эмэгтэйгээр зүйрлүүлсэн хөшөө байдаг юм билээ. Хааяа ч гэсэн эмэгтэйчүүдийг ийм маягаар магтан дуулж баймаар юм даа. Кино бүр дээр буланд

Арга билиг билүү оюун ухаан ч билүү сайн санахгүй байна аа :(


Номын сангийн үүдэнд, тааз. Дээр харагдах байгаа том том багана номын сангийн хаалга хоёрын завсарт

Задгай театрын бүтнээрээ харагдах байдал

Yedi uyuyanlar- Унтаж буй 7
Эфэс рүү явах замд нэгэн салаа зам байх бөгөөд түүгээд ороод явахад унтаж буй долоон оршуулга таарна.
Энэхүү газрын домог нь их сонин юм билээ.
Христүүдын Ром улсын төртэй ойлголцолд хүрдэггүй хамгийн том асуудал нь "Imperial Cult" байж. Энэ Cult, Христүүдээс Imperial Сүмд өргөл өргөхийг (тахих) шаардах аж. Тахихгүй бол төрийн дайсан хэмээн үзэж шийтгэдэг байжээ.
Эзэн хаан Decius үед долоон Христиан залуугaaр өргөл барьц барьх гэсэнд, 7 залуу зугтаж нэгэн агуйд толгой хорогдож ээ. Долоон залуу хэсэг хугацааны дараа нойр нь хүрээд байхаар нь унтчихаж гэнэ. Сэрснийхээ дараагаар хот орж идэх юм авах гэсэнд 1 шөнө биш 200 жил унтсан, тэр үед Ром даяар Христийн шашин ихэд дэлгэрсэн байжээ.
Theodosius II, долоон залуу унтаад 200 жилийн дараа сэрсэн явдлыг сонсоод үүнийг ‘Resurrection’ буюу үхсэний дараа сүнс буцаад дэлхийд ирдэг хэмээх итгэл үнэмшилийг бататгасан хэмээн үзнэ.
Долоон залуу жам ёсоороо насан эцэслэсэнийх нь дараа сүр дуулиантай оршулах ёслол хийж, тэднийг оршуулсан агуйн дээр нэгэн сүм барьжээ.
1927-28 онд энд хийгдсэн унтаж буй долоог оршуулсан агуй хавиар архилогийн малтлага хийсэнд, нэг сүмээс гаднаа зуу зуун оршуулга олджээ. Сүмийн хана мөн оршуулгуудад ариун, гэгээн (holy) хэмээн тооцогдох болсон долоод зориулсан бичвэрүүд байдаг байна.
Унтаж буй долоод болж өгвөл ойрхон орчуулуулах хүсэл зуу зуун жил үргэлжилжээ.
Гэгээн Mary Magdalene (шинэ болон хуучин гэрээн дээр түүний тухай гардаг. Зарим эрдэмтэд түүнийг Христиййн эхнэр нь байсан гэж үзэх нь бий.) энд оршуулагдсан гэнэ шүү.



Subscribe to:
Posts (Atom)