Жимсний шүүсний бодлого

Модерн маркетинг блог дээр нийтлэгдсэн латерал сэтгэлгээ бичлэг дээрх бодлогон зураг их таалагдаад хайсан чинь өөр хэдэн бодлогон зураг оллоо. Нэг нэгээр нь цувуулаад нийтлээд байдаг хэрэг. Зурган дээрх асуултанд та бүхэн хариулаарай. Латерал сэтгэлгээ гэж юу болох талаар мэдэхийг хүсвэл энд дараарай.

Зургаан ширхэг стаканы эхний гурав нь жүржийн шүүсээр дүүрэн сүүлийн гурав нь хоосон аж. Ганцхан хөдөлгөөн хийж хэрхэн сөөлжлүүлсэн (нэг дүүрэн нэг хоосон нэг дүүрэн маягаар) дараалалтай болгох вэ?

fashionary.org

Загвар зохиогчидод, сонир- -хогчидод зориулсан хөөрхөн, хүрээтэй (олон сэдэв хамарсан) сайт оллоо. Скеч энэ тэр гээд загвар сонирхон зохиогчидод, уран гартнуудад ихээхэн тус болох янзтай.
Ийшээ ороод хараарай загвар сонирхогчидоо.

Гадилнаас яагаад бусад жимс айдаг вэ? Ха ха ха

Даалуун бугуйвч

Хэрэгтэй зүйлс: * Бугалганы тань нарийнаас шалтгаалж 6-7 ш даалуу
* өрөм
* 10-12 ш шүр
* бөххөн шидмэс (утас, сунадаг резин байж болно.)

Хийх нь:

1. Даалуунуудаа уртааш нь хэмжээд даалуу бүрийг 2 үзүүрээс нь 0.5 орчим см пламастар зэргээр дэмдэглэж бэлтгэнэ.
2. Тэмдэглэсэн газруудаа өрөмдөж нэвт цоолно. Өрөмний тань үзүүрний урт нь хүрэхгүй бол 2 талаас цоолж нүхнүүдийг уулзуулна. Өрөмдах үедээ аль болох өрмөө хүчтэй дээр тавиж хөдөлгөлгүйгээр, шулуун цоолох хэрэгтэй. Аюулгүй байдлыг эрхэмлэдэг бол нүдний шил зүүхэд гэмгүй.
3. Даалуунуудаа хэлхэж эхлэнэ. Хүсвэл бүгдийг нь цулгуу талаар нь хүсвэл бүгдийг нь эсвэл зарим нэгийг нь нүхтэй талаар нь (гадагш) харуулж даалуу бүрийн дараа сонгосон өнгөтэй шүрээсээ нэг нэгийг хавчуулан хэлхэж өгнө. Эцэст нь резиныхаа 2 үзүүрийг уяад даалуун бугуйвч тань бэлэн боллоо.

http://toli.query.mn/

Арван жилд "худлаа үнэн" Монгол хэлний олимпиадад ордог байхдаа Цэвэлийн толь гэж үгүй ээ мөн олон сонсож билээ, даанч ховор болтой гэгээн дүрийг нь харж чадаагүй юм. Монголд очихоороо Гэсэр, Жангар, Нууц Товчоо, Цэвэлийн толь зэрэг айл бүрт байвал зохих судар шиг номнуудыг олж хувийн номын сандаа залнаа гэсэн бодолтой байдгийн хувьд Очко блогчины хэрэгжүүлж байгаа Цэвэлийн толийг онлайн болгох төслийг 2 гараа өргөн дэмжээд, эхний ээлжинд хэд гурван үг оруулав. Гадаад дотоодод байгаа, өдөр дутмын хэдхэн үгээс цаашгүй, заримдаа ойголцохын тулд байгаа орныхоо хэлийг хэрэглэх дээрээ тулсан бид залуусын хувьд Цэвэлийн толийг онлайн болгох нь цагаа олсон их зөв алхам гэж бодож байна, хувьдаа.
Шивэх явцад сонин содон үгтэй тааралдаад, төрлөх Монгол хэлээ сурах, таны шивсэн мөн үгийг дараа нь хайх олон олон хүнд буян болох гээд олон давуу талтай мэт.
Хэрхэн бүртгүүлэх, үг оруулах зэргийг их ойлгомжтой тайлбарласан байна лээ. За тэгээд залуусаа ганц хоёр гэлтгүй оруулаад байгаарай, олны хүч оломгүй далай гэдэг дээ..

Я. Цэвэлийн "онлайн" толь, товшоод байгаарай..

The Many Faces of Leighton Meester

Leighton Meester, Gossip Girl цувралын Blair Waldorf, энэ сарын Нarpers Бazaar сэтгүүл дээр 20, 30, 40, 50 насанд хувиран "олон нүүр"-ээ харуулсан байна. Gossip Girl цуврал нь Манхаттан дахь хувийн хай скүлийн, "баян", сурагчдын амьдралыг, Gossip Girl нэртэй хөв живний сайтад нийтлэгдэж буйгаар үзүүлдэг бөгөөд зохиолын хувьд базаахгүй ч хувцас загварын чиглэлийг тодорхойлох, чиглүүлэх чадвараараа Sex and the Cities цувралын дараагаар жагсхуйц бүтээл гэж үздэг байна.






Ярилцлагыг эндээс
Эх сурвалж

Уруул томосгож, "бөгс" жижигрүүлдэг уруул өнгөлөгч (Huge Lips Skinny Hips)

Итгэхэд бэрх ч Huge Lips Skinny Hips-н уруулыг тань томосгохын хажуугаар тураадаг болох нь батлагджээ. Үүний нууц нь кактуусан төрлийн ургамалуудад (cactus-like plant) агуулагддаг "hoodia" хэмээх охь аж. Энэхүү охь нь хоол идэх дур сонирхолыг багасгадаг ид шидтэй аж.
Энэхүү бүтээгдэхүүний нууц нь зуу зуун жилийн турш Өмнөд Африкийн уугуул иргэдийн хэрэглэж ирсэн, ихэнх тураадаг эмэнд агуулагддаг "hoodia" охийг, уруул хөөлгөгч уруул өнглөгчтэй холих "энгийн" санаа аж. Үнэ 20 доллар.


Худалдаж авахыг хүсвэл
Бүтээгдэхүүний веб

2010 оны хавар, зуны өнгөнүүд

Хүн худалдах гэмт хэргийг таслан зогсооё!

Саяхан нэг найз маань Монголоос ирэхдээ Хүн худалдаалах гэмт хэргийг таслан зогсооё нэртэй Хүйсийн тэгш эрхийн төвөөс гаргасан гарын авлага авчирсан юм. Илүү хүртээлтэй болгох үүднээс үг үсэггүй хуулан пост хийлээ, таалан соёрхоно уу.


Хүн худалдах гэмт хэргийг таслан зогсооё!

"Хүн худалдах гэмт хэрэг" гэдэг нь бусдын биеийг үнэлүүлэх, албадан ажиллуулах буюу үйлчлүүлэх, боолчлох буюу боолчлолтой төсөөтэй заншил, эрх чөлөөгүй байлгах, цус, эрхтэнийг нь авах зорилгоор эмзэг байдлыг нь урвуулан ашиглаж, хуурч мэхлэх, дарамтлах, хулгайлах замаар элсүүлэх, тээвэрлэх, дамжуулах, нуугдуулах буюу хүлээж авах үйлдэл юм.

Хэн нэгнээр зуучлуулан гадаадад зорчих гэж буй бол та доорхи зүйлсийг анхаараарай.

* Тухайн улсад байх өөрийн улсын консулын газар, элчин сайдын яамны утас хаягийг авч хадгалах.
* Зуучлагчийн талаах мэдээлэлийг (нэр, хаяг, нэрийн хаяг,утас, регистрийн дугаар г.м) авч итгэлтэй хүндээ үлдээгээрэй.
* Найз нөхөд, гэр орныхондоо, хаашаа, хэнтэй, хэзээ явах гэж буйгаа хэлэх хэрэгтэй.
* Тухайн орны хэл дээр (гарын авлага дээр хил дээр хэмээсэн байна) шаардлагатай өгүүлбэрүүдийг тогтоогоорой. Тухайлбал, надад туслаач, Монгол Улсын Элчин саьдын яам хаана байдаг вэ?, Цагдаагийн газрыг зааж өгөөч?
* Гадаадад байх хугацаандаа хэрэглэх зардалтай байх ёстой.

Хэрэв та гадаад оронд очсон бол юу хийх хэрэгтэй вэ?
* Пассапортоо хэн нэгэнд бүү өг.
* Гадаадад очингуутаа өөрийн орны Элчин сайдын Яам, консулын газарт бүртгүүл.
* Очоод хаана очсон талаараа гэр бүл, найз нөхөдтэйгөө холбоо барь.
* Хэрэв хүнд байдалд орсон бол ямар нэгэн аргаар өөрийн улсын элчин сайдын яам, эсвэл тухайн улсын хууль хяналтын, хүний эрхийн байгууллагад ханд.

Хүн худалдах гэмт хэргийн талаар мэдээлэл, зөвөлгөө, туслалцааг 1903-аас авч болно.
Бид таны нууцыг чандлан хадгална.
www.stoptrafficking.mn

Би ямар ч байсан шивчихлээ, гарын авлага юм чинь зохиогчын эрх энэ тэр гэхгүй биз, хүссэн хүн байвал аваад хэрэглээрэй. Хэр олон хүнд хүрнэ төдий чинээ сайн гэж бодном.
Хойд хуудсан дээр нь хэд хэдэн газар дахь ЭСЯ утас, факс, и-мэйл хаягийг бичсэн байна тэрийг нь дараа нэмж оруулья.

IOM -International Organization for Immagration

Сүүлийн тав хоногт ИОМ хэмээх олон улсын цагаачдын байгууллагын Стамбул дахь салбар уруу 3 удаа очлоо. Анх, энд ирээд 3 сард 4 байр, 2 ажил солисон, хоёулангаас нь тохиролцсон цалин хөлсөө авч чадаагүй Д. бүсгүйд орчуулга хийж, хэл нэвтрэлцүүлэх цаашлаад эх орон руугаа буцах хүслийг нь биелүүлэх зорилготой байсан юм. Истиклал (Таксим) хэмээх олны хөлийн гудамжаар чигээрээ уруудаж 300 орчим м алхсаны эцэст Хамалбаши хэмээх салаа гудамж руу ороод 22 тоот байшингийн 9 тоотод байрласан энэхүү байгууллагад Орос, Швед, Турк нийлсэн зургаан хүн ажилладаг аж.

Хайж хайж 6 минут хоцроод орсонд Д. ирчихсэн намайг хүлээгээд сууж байна. Анжелина хэмээх Орос бүсгүй Д-тэй ярилцлага хийж, түүхийг нь сонсох гээд бид 3 хуурлын зааланд орлоо. Эхний ээлжинд Д бүсгүйг нэр овог, хэзээ, яагаад ирсэн зэрэг ерөнхий хэдэн асуулттай анкет бөглөхийг хүслээ. Анкетийн эцэст энд ирсэн замнал (хаагуур яаж ирсэн,зуулчилуулсан эсэх), хаана байрласан, хаана ажилсан зэргийг нь нэг нэгдгүй асуун түүхийг нь яриулж байна. Би бас хүний Монгол явах хүслийг нь нуураачих вий гээд биеэ бариастай. Манай хүн бас нутаг руугаа үнэгүй (онгоцны билетийг авч өгөх, харласан хүмүүсээс хил давахад нэхэгддэг торгуулиас чөлөөлөх зорилготой ярилцлага байсан юм) буцаж чадах эсэх нь энэ ярилцлагаас шууд хамаарах тул биеэ бариатай. Ярилцлага 2 цаг үргэлжилсэний эцэст ерөнхий процессийг танилцуулаад хэрэг явдал тань шийдэгдэхээр холбоо баръя гээд утас шөрмөсийг нь аваад үлддэг аж.

Тус байгууллагад эх нутаг руугаа өөрийн хүслээр явахын тулд хандсан хэн бүхний түүх, бөглөсөн анкет зэргийг тус оронд байгаа төв салбар луу нь явуулаад тэндээсээ Швед дэхь төв явуулж, тэндээ очоод шүүгдэн эерэг, сөрөг хариу нь 7 орчим хоногийн дараа буцаж ирдэг аж. Эерэг хариу авсан тохиолдолд тэдний талаас онгоцны билетийг тань захиалаад нислэгийн тань өдөр, цагийг мэдэгддэг аж. Та нислэгээс нэг өдрийн өмнө мөн байгуулага дээр очиж тэндээсээ гадаадуудын цагдаагийн газарт хүргүүлэн, энд байх хугацаандаа элдэв хэрэгт холбогдсон эсэх гээд элдэв бичиг баримт шүүж, гар хурууны тань хээг аваад саадгүй бол маргааш нь энгийн хувцастай цагдаа, ИОМ-н нэг төлөөлөгчөөр онгоцны буудал хүргүүлдэг аж.

Энэ 2 дахь өдөр ИОМ-с Анжелина бүсгүй над руу залгаад 3 сарын хугацаанд 2 ажил солиод, тохиролцсон цалингаа авч чадаагүй, хоол байрны мөнгөгүй тул явталаа айл айл хэсч буй Д-г маргааш авчирч чадах эсэхийг маань асуулаа. Байр хоолондоо зарцуул гээд 100 лира өгөх гэнэ. Д-гийн өгсөн хамт амьдардаг эгчийнх нь өгсөн номер луу залгаад авахгүй болохоор нь маргааш 10 цагаас нөгөө газраа хүрээд ирээрэй гэж месеж бичсэн юм. Маргааш боллоо, би ч очилоо. Д байдаггүй. Гайхаад хамт амьдардаг эгч рүү нь залгалаа, тэдний байрны эзэн нь ирээд Д-г байлгахгүй гэсний үндсэн дээр Д чемоданаа чирээд гарсан гэнэ. Дотор хараллаа. Нэгэнт ирсэнийх гээд офисын менежер Швед бүсгүйгээс үйл ажиллагааных нь талаар тодрууллаа. Тэд Турк улсын засгийн газрын тусламжтайгаар хүний наймаанд өртсөн хүмүүст туслах үйл ажиллага явуулдаг аж. Үүнтэй холбоотойгоор 157 хэмээх үнэгүй номер ажиллуулдаг бөгөөд Туркэд нүний наймааны хохирогч Монголчууд байгаа бол 157 номер руу залгаарай гэж хэлээрэй хэмээн давтан давтан захилаа. Ойрын зургаан сардаа Д шиг харласан хүмүүст онгоцны билет авч өгөх зэргээр туслаж чадахгүй ч гол ажил нь болсон хүний наймааны хохирогчидод туслахад хэзээд бэлэн хэмээн тодотгож байлаа.

Утасгүй тул Д-н хэрэг шийдэгдэхээр хариу сонсох өдөр буюу өнөөдөр (нэг дэхьд уулзахдаа утас шөрмөсгүй юм чинь 5 дахид ирж хариугаа сонсоорой гэсэн юм.) 3 дахиа мөн газар очилоо. Түүний хэрэг бүтжээ. Тэр 25 нд явахаар болж. Айл айл хэсэн хэцүүхэн байгаа түүнийг рүүммайтүүдтэйгээ яриад явтал нь гэртээ байлгахаар болсон ба тэрээр маргааш манайд айлчилан ирэх болно.
Өнөөдөр очихдоо хүний наймааны хохирогчидын сэтгэл зүй зэрэг эмзэг сэдвүүдийг энэ чиглэлээр долоо дахь жилдээ ажиллаж байгаа Анжелина бүсгүйтэй цөөн хэдэн минут ярилаа.
Хүний наймааны хохирогч болоод гадны хүчинд автан биеэ үнэлж байгаа бүсгүйчүүдийг өдөрт дунджаар 20-25 эр авдаг гэсэн судалгаа байдаг аж. Өдөр бүр 20-25 эрээр "хүчиндүүлнэ" гэдэг амаргүй даваа. Хохирогч эмэгтэйчүүд эхний 1-2 сардаа чадлынхаа хэрээр тэмцдэг гэнэ. Уйлна урвайна, хашигчина, хазна, өшиглөнө гээд өөр дорвитой зүйл хийж чаддаггүй тэд 2 сарын дараанаас байдалтайгаа эвлэрч эхэлдэг гэнэ. Нэгэнт ийм дээрээ тулсан бол өөрийн хүслээр биеэ үнэлж байна гэж үзэх нь элбэг тул хүний наймаанд өртөгчидийг эхний 1-2 сард олж, тусламж үзүүлэх нь маш чухал байдаг аж. (ИОМ-ын талаарх багахан мэдээллийг эндээс)
Намайг 3 дахьд очсоноос хойш гуравхан сартай хүүхэдтэй 86 оны эхнэртэй 88 оны залуу энүүгээр ирсэн гэнэ. Эхнэр нь пасспортоо алдаад бас л зовж яваа нэгэн бололтой. Тэдний гэр бүл хэдэн сарын өмнө буцах билетээ аваад онгоцны буудал орсонд Турк улсын нутаг дэвсгэрт хараар суусаны торгуул төл гээд гаргаагүй билетийг нь үхүүлсэн сурагтай. Тэд ойрын 6 сардаа ийм төрлийн хохирогчидод туслаж чадахгүй тул уучлаарай гээд явуулсан аж. Өмнө нь хэд хэдэн ийм тохиолдол сонссоны үндсэн дээр шууд нисэх билетээ авсан хүмүүсийг торгуулгүйгээр гаргаж өгөхөд нь туслаж чадах эсэхийг нь асуулаа, чадна гэнэ. Билетээ авсан, харласан торгуул төлөлгүй явах хүсэлтэй хүмүүс байвал +90 (212) 2921338 тоот утсаар холбоо барих эсвэл Kemerhatun mahallesi, Hamalbaşı caddesi no:22 Kat:3 daire:9 34435 Beyoğlu/İstanbul хаягаар яваад очоорой. Торгуул төлөлгүйгээр явахын тулд шууд нислэгийн билет авсан (Аерофлотын) байх шаардлагатай гэсэн шүү..

За тэгээд эцэст нь хүний наймааг таслан зогсооё!

The Story of Stuff with Annie Leonard

Ард түмээн өнөөдөр нэг ийм сайттай таницлаа. 7 гаруй сая хүний таалан үзсэн The Story of Stuff with Annie Leonard хэмээх 20 гаруй минутын видеог үзсэн чинь энэ долоо хоногт нэг пүүз авсандаа харамсав бараг :) Тоглоом ч үгүй "дэмий авдаг байж, зөндөө гуталтай юм байж" гэж бодлоо. Заавал үзээрэй, үзээд "үнэн" санагдаад шинэ системд хөл нийлүүлэн алхахыг хүсвэл энэ жагсаалтнаас өөрийнхөө хийж чадхаас "хийж" эхлээрэй. Би эхний ээлжинд чийдэнгүүдээ солисон (change your lightbulbs), одоо компьютерээ унтраагаад хажуу хавирганыхаа хүмүүстэй хууч хөөрлөө (unplug and plug in, power down), маргааш магадгүй пүүзээ буцаана, мэдээж ойрдоо бачим хэрэггүй тохиолдолд элдэв эд худалдаж авахгүй (Buy Green, Buy Fair, Buy Local, Buy Used, and most importantly, Buy Less) :) Бага ч гэсэн эхлэл шүү дээ, тиймүү.

Модон чихрээр шулам (сүнс) хийх нь

Орц:

* Иштэй чихэр
* хар, шаргал өнгөтэй зузаахан цаас (construction paper)
* хар crepe цаас (бага байхад шинэ жилээр ангиа чимэглэдэг байсан үрчгэр цаас)
* шаргал, голоор нь төмөр гүйлгэсэн уяа (chenille stem)
* цавуу
* хар пламастр (тодруулагч)
* улаан, шаргал эсвэл хар утас, үсэнд
* малгай хийхэд хар өнгөтэй, жижиг, тал дугуй цаас
* шүдний чигчлүүр (хүсвэл, шүүр хийхэд)

Бэлтгэх нь:

1. Нүүр малгайг хар цааснаас хайчилж бэлтгэнэ.
2. Үрчгэр цааснаасаа 25х10 см харьцаатай тайрна.
3. Шаргал төмөр гүйлгэсэн утсаа голоор нь тайрна. Нэгийг нь гар болгож ашиглах болно.
4. Шаргал бөөрөнхийгөө (нүүрээ) иштэй чихрэн дээрээ наана. Мэдээж наахаасаа өмнө хар палмастраар нүд, ам зурна.
5. Үс хийх утаснаасаа 12-13 см хайчлаад хэд хэд нугалаад толгой хэсэгт наана.
6. Хагас дугуй хэлбэртэй картоныхоо (малгай хийх) дугуйрсан талыг давхардуулан нааж чөтгөрийн малгайг хийнэ. Хэрэгтэй гэж үзвэл хайчилж болно.
7. Бэлэн болсон малгайгаа шулам эмгэний толгой дээр наана.
8. Хар үрчгэр цаасаараа иштэй чихэрний ишийг тойруулан ороож шуламэмгэний нөмрөгийг хийнэ.
9. Төмөр утас гүйлгэсэн шаргал утсаа (chenille stem) шулмын толгойноос 2 орчим см доогуур (үрчгэр цаасан дээгүүр) уяж 2 үзүүрийг нь ээтийлгэнэ (гар маягаар).
10. Хүсвэл шүдний чигчилүүр ашиглан шүүр хийнэ. (Чигчилүүрээр шүүр хийх аргыг дараа оруулна аа.)

Иштэй чихрээр сүнс хийх нь

Орц:

* Иштэй чихэр
* Салфетка
* палмастр
* уяа, утас

Бэлтгэх нь:

1. Салфеткаа иштэй чихрэн дээгүүрээ давуулан (бүрээд) дөрвөн талыг нь тэнцүүлэн бариж байгаад чихрийн доох нь талаар нь уяна. Нүүрэн дээр нь нүд, ам зураад чихрэн сүнс маань бэлэн болно.

D.I.Y

D.I.Y нь Do It Yourself хэмээх үгний товчилол бөгөөд өөрөө элдэв мэргэжил- -тэний тусламж- -гүйгээр эвдэрсэн хэмхэрсэнээ засах залруулах, шинэчилэх, сайжруулах, шинээр хийх гэсэн утгийг агуулна. Америк Европ зэрэг өндөр хөгжилтэй оронд ганц хадаасыг хүртэл мужаанаар хадуулах нь нийтлэг үзэгдэл. Дээрх улсуудад D.I.Y нь нэг төрлийн соёл, амьдарлын хэв маяг, хөдөлгөөн болтолоо хөгжжээ. D.I.Y гэхээр бүхнийг өөрийн гараар хийх гэсэн нүсэр ойлголт биш бөгөөд бэлэн малгайн дээр өөрийн сонгосон өд, хиймэл цэцэг зэргийг бөхлөж оёх, майк, путболкон дээр эсгэж бэлдсэн хэлбэр дүрсүүдийг эмхлэн оёх эсвэл ар нуруун дээр нь цонх гаргах, элдэв путболкон дээр хүссэн зургаа хэвлэх, зурах бүр будах зэрэг хялбархан байж болно. Бүх эд зүйлс массаар үйлдвэрлэгдэх болсон өнөө үед бусдаас ялгарахыг хүсэгчид D.I.Y хөдөлгөөнийг тэлэхэд багагүй хувь нэмэр оруулж байгаа нь мэдээж. Би бас яаж дутахав өмнө нь оруулж байсан холбоотой хэдэн бичлэгээ цуглуулаад D.I.Y үүл үүсгэж хувь нэмрээ оруулъя даа :)

Элдэв сонирхолтой D.I.Y төслүүдийг
эндээс
бас эндээс сонирхоорой..

А'N'D

Azumi, David хэмээх 2 Англи залуу этгээд сонин хувцас хунар, элдэв чимэглэл зохион бүтээж өөрсдийн сайт дээр байрлуулан зардаг юм байна. Надад гутлан хэлбэртэй цүнхнүүд нь таалагдлаа, даанч жоохон үнэтэй юм :(

Энэ жил моданд ороод байгаа энэхүү гар цүнхийг (clutch) өрөөсөн гутал ашихлаад өөрөө хийчихэж болохоор санагдлаа.. Өрөөсөн нь гээгдсэн, шинэ гутлыг өндөр үнээр худалдаж авна шүү :)

Шашин

Саяхан МУГЖ Батцэцгийн нөхрийнхөө хамтаар бэлтгэдэг "Үгүйлэн санана" нэвтрүүлгийн Чикаго хотын наадам хэсгийг үзлээ. 3 жилийн өмнө зуныхаа амралтын 3-4 сарыг Чикаго хотноо өнгөрөөсөн юм болохооор таниж мэддэг, уулзаж учирч байсан хүн гарах нь уу, тэнийхээ барааг нэг харчих юмсан гэсэн нууцхан хүлээлттэй :)
Тэгсэн бүр Монгол пастертай, Чикаго Монголиан Чөрч гэсэн байхаа нэг байгууллагын гишүүднй гэх 5-6 эмэгтэй цуглаад суучихсан загалмайтны шашинг магтаж өгч байна. Тэднийхээр загалмайтны шашинд элсэн орсоноор хүнийг илүү хайрлах болсон л гэнэ, шинэхэн ирсэн хүмүүст ажил төрөл олж өгдөг, энд тэндээс элдэв хувцас, хунар цуглуулан Монгол дахь эмзэг давхаргынханд явуулдаг гээд л... Тэгэхээр нь бодлоо заавал загалмайтны шашинтан болж байж бусдыг хайрлаж, хуучин муу сайн хувцас хунараа цуглуулан хэрэгтэй нэгэндээ илгээдэг, ажилгүй нэгэндээ ажил олоход нь тусладаг болохоор ихэнх нь шарын шашинтай гэгддэг "бидний Монгол" хөгжидөггүй юм болов уу? гэж. Дээр Анжигай ахын хөндөж байсан шашин сурталчилах асуудлыг "дэлхий нийтийн интернэт" ашиглан хийх нь хэр зөв бэ? та нар юу гэж бодож байна?
Эцэст нь таньдаг, гар хөлөө барилцаж байсан нэг хүн маань нэвтрүүлгээр гарсан шүү гсн:)

Путболк зүүцгээе

Ийм сонирхолтой юм оллоо, элдэв гархи, цагираг энэ тэр оруулаад илүү чамин болгож болох юмшиг санагдлаа...

Хэрэгтэй зүйлүүд:

* 1 путболк (зүүлтний тань урт хэр том путболк хэрэглэх гэж байгаагаас тань шалтгаална.)
* хайч
* шугам

Бэлтгэл:

1. Путболкоо тавцан дээрээ тавиад уртааш нь голоор нь нугалж өгнө. Ингэсний дараа 2 ханцуй давхралдасан байралалтай болно.
2. Хамгийн доод талын зах оёдолыг тайрч хаяна.
3. Путболкоо 3 см орчим өргөнтэй хэсгүүд болгож хуваана. Хэсэг бүрийг (таслалгүйгээр) 2 талаас нь татаж сунгаад хэлбэрт оруулна. Бүгдийг нь багцлаад нэг утсаар (хэсгээр) багцалж боогоод зүүлт маань бэлэн боллоо.

Эх сурвалж

Памперсан бялуу

Саяхан нэг найзынхаа жирэмсэн болсон сургаар хүүхдэд нь бэлэгний санаа хайж эхэлсэн юм. Уйгагүй эрлийн эцэст ийм хөөрхөн "юм" олсоноо та нартайгаа бас хуваалцмаар санагдаад. Хийхэд хялбар, бэлэглэхэд чамин хамгийн гол нь нэг бүр нь хэрэгтэй "эрднэсийн авдар" гэмээр энэхүү бэлгийг хийж үзвэл патиарыг нь татаад хуваалцаарай. Америкт хүүхэд төрөхөөс өмнө эх болох бүсгүйн найзууд "baby shower" хэмээд парти зохидог бөгөөд памперсан тортнь ийм партинуудын "must have" нь аж. Мэдээж заавал шинэ төрсөн гэлтгүй хүүхдийн нэг насны ойгоор бэлэглэхэд бас тохиромжтой юм шиг санагдлаа. Сонгосон материалаас тань шалтгаалаад 30.000-50.000д босох энэхүү тортийг хийхэд 2-3 цаг шаардлагатай.

Хэрэгтэй зүйлс: (3 давхар торт хийхэд)

• 60 ш памперс (хэр том,хэдэн давхар торт хийхээс тань хамаараад тоо нь өөрчлөгдөнө.) Тэр даруй хэрэглэг гэж бодвол номерийн памперс аваарай. 2-3 сар хүүхдийнхээ өрөөг чимэг гэж бодвол 1 цаашлаад 2 номерийн памрерс авах хэрэгтэй. Цулгуй цагаан, элдэв чимэгтэй, даавуун гээд сонголт мэдээж таных.
• Тууз, 1-2.5см өргөнтэй, хүүхдийн хүйснээс шалтгаалаад цэнхэр, ягаан эсвэл шар байж болно.
• 36-60 ш жижиг резин (rubber bands)
• 3-6 ш том резин (мега)
• 1 ш том, хүүхдийн лосион эсвэл 250 мл багтаамжтай шингэн агуулах сав (соск)
• 1 ш 125 мл багтаамжтай хүүхдийн соск
• тортоо байрлуулах дугуй хатуу цаас эсвэл таваг
• чимэглэх зүйлс, зөөлөн тоглоом, хүүхдийн гутал, хувцас, оймс, элдэв тос, логион, пудр гээд..

Тортоо хийх нь:

1. Эхний давхрагт ойролцоогоор 36 памперс хэрэглэнэ.
Юуны түрүүнд бүх пампесаа чангахан хуйлан (дэлгэж байгаад нэг үзүүрээс нь эсвэл тэр чигээр нь хуйлж) резинээр боож задрахгүй болгож бэхэлж өгнө.
2. Дараа нь хүүхдийн соскоо тойруулан 6 ш хуйлсан парперс байрлуулаад гадуур нь бас нэг томхон резинээр тогтоож өгнө. Энэхүү давхрага нь хамгийн доод талыг том суурь тул сосконы гадуур өрсөн зургаан памперсний гадуур 12 ширхэгийг өрж мөн резинээр бэхлэнэ. (эхлээд резинээ байрлуулчихаад хуйлсан памперсаа тойрогт нэг нэгээр нь нэмэх нь амар байдаг) Ингэж өрж байхдаа памперсбүрийн хуйлсан төгсгөлийг дотогш нь харуулахыг хичээнэ. Мөн 12 ширхэгийн дараагаар хамгийн гаднах давхаргийг 18 памперс ашиглан өрж өгнө.
3. 2 дахь даврагаа мөн эхний давхрага шиг 6 гадуур нь 12 маягаар өрнө. Энэ үед голд байрлуулсан соск "дуусах" бөгөөд дараагийн буюу 15 мл багтаамжтай соскийг "үргэлжилүүлэн" дараагийн давхрагийг бэлтгэнэ.
4. 3 буюу сүүлийн давхрагаа жижиг (125 мл багтаамжтай) соскний гадуур үлдсэн 6 памперсаа өрснөөр гурван давхрага буюу тортны маань ерөнхийн бие гараад ирнэ.
5. Давхрага бүрийг нэгтгэж барьсан резинүүдийг сонгосон өнгөтэй өргөн туузаараа дарж, ороон, бантиклана (эсвэл 2 талтай скоч, халуун силикон (silicone gun) ашиглан нааж болно).
6. Эцэст нь тортоо сонгосон чихмэл, тос, лосион хувцас хунараараа чимэглээд voila.

Эх сурвалж
видео

Youtube-с "diaper cake" гээд хайхад зөндөө видео гарч ирж байна лээ шүү хүүхнүүдээ..

Каптализмийн гурвалжин

Calendar Necklace tm

Цагаан, шар, ягаан алтан, мөнгөн хуанлин зүүлтээ эндээс захиалаарай. Үнэ нь металаасаа шалтгаалаад 150-375 доллар аж.

Талхан, бяслаган, байцаан... бойтог

Илүү ихийг эндээс..

Penny

Ихэнх хүмүүс задгай мөнгөө шилэн саванд цуглуулаад дүүрхээр нь банкинд тушаан бүхэлтгэж эсвэл элдэв буяны байгууллагад хандивладаг бол зарим хүмүүс задгай мөнгөө ингэж ашигладаг байна.










The Standard Hotel

Тeeze-н 00 өрөө

Тархины үйл ажиллагааны тест (Неврологийн тест)

(Зурган дээр дараад томруулж байгаад хараарай..)

6-г ол


C-г ол


N-г ол


Энэхүү 3н тестийг, хулгана ашиглалгүйгээр, амжилттайгаар биелүүлж (6,N,С-г олж) байвал таны тархины үйл ажиллагаа онц сайн бөгөөд хэтдээ Альцгеймера (Alzheimer) өвчнөөр өвдөх аюулгүй гэнэ. Би гурвууланг нь олж байна, харин та?

Гэрийн нөхцөлд "дездарант" хийх нь

Хэрэгтэй зүйлс:

* Эрдэнэшишийн цардуул
* хүнсний сода
* кокосны тос
* элдэв охь тоснууд (Essential oils, хүсвэл, анхилам үнэр)
* Vitamin E (хүсвэл, арьсыг тань зөөлрүүлэх)

Хийх нь:

1. 1/4 стакан (60 мл) эрдэнэшишийн цардуулыг мөн хэмжээний содатай холиж нийцүүлнэ. Хэрэглэх бол 10 орчим дусал essential oils (8 дусал lavender+3 дусал sandalwood тос хэрэглэсэн гэнэ,мэдээж та хүссэн охио нэмж хүссэн үнэрээ гаргаж авч болно), 2 амны халбага кокосны тосоо нэмж нийцүүлнэ.
2. Дуусч байгаа дездрантны саваа цэвэрлээд бэлдмэлээ мөн савандаа хийж зайгүй чигжээд 1-2 хоног амраана.


Эх сурвалж

Газрын зурагтай бугуйвч

Хэрэгтэй зүйлс:

* хуучин газрын зургын тасархай, сонин, сэтгүүл г.м (бугуйвчны тань өргөнөөс өргөн байх хэрэгтэй)
* 1 ш бугуйвч (bangle, ямар ч хамаагүй хэлбэр дүрс, хэмжээтэй)
* хайч, цавуу, шугам, хамгаалахын тулд гадуур нь түрхэх өнгөгүй лак

Хийх нь:

1. Газрын зургаа өргөөш нь 1 орчим см өргөнтэй жижигхэн хэсгүүд болгож тайрна. Нарийн байх тусмаа бугуйвчин дээр наасны дараа илүү цэвэрхэн харагдах болно.
2. Хэсэг бүрийг цавуудаад бугуйвчин дээрээ голлуулан наана. Илүү гарсан хэсгүүдийг давуулж наана.
3. Бугуйвчныхаа дотор тал руу давуулж наасан хэсэг дээрээ бага зэрэг сонин (хувцасны шошго, хэсэгхэн цаасан дээр бичсэн захиа, тэмдэглэл г.м) нааж өгнө. Ингэснээр бугуйвчны давуулж наасан хэсэг сөрөхгүй.
4. Эцэст нь бугуйвчныхаа гадуур өнгөгүй лак (Polycrylic, Diamond Glaze г.м) түрхэж хамгаална.

Эх сурвалж

2009-2010 Намар,өвлийн өнгө

Pantone, Inc. жил бүр, улиралын олонд таалагдсан өнгийг сонгон шалгаруулдаг байна. 2009-2010 намар, өвөл дээрх өнгүүд модонд орох гэнэ. Намраас дээрх өнгийн хувцасуудаар гангарсан, хумс, нүүр нүдээ будсан хүүхнүүд л гудамжаар алхлаад байх нь дээ... (Зурган дээр дараадтомруулаад хараарай!)

Бяцхан "тариан талбай"

Нэг ийм сайхан юм оллоо. Ногоо цагаа тарих зай муутай бол туршаад үзээрэй, үнээр их таалагдлаа. Монголдоо очихоороо заавал туршиж үзнээ :)

"Тариан талбай" хийхэд хэрэгтэй материалууд:
Хананаас өлгөдөг гуталны сав/уут(shoe organizer/store), хөшиг тогтоогч төмөр, шүрүп, хадаас, хөрс мэдээж үр эсвэл үрсэлгээ, тэгээд л болоо

1. "Тариан талбай"гаа хаана байрлуулахаа шийднэ. Гуталны саваа өлгөхөд газар шүргэхгүй байхаар өндөрт хөшигний төмрөө хадаас, шүрүпээр тогтоож өгнө. Халааснуудад хөрсөө хийгээд ногоогоо тариад, ургасан ногоогоо услана гэж бодож чанартай төмрийг сайн бэхлэх хэрэгтэй.
2. Гуталны саваа байрлуулаад халаасууд руу ус хийж үзнэ. Илүүдэл ус халааснууд дээрх нүхээр асгарч байх хэрэгтэй. Асгарахгүй бол халааснуудыг хэд хэд цоолж өгнө.
3. Халаас бүрийг чийг сайн барьдаг хөрсөөр дүүргэнэ.
4. Гоньд, яншуй, мангир, бууцай, ганга, гич гээд хүссэн ногоо/ амтлагчныхаа үрийг эсвэл үрсэлгээг нь суулгаж өгнө.

Эх сурвалж

Wayfarer нарны шил

1952 онд анх зах зээлд нийлүүлэгдсэн wayfarer загварын нарны шил, нүдний шилний түүхэнд хамгийн их зарагдсан загвар ажээ. Энэхүү загварын нүдний шилийг Audrey Hepburn 1961 онд Breakfast at Tiffany's кинонд зүүсэн нь олны сэтгэлд хүрч 80-иад оноос олон олон залуус энэхүү загварын шилээр гангарах болжээ. RB 2140 хэмээн кодлогддог энэхүү загварыг шилны араамыг хараас гадна 31 өнгөөр хийдэг байна. 32 өнгөнөөс таньд таалагдах олдохгүй бол энэ жил RAY BAN доодох шиг буддаг Wayfarer гаргажээ.

Хамгийн сайн нарнаас хамгаалах тоснууд

1.La Roche-Posay Anthelios XL Lait SPF: Мэдээллийн эх сурвалжид энэхүү маркийн нарнаас хамгаалах тоснуудыг хамгийн сайн нарнаас хамгаалах тос гэж дурьдсан байна. Энэхүү тос нь арьс үрчийлгэдэг UVA цацрагаас хамгаалдаг Mexoryl хэмээх бодис агуулдаг гэнэ. Нүүр болон биенд түрхэхэд тохиромжтой.
2. La Roche-Posay Anthelios XL tinted creme: Зөвхөн нүүрэнд зориулсан энэхүү кремийг нүүрэндээ түрхсэний дараа цагаан толбо үүсэгдэггүй давуу талтай. Багахан хэмжээтэй савласанбайдаг тул цүнхэндээ авч явахад тохиромжтой гэнэ.
3. Bull Frog Superblock, SPF 45: Энэ тос биенд,онцгойлон гар, бугуй, цээж,нурууны ил гардаг хэсгүүдэд тохиромжтой гэнэ.
4. Eucerin Extra Protective moisture lotion SPF 30: ХУУРАЙ арисанд тохиромжтой энэ тос нарнаас хамгаалахаас гадна чийгшүүлэх ид шидтэй. Үүнээс гадна UVA туяанаас хамгаалдаг аж.
5. Aveda Dual Nature Face Protection, SPF15 :
6. L'Occitane Shea Butter Ultra Moisturizing Day Care, SPF 20: Тослогдуу бүтэцтэй энэхүү крем маш сайн чийгшүүлдэг Shea Butter агуулдаг.
7. Laura Mercier tinted moisturizer, SPF 20: Энэхүү ӨНГӨТЭЙ крем АНУ-д 42 ногооноор зарагддаг аж.
8. Dr. Hauschka Skincare Sunscreen: Энэхүү тос нь ОРГАНИК ажээ.
9. Neutrogena Ultra Sheer Dry-Touch Sunblock: Боломжийн үнэтэй, UVA туяанаас хамгаалдаг Helioplex агуулдаг нарнаас хамгаалах тос. Хөнгөн бүтэцтэй энэхүү кремний бас нэг давуу тал нь арисанд хурдан шингэдэг.

Эх сурвалж

Гарын таван хуруун цацагт хяруул

Хагарсан тень пудрээ гэрийн нөхцөлд засах..

Ээмэгтэйчүүдээ хагарсан/ хугарсан тень, пудрыг хялбархаан засчихдаг нэг арга оллоо. Тень, пудрыг засахын тулд цацдаг спирт (Isopropyl alcohol байвал сайн юм байх), зоос элдэв таглаа, бас жижигхээн даавуу (шинэхэн тень дээгүүрээ хээтэй байдаг даа, тэрхүү хээг гаргаж авахын тулд) байхад болдог аж.

Юуны түрүүнд үйрч унасан тениэ савтай бол саванд нь савгүй бол шинээр байрлуулах гэж буй савандаа хийнэ. Дараа хоёр гурван дусал спирт дээр нь асгаад алчууран дотор хийн сайтар ороосон зоосоороо тениэ хэв ортол нь чангахан дарах хэрэгтэй гэнэ. Хэсэг хугацааныдараа спирт нь ууршаад шинэ юмшигл тень тань үлдэх юм байх. Гэхдээ жаахан спирт үнэртэх талтай гэнэ шүү...

За тэгээд хээ энэ тэр хамаагүй гэвэл бүх тениэ тавган дээр гаргаад хоёр гурав хэрэгтэй гэж үзвэл илүү спиртээ дусаан нухаш болтол нь халбагаар эсвэл жижиг модон савхаар хутгадаг гэнэ. Жигд сайхан нухаш болоод нийцээд ирэхээр нь хэвэнд нь буцааж хийгээд мод, халбаганы иш, хутга зэргээр дээд талыг нь тэгшлээд таглалгүйгээд хонуулчихаж бас болдог гэнэ.

Эх сурвалж

Reuse, Reduse, RECYCLE

Бидний хэрэглээд эсвэл хэрэглэлгүйгээр (хэрэгцээнээсээ ихийг аваад хэрэглэлгүйгээр) хаясан хог хаягдал бүр тодорхой хугацаанд чийг, гэрэл, бичил биетэн, цаг агаар, болон химийн элдэв урвалын тусламжтайгаар байгалийн бүтээгдэхүүн болон задардаг байна. Ямар нэгэн хаягдалын задралын хугацаа хаягдалын бүтэц, хэр бат бэхээс шалтгаалдаг бөгөөд хэдхэн хоногоос хэдэн зуун хүртэл үргэлжилдэг.
Элдэв хал балгүй мөрөөрөө задардаг нэгэн байхад задардаггүй цаашлаад хорт хий ялгаруулдаг нэгэн бас байдаг гэнэ. Доор ийм төрлийн (задардаггүй задарсан ч байгаль орчинд хортой) бүтээгдэхүүнүүдийг жагсаасан бөгөөд эдгээр бүтээгдэхүүнийг өдөр дутмын хог хаягдалтай нийлүүлэлгүйгээр тусад нь цуглуулаад дахин ашиглах (recycle) нь зөв аж. За тэгээд залуусаа ухамсартай байгаад доор дуридагдсаны дагуу дахин боловсруулцгаая.

* Зай. Бидний өдөр дутам хэрэглэдэг цэнэглэдэг, цэнэглэдэггүй зайг зарим нэг электрон барааны дэлгүүр үнэгүйгээр авч дахин боловсруулдаг бөгөөд та гэртээ хэрэглэж дуусгасан баттерейнуудаа цуглуулж байгаад ийм төрлийн дахин боловсруулдаг газар өгөх хэрэгтэй.
Цэнэглэдэг баттерей чанар болон таны цэнэглэх дадлаас шалтгаалан 300-500 удаа хэрэглэгддэг (цэнэглэгддэг) тул ийм төрлийн батерей авч зайныхаа хэрэгцээг хангах нь халаансанд тань хэмнэлтэйгээс гадна энэ төрлийн хаягдалыг багасгах давуу талтай.

* CFL (energy-efficient bulbs) буюу цахилгаан хэмнэдэг лампууд. Энэхүү лампуудыг Ikea, Home Depot зэрэг гэр ахуйн бараан дэлгүүрүүд үнэгүйгээр авч дахин боловсруулалт хийдэг байна.

* Цахилгаан бараанууд. Элдэв электрон бараануудыг эвдэрлээ гээд хог руу хаячихаж болдоггүй аж. Эвдэрсэн тэдний ялгаруулж болзошгүй хортой химийн бодисууд газар шороо, эх дэлхийг маань заналхийлж байдаг тул элдэв электон барааны дэлгүүр, засварын газруудад зарж эсвэл өгч байх хэрэгтэй байдаг аж.

* Моторын тос (Motor Oil). Earth911-д бичсэнээр 1 л ашигласан моторын тос 1 сая л цэвэр ундны усыг бохирдуулах чадвартай аж. Хэрэглэсэн моторын тосоо Wal-Mart, Autozone, Jiffy Lube зэрэг газруудад аваачиж өгч болдог гэнэ. Ойр хавьд тань дээрх дэлгүүрүүд байхгүй бол интернэтээс (Earth911.комоос recycle хийдэг цэгүүдийг олж болно.) өөр сонголтууд мэдээж олдоно.

* Будаг. Хэрвээ будаг тань хэрэглэж болхуйц бол хэрэгтэй хүн амьтанд өгч болно. Бага зэрэг өтгөрсөн бол мэдээж шингэлэгч бодис зэргийг ашиглан шингэлээд хэрэглэж болно. Хэрэглээнээс гарсан будгыг хэрхэн ашиглах талаар илүү их мэдээллийг Earth911-ээс авч болно.

Хумс арчилгаа

1. Багахан савантай бүлээн усанд гараа дүрэн күтикүлээ (хумсны мах) дэвттэл байлгана.
2. Хумсаа цаасан үрүүлээр (ихэнх Монгол охид бүсгүйчүүдийн хэрэглэдэг төмөр үрүүлийг мэргэжилийнхэн санал болгодоггүй аж.) үрж гонзгой дөрвөлжин (хүссэн) хэлбэрт оруулна.
3. Дараа нь күтикүлийн тос түрхэж бэлтгэсэн хумсаа үзүүртээ хөвөнтэй модоор хумснийхаа махыг цааш нь түлхэж, хумсан дээрх үхсэн арьсыг цэвэрлэнэ.
4. Сүүлийн шатанд хумсныхаа доогуур, дээгүүрхийг зориулалтын сойзоор (байхгүй бол хэрэглэдэггүй, зөөлөн үстэй сойзоор) үрнэ. Хумс тань буахад бэлэн боллоо.
5. Хумсаа будахдаа эхлээд суурь будаг (basecoat) түрхэнэ. Дараа нь сонгосон өнгөө давхарлан будаад эцэст нь өнгөгүй будгаар (top coat) хумсныхаа үзүүрыг гүйцээн (ингэснээр хумсны будаг илүү тэсвэртэй байх болно) будна.

Эх сурвалж

Cheerios-оор хийсэн зүүлт,бугуйвч

Бага насны хүүхэдтэйгээ "чанартай цаг" өнгөрүүлэхийг хүсвэл хийж болох зүйлсийн нэг. Уртхан утас эсвэл уяа, багахан скоч, хэдэн атга Cheerios байхад л болоод явчихана. Зурагт үзүүлсэний дагуу уяаныхаа үзүүрийг сарзайлгалгүйгээр Cheerios-оо хэлхэхийн тулд хоёр үзүүрт нь скоч нааж бэлтгэнэ. Тэгээд л дардан сайхан замаар Cheerios-оо хэлхээд хэлхээд явчихана. Хүүхдийн тань хүзүүнд/гаранд багтахуйц (хүссэн) урттай болохоор нь уяагаа тайраад, хоёр үзүүрт наасан скочыг хуулж аваад, хоёр үзүүрийг нь холбож уяад л болоо. Мэдээж уртхан уяатай бол Cheerios болгоны дараа эсвэл хэд хэдийн дараа нэг зангидах, голд нь өөр бусад чимэг оруулах гээд ямархүү зүүлт хийх нь таны болон таны хүүхийн сэтгэхүйгээс шалтгаална. Дуусхаараа нэг иймэрхүү..

Зүрхэн хэлбэртэй бэлэгний уут .

Улаан цасан дээр хэвлэж гаргасан дээрх дүрсээ шулуун зураасны дагуу хайчлаад, таслалтай зураасны дагуу нугална. Tab (glue) хэсгийг цавуудаж нөгөө талтай нь бэхлээд бариул хийгээд зүрхэн хэлбэртэй бэлэгний уут маань бэлэн боллоо.

Бүр олонг эндээс

Зуны шилдэг эмэгтэй үнэртэй ус

Harper's Bazaar-н сонгосон зуны, шилдэг 15 үнэртэй ус...

Sexy summer

Estee Lauder Private Collection-Amber Ylang Ylang
Creed Virgin Island Water
Frangipani Absolute-Ormonde Jayne

Juicy fruit (жимсний үнэртэй)

Dior Escale a Portofino
Pulp-ByRedo
Eau d'Hadrien-Annick Goutal

Тhe Оrientals

Eau de Shalimar Limited Edition-Guerlain
Tom Ford Bois Morocain
Look-Vera Wang

cool and crisp

Sisley Eau de Campagne
Chanel Cristalle Vert
(Захын ногоон шилтэй усны нэрийг олж харж чадсангүй, нэрийг нь мэддэг хүн байвал сээгийдчихээрэй. Таанкс :))

Тhe big florals (цэцгийн үнэртэй)

Thierry Mugler Alien Sunessence
Lotus Blossom & Water Lily-Jo Malone
Pretty Eau de Parfum-Elizabeth Arden