Шүхэр

Хар, ягаан, шар, ногоон өнгөний сонголттой энэхүү "гутал борооноос хамгаалагч" -ыг эндээс 49.95$ төлөн онлайнаар худалдаж авч болох нь ээ. Ягаан өнгөтэйг нь авбал таны төлсөн мөнгөнөөс 5$ хөхний хорт хавдрын эсрэг санд хандивлагддаг байна.

Swims хэмээх нэгэн Норвеги компаний үйлдвэрлэсэн энэхүү өсгийтийн умбрэлла танийг (өсгийтэй гутлыг) борооноос хамгаалангаа ганган харагдуулах увьдастай. Үнэ 62.19 евро.

Тунгалаг, хар гэсэн 2 сонголттой, мөрөн дээр тогтдог энэхүү шүхрийг 49.95$ төлсөн хэн бүхэн эндээс худалдаж авч болно.

Аспирины маск

Аспирин батга хоёр ямар холбоотой юм бэ гэж үү?
Аспирин дотор агуулагддаг BHA (beta-hydroxy acid), нь нилээн хүчтэй салисилик хүчлийн (salicylic acid) төрөл бөгөөд энэ хүчил арисны гүнд хүрч хар, цагаан батга үүсэхээс хамгаалдаг, гарсан нэгийг нь хурдан эдгээдэг аж. Аятайхан сонсогдож байгаа биз :D

Аспирины маскны гол орц нь мэдээж аспирин. Арисныхаа онцлогоос хамааран 3-10 ш аспириныг 3-4 дусал ус, тараг, зөгийн бал, алое гээд хүссэн орцоороо шингэлэн нухаш болгоод л войла. Мэдрэмтгий арьстай хүмүүст мэдээж зөвлөхгүй. Доор туршиж сайшаагдсан аспирины маскны хувилбарыг хүргье, турших эсэхээ та мэд.

Масканд:

1. 6 ш аспирин задлаад таллаж хугалан нэг жижигхэн аяганд хийнэ.
2. 3-4 дусал бүлээ эсвэл халуун ус нэмээд аспиринаа нухаж нийцүүлнэ. Хэрвээ нухаш болж өгөхгүй бол нэг нэг дуслаар ус нэмж өтгөн шингэнийг (нүүрэндээ түрхэхэд асгархааргүй) тааруулна.
3. Нүүрэн дээрээ зузаахан маск болгож түрхээд 10-15 минут байлгахад аспирин маань хатаад унаад ирнэ.
4. Бүлээн усаар массаж хийн нүүрээ угаана. Нүүрээ угаасаныхаа дараагаар зөөлөн хөвөн даавуун алчуураад товшиж арчина.

Тарагтай зөгийн балтай хувилбар

1. Органик таргаа (2-3 амны халбага) ганц 2 дусал зөгийн балтай холино. Хутгаж нийцүүлнэ.
2. 5-6 ширхэг аспиринаа цаасны завсар тавиж байгаад хавтгай зүйлээр дарж нухна (нунтаглана).
3. Тараг зөгийн балны бэлдмэл дээрээ аспиринаа нэмээд нийцүүлэн хутгаад нүүрэндээ түрхэнэ. 10-20 минут байлгаад бүлээн усаар угаана.

Зүүлт:

* Аспирины маскийг бусад бүх маскны адилаар нүүрээ арчиж цэвэрлэсэнийхээ дараа тавина. Усанд орсоны эсвэл хар батга арилгагч наалтууд хэрэглэсэнийхээ дараа тавибал илүү мэдээж үр дүнд хүрнэ.
* Энэхүү маскийг долоо хоногт нэгээс илүү удаа хэрэглэх нь зохисгүй.


Зураг болон жорыг

Хорт хавдар юунаас/хаанаас эхэлдэг вэ?

Нэтээр хэсч байхад сүүлийн үед Монголд элдэв янзын болсон болоогүй өвчин, хорт хавдарын тохиолдол нэмэгдсэн хамгийн аюултай нь залуужсан (Үлэмж- -билгүүн, Билгүүн гээд л..) мэт санагдсан бөгөөд хорт хавдарын үүсэл, хорт хавдраас урьдчилан сэргийлэхийн тулд анхаарвал зохих зүйлсийн талаар Стамбулын их сургуулийн (Европд хамгийн анх нээгдсэн их сургууль) Онкологийн институтын захирал Док.Проф Эркан Топузын мэдэгдэлийг олж уншисанаа хуваалцах нь зөв гэж бодлоо. Мэргэжилийн хүн биш учираас зарим нэг хэллэгт учир дутагдал байвал болгоон соёрхоно уу.

Хорт хавдар юунаас үүсдэг вэ? Түүний хэлж буйгаар хорт хавдарын дархлаа үрийг хэвлийдээ байхад нь тогтож эхлэдэг бөгөөд ийм л учираас жирэмсэн эмэгтэйчүүд, ээжүүд доорх зөвөлгөөнүүдийг анхааран сонсоод чандлан сахивал алдрайхан жаахан үрээ хорт хавдрын бүрэн дархлаатай болгох боломжтой гэнэ.

* Гэртээ орж ирээд юун түрүүнд гутлаа солих хэрэгтэй. Учир нь гадуур өмсдөг гутал тодорхой хэмжээний perticide (тариа тариалан, химийн бодис зэргээс гардаг хий) агуулдаг бөгөөд энэ нь гол хорт хавдар үүсгэгчидийн нэг аж.
* Жирэмсэн эхчүүдэд хэрэгтэйгээс их хэмжээний витамин уух нь зохисгүй. Витамин ч гэсэн ихэдвэл хор бөгөөд эм тариа, витаминийг эмчийн зааврын дагуу хэрэглэх хэрэгтэй.
* Солонгийн долоон өнгөтэй ногоо, жимс зэргээс өдөрт хамгийн багадаа 3-5г (өнгө) идэх хэрэгтэй.
* Эхийн хоолны дэглэмд загас зонхилох (долоо хоногт 1 орчим кг загас идэх хэрэгтэй.) ёстой бөгөөд жирэмсэн эхчүүд долоо хоногт 2 удаа улаан мах идэх хэрэгтэй.
* Гэр дотор хамгийн их perticide цуглардаг газар бол хивс бөгөөд хивсээ угаалгын нунтагтай усаар бус уксустай усаар арчиж цэвэрлэх хэрэгтэй.
* Угаалгын нунтаг зайлашгүй хэрэглэх бол заавал бээлий өмсөх хэрэгтэй. Резинен бээлийн дотроо нимгэн даавуун бээлий давхарлан өмсөх хэрэгтэй. Учир нь эх жирэмсэн байхдаа их мэдрэмтгий байдаг бөгөөд (аllergic) олон дахин давтагдавал хорт хавдар үүсгэх магадлалтай гэнэ.
* Аяга таваг угаадаг машин зориулсан угаалгын нунтгуудыг мөн газрын тосноос гаргаж авдаг бөгөөд мэдээж хорт хавдар үүсгэх потенцалтай. Эрүүл мэндээ чухалчилдаг бол угаасан таваг аяга уксустай эсвэл лимонтой усаар арчиж ариутгаж болно.
* Бүх төрлийн вокноос татгалзах хэрэгтэй. Угаалгын нунтгыг чидун жимсний, лаврын модны саван зэргээр орлуулж болно. Угаалгын нунтаг зайлшгүй хэрэглэсэн тохиолдолд их хэмжээний усаар зайлна.
* Шинээр худалдаж авсан дотуур хувцаснуудаа хээглэхээсээ өмнө хамгийн багадаа 2 удаа буцалах хэрэгтэй. Учир нь вагаан бүхий улам цагааруулахын тулд carcinogen (хорт хавдар үүсгэгч бодис) бодисоор угаадаг байна.
* Өрөөний үнэр дарагч спрэйүүдийг мөн газрын тосноос гаргаж авдаг. Тиймээс аль болох хэрэглэхгүй байх хэрэгтэй.
* Боломжтой бол жимс ногоог шинэ (ургац) дээр нь хөлдөөж хадгалах хэрэгтэй. Мэдээж нэг удаа гэсгээсэн бол дахин хөлдөөлгүй тэр дор нь хоол хүнсэндээ хэрэглэх хэрэгтэй. Дахин гэсгээхгүйн хууль бүх төрлийн маханд бас хамаатай.
* Цацраг туяа хорт хавдар үүсгэгч бөгөөд бидний өдөр дутам хэрэглэдэг телевиз их хэмжээний цацраг туяа ялгаруулдаг тул аль болох бага үзэх, үзэхдээ холоос үзэх хэрэгтэй.
* Хүүхдүүддээ долоо хонот 2 удаа Turmeric, сонгино, сармисаар амталсан загасны шөл уулгаж байх хэрэгтэй. Мэдээж улирлын ногоотой.
* Жимс, ногоо, загас жараахай шарах бол канола тос хэрэгтэх хэрэгтэй. Хэрвээ канола тос байхгүй бол чидун жимсний тос хэрэглэж болно.
* Хүүхдүүддээ fastfood төрлийн хоолыг 2 долоо хоногт 1 удаа өгөх хэрэгтэй. Долоо хоногт 3 түүнээс илүү удаа түргэн төрлийн хоол иддэг бол хүүхэд тань идэр насандаа тархины хорт хавдар, цусны хорт хавар зэрэг өвчинөөр өвдөх магадлал 3 дахин ихсэнэ.
* Хүүхдүүдээ бүх төрлийн жимс, тараг (пробиотик байвал сайн) ахиухан идүүлэх хэрэгтэй. Бүх төрлийн бяслаг мөн ахиухан идүүлэх хэрэгтэй. Төвөгшөөхгүй бол таргаа гэртээ бүрэх хэрэгтэй.
* Хүүхдүүдээ цагаан гурил, савс, сахарнаас хол байлгах хэрэгтэй.
* Өдөр бүр нэг атга хушига идэх, идүүлэх хэрэгтэй. Хушиганы оронд алмонд, самар идэж болно. Ийм төрлийн бүтээгдэхүүнүүдийг аль болох хальстай нь авах хэрэгтэй. Учир нь хорхоо шавижнаас хамгаалахын тулд элдэв хор цацдаг байна.
* Алим идэх, идүүлэх хэрэгтэй. Алим магадгүй дэлхий дээрх хамгийн ашигтай жимс. Өдөрт нэгийг заавал ид.
* Хуванцар, хөнгөн цагаан, зэс сав хэрэглэхгүй байх хэрэгтэй. Аль болох шилэн сав хэрэглэх хэрэгтэй. Жимс ногоог шилэн саванд хийж угаана. 1 л усанд 9-10 амны халбага уксус тооцож хийн уксустай усанд жимс ногоогоо (салат зэрэг шууд, түхийгээр нь идэх ногоонууд) хийж 30 орчим минут байгаад гаргаж зайлалгүйгээр хэрэглэх хэрэгтэй.
* Жимснүүдийг илүү гялтгар харагдуулахын тулд лааны тос түрхдэг. Тиймээс жимс ногоог идэхээсээ өмнө чидун жимсний савангаар савандаж угаагаад алимны цуутай усанд 30 орчим минут байлгаар идэх хэрэгэй. Дээрх маягаар цэвэрлэсэн жимс ногоог халистай нь эс бөгөөс халислаж идвэл зохилтой.
* Бүх төрлийн байцааны хамгийн гаднах 4 навчийг хаях хэрэгтэй. Бордоо зэргээс наалдсан perticide-г хичнээн ч угаагаад арилгах боломжгүй.
* Хуванцар аяга, таваг, халбага, сэрээ гээд хуванцар бүхнээс (үүнд шар, хар thank you торнууд бас орно) зайлсхийх хэрэгтэй. Зайлшгүй хэрэглэх тохиолдолд чанартайг нь сонгох хэрэгтэй.
* Жимсийг аль болох шүүслэлгүйгээр (шүүсийг нь шахаж бус) бүтнээр нь идэх хэрэгтэй.
* Зэс тархины хорт хавдарыг өдөөдөг байна. Тиймээс зэсээр хийсэн ээмэг ч байсан бүү зүү.
* Хүүхдүүдээ хиймэл зүлэгтэй талбайд бүү тоглуул.
* Усан сангаа сайтар цэвэрлэх хэрэгтэй. Озоноор цэвэрлэх нь хамгийн найдвартай арга. Хэт их хлортой бол хорт хавдарт урилага өгч байгаагаас ялгаагүй.
* Бүх төрлийн цагаанаас зайлсхийх хэрэгтэй. Үүнд цагаан дэвтэр ч хамаатай. Цагаан дэвтрийг мөн хлороор угаадаг аж.

** perticide-тариа тариалан, химийн бодис зэргээс гардаг хий (гэж ойлгов)

SUCK.UK

Нэтээр хэсч байгаад ийм сайт оллоо. Бараанууд нь хөөрхөн шинэлэг юм. Надад доорх зүйлс таалагдлаа, таньд?


120 алдартаны өндрийг тэмдэглэсэн өндөр чинь "ХЭН" бэ? толь 80 паундны үнэтэй аж.


Ванны өрөөний шил арчигчтай толь бас дажгүй санаа байгаа биз :) Үнэ нь 20 паунд.










Ийм нэг сэрүүлэгтэй цаг байна. Дуугарч дуугарчихаад 2 дугуйныхаа тусламж- -тайгаар дуу гаргангаа өнхрөөд явчихдаг энэ цаг таныг орноос тань босгож байж санаа нь амардаг гэнэ шүү. Үнэ нь 40 паунд.


In case of emergency break glass зоосны сав над шиг тэвчээргүй хүмүүст хөөрхөн санагдлаа. Үнэ нь 10 паунд. In case of emergency break glass цувралын шилэн хоргон (жааз) дотор нэг ширхэг тамхи, шүдэнзны зуруул, нэг ширхэг шүдэнз хийцэнг өмнө нь харж байсан юм байна. Бас л сэтгэж байгаа юм шүү.



"Come in"/"Go away" амбиграм гутлын алчуур 20 паундны үнэтэй. Энэхүү гутлын алчуурны ид шид нь орж байгаа хүн "ороод ир" гарч байгаа хүнд "явцан бай даа" хэмээх мессэжийг өгдөгт оршино. Мөн загвартай хаалганы зүүлт 7.5 паунд гэнэ.




Энэ гэрэл гаргагч шилийг өдрийн цагаар нарны гэрэлд тавихаар нарны гэрлийн нөөцөлж аваад шөнийн цагаар асдаг авьяастай аж. Шар, цэнхэр 2 өнгөний сонголттой ШИЛний үнэ 20 паунд.


Эцэст нь Төрсөн өдрийн мэнд хүргэдэг бялууны энэ силикон хэв 20 паунд гэнэ ээ.

Байцааны шөлний дэглэм

Богино хугацаанд тураадаг энэхүү дэглэмийг долоогоос илүү хоногоор хэрэгжүүлэх нь хүний эрүүл мэндэд хортой гэнэ. Дэглэмийн туршид архи, дарс, талх, газтай ундаа зэргийг огт хэрэглэхгүй байх хэрэгтэй. Дэглэмийг яс мөрдсөн охиолдолд долоо хоногт 7 хүртэл кг турдаг гэнэ. 3-5 кг-с илүү турахыг хүсвэл мөн дэглэмийг давталт хоорондоо 2 долоо хоногийн завсарлагаа авахыг зөвлөдөг байна.

Зорилого: 1 долоо хоногт 3-4 кг
өдөрт : 800 Kcal

Байцааны шөлний жор:

Орц:

* 6 ш ногоон сонгино
* 2 ш ногоон чинжүү
* 1 ш улаан лооль, үрсэн
* 1 багц celery
* тал байцаа
* 1 дөрвөлжин тахианы эсвэл үхрийн бульон
* 2 л ус
* давс, хар перц, сармис, яншуй

Бэлтгэх нь:

1. Бүх орцоо жижиглэн хэрчээд ус бульоны хамтаар дунд зэргийн хэмжээтэй саванд хийж буцалгана. 10 минут ширүүн гал дээр тавиж буцалгаад галаа багасган 30 минут буцалгана.


Меню

1. өдөр
Үд: хүссэн хэмжээндээ жимс (гадил, амтатгуа, шийгуа хориотой), байцааны шөл

2. өдөр
хүссэн хэмжээндээ чанасан эсвэл жигнэсэн ногоо, байцааны шөл

3. өдөр
хүссэн хэмжээндээ чанасан эсвэл жигнэсэн ногоо, жимс, байцааны шөл

4. өдөр
хамгийн ихдээ 4 гадил, тослоггүй (ослог багатай) сүү, байцааны шөл

5. өдөр
1 порц (250 хүртэл гр) шарсан мах, 1 ш улаан лооль, хамгийн багадаа 6 стакан ус, байцааны шөл

6. өдөр
хүссэн хэмжээний шарсан мах, ногоо, байцааны шөл

7. өдөр
нэг порц давсгүй, тосгүй агшаасан будаа, жимсний шүүс, байцааны шөл

Seen on

Нэг сайт байна аа. Кино, телевизийн нэвтрүүлэг, элдэв уулзалт цуглаанд таны "дуртай" одын "таньд таалагдахуйц" юу өмссөнийг, "тэр" нь ямар маркых болох, бүтээгдэхүүний онцлог цаашлаад онлайнаар худалдаж авах хаяг, үнэ зэргийг search хийдэг гээд л бод. Би жишээлбэл Carrie Bradshaw-н барьсан Эйффэлийн цамхаган цүнхийг хайлаа (оллоо). Тэрхүү цүнхийг Timmy Woods гэдэг "хүн" бүтээжээ. Үнэ нь загвараасаа шалтгаалан 450-3000$ аж. За нэг иймэрхүү, хэний, хэзээ, юу өмссөнийг сонирхож байвал ийшээ ороод have fun.

Блог арчилгаа

Өчигдөр нэг найз маань блогийн төрхийг сольдог нэгэн блог хаяг санал болгосон юм. Ороод харсан чинь хөөрхөн хөөрхөн ханын зурагнууд (layout) байлаа, Үнэтэй үнэгүй гэсэн 2 хувилбар байгаа бөгөөд өөрийн блогтоо зориулан тусгай хана хийлгэхийг хүсвэл 15$ төлөөд л болоо аж. Би ч яахав үнэгүй юманд нугасгүй гээд л үнэгүй ханын зураг сонголоо. Элдэв баяр ёслолд зориулсан ханын цааснаас гадна блог бичлэгийн жанрын дагуу хэд хэдэн үнэгүй зураг байна лээ. Нэгэнт өөрийн блогтоо тохирох ханын цаасыг сонгосон бол тохируулах нь амархан юм билээ.
1. Блогтоо ороод layout товчин дээр дарна.
2. Layout-с pick new template товчийг дараад template-ээ minima болгоод save-лэнэ.
3. Дараа нь edit HTML довчийг дараад сонгосон template-н тань хуудсан буй go to: хэсэгт бичигдсэн линк руу ороод HTML-лээ copy-доод өөрийн edit HTML дэх кодийг устгаад оронд нь copy-дсон HTML-ээ paste тэгээд save товчоо дараа л болоо. Have fun

Террариум

Террариум нь аквариумын усгүй (шороотой) хувилбар нь аж. Хийхэд хялбархан, чамин террариумуудыг элдэв мөлхөгч (шоргоолж хүртэй тэжээдэг гэнэ) тэжээх эсвэл цэцэг тарих зорилгоор хийдэг байна. Би хоёр яст мэлхийтэй ч тэр 2 маань усных тул террориумд амьтан тэжээх бус ургамал тарих зорилготойгоор судаллаа.
Гэртээ террариум хийхэд томхон шилэн сав бага зэрэг шороо, (декоратиф) чулуу, нүүрс тэгээд хүссэн ургамал тань байхад болно. Сонгосон (сонгох) шилэн сав тань тунгалаг л бол ямар ч хэлбэртэй байж болно, бүр виноны шилээр террариум хийдэг гэнэ лээ. Мэдээж хүсвэл 3 дахь зурган дээрх одой шиг элдэв чимэглэл бас сонгож болно. Террариум хийхдээ эхлээд шилэн саваа сайтар савандаж угаагаад, хатаагаад чулуунуудаа хамгийн доор нь байрлуулна. Дээрээс нь 1 см орчим зузаантай нүүрсэн давхрага яваад эцэст нь тарих ургамалынхаа үндэсийг давахуйц шороо нэмнэ. Хөрсөндөө цэцгээ, навчаа, зүлгээ эсвэл гурвууланг нь суулгаад уртхан цорготой (цэцэг бүрийн үндсэн багахан ус хийж өгнө) усны саваар багахан услаад террариум тань бэлэн болно. Нэг террариумд нэгээс илүү ургамал тарих бол адилхан нөхцөлд ургадаг ургамал сонгох хэрэгтэй. Террариум нь цахирмаа зэрэг эмзэг цэцгүүдийг хамгаалдаг мөн өрөөнд тависан байхад үзэмжтэйгээс гадна террариумд тарьсан ургамал услагаа арчилгаа бага шаарддаг давуу талтай юм байна.

First class уу economy class уу?

230 гаруй гишүүнтэй Олон Улсын Агаарын Тээврийн Холбооноос (International Air Transport Association-IATA) мэдэгдсэнээр Европ даяар first болон business class-р зорчигчидийн тоо багасаж, өмнө нь first болон business class-р зорчидог байсан зорчигчид economy class-р зорчих болжээ.

Өнгөрсөн жилийн мөн үетэй (1 дүгээр сар) харьцуулбал авиа компаниудын олсон нийт орлогод эзлэх first болон business class-н билет заралтаас олсон нийт орлого 15 хувиар багасчээ. Business class-н билетнийн нийт орлогод эзлэх хувиар уналтыг Ази Пасифик 25 хувиар тэргүүлж Ази 23, Европоос Ази руу нисэх нислэг 21 хувь, Европоос Америк руу нисэх нислэг 15 хүртэл хувиар багасчээ. Вusiness class-аар нисэгчидийн тоо ганцхан Африкт нэмэгджээ.

IATA 2009 онд агаарын тээвэр сектор 2.5 тэрбум долларын алдагдалд орно гэж таамаглаж байгаа ажээ.

Хов жив

Англид хийгдсэн судалгааны үр дүнд эрэгтэйчүүд эмэгтэйчүүдээс хамаагүй их хов жив яридаг нь багтлагдсан байна. Судалгаанд 5000 хүн хамрагдсан байна. Эрэгтэйчүүд өдөрт дунджаар 76 минут эмэгтэйчүүд дунджаар 56 минут жов живинд зарцуулдагаас эрэгтэйчүүдийн хов живний гол сэдэв нь хамт ажилладаг халуухан бүсгүй, арван жил, их сургуулийнхаа найзууд эсвэл согтуудаа хийсэн үйлдэлүүд байдаг бол эргэн тойрныхоных нь секс амьдрал, найз нөхөд, танилынхаа илүүдэл жин зэрэг нь эмэгтэйчүүдийн хов живний гол сэдэв байдаг байна.

Помендер; гэрийн нөхцөлд таатай үнэр гаргагч бэлтгэх нь ( Pomander)

Помендер (Pomander/La Pomme d'Ambre) буюу энэхүү үнэр гаргачийг дундад зууны сүүл үеэс 17 дугаар зууныг дуустал ихэд өргөн дэлгэр хэрэглэдэг байжээ. Хүмүүс гэр орондоо, өрөөндөө, шкапандаа тавих хурим ёслолын үер гоё үнэртэх үүднээс, гадуур нь цэцгээр бүрээд хажуудаа хүртэл авч явдаг байжээ. Ийм үнэр дарагчийг нэг удаа хийгээд насан туршдаа хэрэглэдэг гэнэ шүү, та минь ээ.

Oрц:

* 1 ш жүрж (лимон, ногоон лимон, алим бас байж болно)
* 20-25 гр хадаасан цэцэг (clove)
* 1 амны халбага нунтаг синнамон
* 1 амны халбага нунтаг nutmeg
* 1 амны халбага нунтаг хадаасан цэцэг
* 4-5 дусал зандан модны тос (sandalwood)
* цаасан уут, тостой цаас байж болно
* сэрээ эсвэл шүдний чигчилүүр

Бэлтгэх нь:

1. Нунтаг амтлагчуудаа холиод (нунтаг хадаасан цэцэг, nutmeg мөн синнамон) sandalwood-н тосоо нэмнэ.
2. Сэрээ эсвэл шүний чигчлүүрний тусламжтайгаар жүржийнхаа халисыг нүхлэж/цоолж бэлтгэнэ. Жүрж хатхаараа ойролцоогоор 2 дахин жижигрэх тул гүн гүн цоолоорой. Цоолж бэлтгэсэн нүх рүүгээ хагдаасан цэцгүүдээ шигтгэнэ.
3. Холиж бэлтгэсэн хуурай амтлагчнуудаа нэг цаасан уутанд хийгээд хадаасан цэцэг шигтгэж бэлтгэсэн жүржээ хийнэ. Жоохон холиж байгаад уутныхаа амыг агаар орохооргүйгээр чангахан уяад хуурай газар тавина.
4. Өдөрт нэг удаа уутныхаа амыг онгойлгож дотрох амтлагчуудыг холиж байх хэрэгтэй гэнэ. Ойролцоогоор 3 долоо хоногоос 6 сарын дотор жүрж мааны гүйцэд хатаж гэрийн нөхцөлд бэлтгэсэн таатай үнэр гаргач бэлэн болно.

Зүүлт

* Хаа нэг газраа уях төлөвлөгөөтэй байгаа бол хатаахаасаа өмнө уяаны нүх гаргаж бэлтгэнэ.
* үнэр нь жоохон сулраад ирэхээд бүлээн усаар багахан норгоод эсвэл дахиад 7 хоног орчим хуурай амтлагчуудтай нэг уутанд хийхэд сэргээд ирдэг гэнэ.


Эх сурвалж

Гмайл-ын шинэ үйлчилгээ; Undo Send

Найзынхаа төрсөн өдрийн парины талаарх дэлгэрэнгүйг төрсөн өдрийн эзэнд явуулчихаад яадаг ч дээшээ л харж үхдэг юм шүү хэмээн шийдэж байсан удаатай билээ би. Над шиг, буруу мэйлээ зөв хүн рүү эсвэл зөв мэйлээ буруу хүн рүү явуулчихаад хайшаа харж үхэхээ бодон толгойгоо гашилгаж сууна уу. Тэгвэл аан дахиад уун гээд сонсож бай :) Гмайл саяханаас Undo Send хэмээх шинэ үйлчилгээ нэвтрүүлсэн байна.
Энэхүү үйлчилгээг нэвртүүлсэнээр явуулсан мэйлээ 5 секундын дотор явуулахаас татгалзаж болдог болсон бөгөөд явуул товчыг дарсаны дараа энэхүү бичлэгийн гол сэдэв болод send undo товчлуур явуул товчны оронд 5 секундын турш илэрдэг ажээ.

7+1 бодож нэг огтлох боломж олгодог энэ сайхан эдийг ашиглахыг хүсвэл хаяг руугаа ороод Settings сонголтоос Labs руу ороод Undo Send-г идэвжүүлэхээд л болоо. Туршаад үзээрэй.

Эх сурвалж

Турк Улсын Стамбул хотод амьдрах нь: Сарын орлого, зарлага тайлан тэнцэтгэл

Миний бие сүүийн үед гадаадад сурахыг хүсэгч залуус олширсоныг бодолцон блогтоо Турк Улсын Стамбул хотод сурах талаар хэд хэдэн цуврал бичлэг оруулъя гэж бодож байна. Энхүү цувралын эхнийх нь болох Турк Улсын Стамбул хотод амьдрах нь: Сарын орлого, зарлага тайлан тэнцэтгэл бичлэгт Стамбул хотод амьдрахад, хоол хүнсний олдоц, үнэ, унаа тэрэгний билет гээд, гарах зардалыг, өөрийн туршилага дээр тулгуурлан, хамгийн багаар тооцож, чангаар бодлоо.

Сарын орлого:
• Улсын зардлаар ирсэн бол сар бүр 175 лираны тэтгэлэг, мөн жилд нэг удаа ном хувцасны мөнгө олгодог.
• Ар гэрээс татах татаас
• Хааяа нэг олон ангит кино, эсвэл реклам зэрэгт тоглож олох мөнгө (иймэрхүү тохиолдол байдаг бөгөөд Монголчууд Хятад, Япон, Солонгос гээд Монголчуудаас бусад Азиудын дүрийг бүтээнэ :), олон ангит кинонд тоглосоны хөлсөнд өдрийн 20-50 лира, рекламанд тоглосоны хөлсөнд хамгийн багадаа 100 лираны хөлс авдаг.)
• Турк улсад сурдаг гадаад (Турк оюутануудад ч гэсэн ажиллах эрх олгодоггүй) оюутанд ажиллах эрх олгодоггүй бөгөөд зарим нэг оюутан зуны цагт аялал зуулчлалын хотууд болох Бодрум, Анталия зэрэг хотуудад, хагас бүтэн сайнд Стамбул хотод байдаг Солонгос, Хятад, Япон ресторануудад аяга угаагч, зөөгч хийх нь бий, мэдээж хууль бусаар

Сарын зарлага:

• Байр: Дүүрэг, байрлал, халаалтын систем, олон нийтийн тээвэрт ойрхон эсэх, хэдэх өрөө байр гээд хэд хэдэн зүйлээс шалтгаалан байрны үнэ өөрчлөгдөх бөгөөд хамгийн хямддаа 500 лира (2.2 TL буюу лира 1 евротой тэнцэнэ ойролцоогоор). Байрны сарын түрээсээс гадна эхлэн байр түслэгчид 1 сарын байрны түрээстэй тэнцүү хэмжээний (зарим тохиолдолд нэг сарын байрны түрээсээ их) баталгаа (депосит) төлдөг. Дэпоситыг гарахдаа буцаааж авна гэсэн хуулийн заалт байдаг ч бүрэн бүтнээр нь буцааж авах нь ховор тохиолдол.
Тог, ус, газны үйлчилгээг (Ихэнх байрны эзэд өөрсддөө төвөг удахгүйг хүсдэг тул тог, ус, газны үйлчилгээ авах гэрээ контрактыг түрээслэгчидэд даатгадаг) авахын тул мөн 500 орчим лира (барьцаа төлөх, зарим тохиолдолд тоолуур авах г.м) хэрэг болдог. Анхлан байр түрээслэхийг хүсэгчидийн халаасанд ойролцоогоор хамгийн багадаа 1.500 лира байвал зохилтой. Мэдээж энэхүү үнийн дүнг хэдэн хүн нийж байр түрээслэхээсээ хамааран хувааж төлнө. За тэгээд ойролцоогоор 1.500 төгрөг зарцуулаад хов хоосон байранд орлоо, хэтэвчнийхээ зузаан нимгэнээс хамааран шинэ, хуучин тавилага авах үлдлээ.
• Хоол: Бидний мэдэх цэцэгтэй цэцэггүй байцаа, лууван, чинжүү, улаан лоолю, өргөст хэмх зэрэг ногооноос өгсүүлээд мэдэхгүй олон олон ногоо үнэтэй, хямдхан зарагддаг тул ногоонд дуртай хүмүүсийн хувьд диваажин л гэсэн үг. Ногооны үнэ улирлаас хамааран өөрчлөгддөг. Ногооноос гадна алим, лийр, тоор, мандарийн, жүрж, гадил гээд жимс элбэг. Мэдээж жимсний үнэ болон төрөл нь улирлаас хамааран өөрчлөгдөнө.
Монголчууд шиг маханд нугасгүй хүмүүст дуулгах муу мэдээ бол энд (Стамбулд) мах нилээн үнэтэй (тос ихтэй, машиндсан мах ойролцоогоор 1 кг нь 15 лира) мөн амтгүй (Монголын махтай харьцуулбал) байдаг. Лалын шашинтай улс тул адууны мах иддэгүй (нүгэл хэмээн үздэг) тиймээс зарагддаггүй. Мөн гахайн мах иддэггүй, зарагддаггүй. Зарсан тохиолдолд мөнгөн шийтгэлээс өгсүүлээс шоронд хүртэл хоригдох магадлалтай. Гахайн мах хэрэглэдэггүйтэй холбоотойгоор өглөөний цайны өргөн хэрэглээ болох хиам Монголд зарагддаг хиамнуудаас амт муутай байдаг. Мөн бүх хүнсний бүтээгдэхүүний сав баглаан дээр (жигнэмэг, шоколад, чихэр гээд л...) гахайн өөх тос хэрэглээгүй болно хэмээх сануулгыг хэвлэсэн байна.
Хар, Номхон гээд далайгаар хүрээлэгдсэн тул элдэв янзын загас, сам хорхой, наймаалж, хавч гээд далайн бүтээгдэхүүн элбэг байдаг. Дэлгүүрүүдэд далайн бүтээгдэхүүн, үхэр, тугал, хонь, хурга, тахианаас гадна зул сарын үеэр цацагт хяруулын мах зарагдана. Ямаа, тэмээний мах идэх нь “нүгэл” биш ч зарагдаж байхыг хараагүй.
Монголчуудын өргөн хэрэглээний зарим нэг хүнсний бүтээгдэхүүний үнийг жагсаавал.. Хамгийн хямдхан будаа кг нь 2 лира буюу ойролцоогоор 1 евро, гурил 1 лира, гоймон 80 куруш (0.8 лира) байдаг. Сахар 1 кг нь 2.3 лира, наран цэцгийн тос 1л нь 2.5 лира байдаг. Оюутнуудын хичээлийн хуваарь яг цав таарахгүй учир ихэнхдээ оройн хоолны материалаа мөнгө нийлүүлэн худалдаж авдаг. Өдөрийн хоолоо ихэнх оюутнууд сургууль дээрээ иддэг бөгөөд сургуулиудын хоолны газарт оюутны хөнгөлөлттэй (ойролцоогоор 1.5-3 лираны үнэтэй нэг хоердугаар хоол, салат эсвэл жимснээс бүрдэнэ.) хоол байдаг.
• Унаа: Стамбул, Том хот тул (17 сая хүн амтай бөгөөд энэхүү тоо сүүлийн 3-4 жил магадгүй түүнээс их хугацаанд өөрчлөгдөөгүй, миний мэдхийн) зорисон газартаа очихдоо ихэнхдээ унаа дамжих бөгөөд хамгийн багадаа 30 минут зарцуулна. Замын бөглөрөл их. Өглөө оройдоо 20-30 минутанд хоёр метр хүрэхтэй үгүйтэй явах нь энүүхэнд. Метро, трамвай, Ази тивээс Европ тив (эсвэл урвуугаараа), эсвэл аль нэгнээс нь ойр орчимын арлууд руу хүргэх усан онгоцоор зорчихдоо жетон (жетонууд адилхан биш тул ойр хавьцаах жетон зардаг цэгүүдээс авсан нь дээр), автобусаар зорчихдоо билет авна. Бүгд адилхан үнэтэй биш ч нэг бүр ойролцоогоор 1.5 лира байдаг. Метро нь Орос, Франц зэрэг дэд бүтэц тэр дундаа метроны зам сайн хөгжисөн улсуудыг бодвол “инээдтэй” буюу одоогийн байдлаар аравхан (Şişhane-Atatürk Oto Sanayii чиглэлд) буудалтай (энэ 2 сард 4 буудал ашиглалтанд орсон). Истиклал гудамжаар уруудаж өгсөх трамвай, тунел гэгдэх (Beyoğlu Kabataş-г холбоно) ноталжик буюу 1800-гаад оноос одоог хүртэл ажиллаж буй ‘метро’, гээд нэг буудлын унаанууд (ганц, хоёрхон буудал явдаг) байдаг бөгөөд энэ бүрд дээшээ доошоо явж, бууж суухаас гадна дахиад л жетон авах зэргээр мөнгө төлдөг, цаг алддаг. За баахан бараан зүйл биччихлээ эцэст нь нэг авууштай тал нь метро трамвайны замаа жилээс жилд өргөсгөж, уртасгаж, метробус (нэгхэн чиглэлд тусгайлан зассан нэг эгнээ замаар зогсолтгүй, өндөр хурдтайгаар явдаг автобус) зэрэг өөр сонголтууд үүсгэж байгаа. Олон нийтийн тээврийн план.
Төрийн зардалаар бус өөрийн зардалаа дааж сурдаг оюутнуудад хямдралтай зорчих үнэмлэх өгдөг бөгөөд энэхүү үнэмлэхийг сард 55 лирагаар цэнэглээд 200 хүртэл удаа метро, автобус, трамвайнд (Ази Европыг холбох усанд завинд үйлчилдэггүй) дамжиж болдог. Үүнийг аялик (aylık) гэнэ. Энэхүү үнэмлэх жил бүр шинэчлэгддэг. Улсын зардалаар суралцагсадад бүтэн жилийн турш мөн метро, автобус, трамвайнд хэрэглэх болохуйц жолооч эсвэл кассанд үзүүлээд үнэгүй явдаг үнэмлэх олгодог. Жил бүр шинэчлэгддэг. Дээрх 2 төрлийн үнэмлэхүүд зураг хөрөгтэй байдаг. Хоёр төрлийн үнэмлэхийн алийг нь ч авсан анх авахдаа бага хэмжээний мөнгө төлдөг.
• тог, ус, газны мөнгө: Хэрэглэсэн хэмжээгээр төлбөр ирдэг. Туркэд хийгээр, төвөөс халаалттай (Монгол халаалтын систем шиг), тогоор бүр нүүрсээр халаах нь байдаг. Хамгийн их түгээмэл нь хийгээр халаах систем бөгөөд энэ системд газны төлбөр мэдээж зун нь бага өвөл нь их ирнэ. Өвлийн гурван сар хийн мөнгө 200 лира хол давна. Турк улс өөр олон улсын адил хэрэглээний байгалын хийгээ зуун хувь Оросоос авдаг бөгөөд өнгөрсөн жилд л гэхэд байгалын хийн үнэ 60% гаруй хувь нэмэгдсэн. Мэдээж Туркүүд Орос ах нартай доллараар наймаа хийдэг тул доллар лираны харьцаа хийн үнэнд шууд нөлөөлнө. Их хэрэглэх тусамд нэгж (метр кув) усны үнэ буурах бус нэмэгдэнэ. Тог, ус, газнаас гадна хүсвэл интернэтийн үйлчилгээ авч болох бөгөөд интернэтийн үйлчилгээ авахын тулд заавал утас тавиулсан байна. Утасны суурь төлбөр (хамгийн хямд нь HesaplıHATT) яриагүй тохиолдолд 9.33 лира, интернэтийн төлбөр сард 49 лира (хурд болон үнийн хувьд хамгийн боломжийн нь) байдаг. Ийм системд байгалын хийг байраа халаахаас гадна, халуун ус (усанд орох, аяга таваг угаах), хоол хийхэд хэрэглэдэг.
• Гар утсанд хийх нэгж: Өнөөдрийн байдлаар Туркэд 3 оператор (Туркселл, Водафоне, Авеа зэрэг) байдаг бөгөөд аль ч үүрэн телефоны компаний зуун нэгж төвөөс нь авахад ойролцоогоор 18 лира байна. Монгол руу (Гадаад руу) мессэж илгээхэд 3 нэг, өөр хоорондоо ярих болох өөр опературтай (жишээ нь авеагийгийн номертой хүн туркселлийн номер луу) ярихад унах нэгж нь үүрэн телефон цаашлаад хамрагдах үйлчилгээнээс (мобистудент гэдэг шиг оюутануудад зориулсан эсвэл бизнесс эрхлэгчидэд зориулсан гээд) тань шалтгаалан хэлбэлздэг. Ойролцоогоор минутанд 1-6 нэгж унана. 3 сард нэг удаа цэнэглэхгүй бол гадагшаа гарах ячианы эрх хаагдах бөгөөд дахиад 3 сарын дараа дотогшоо орох ярианы эрх хаагдана. Мөн гурван сарын дараа (нийт 9 сарын дараа) номер тань устах болно.
Саяхан дөө (2 жилийн өмнө байхаа) гар утасны хулгай ихэссэнтэй холбоотойгоор гар утаснуудыг бүртгэж (утас бүрийн баттерэй болон их бие дээр IMEI номер байдаг, үүнийг ашиглан бүртгэдэг) эхэлсэн бөгөөд энэхүү системд бүртгүүлээгүй тохиолдолд гадаадаас Турк рүү оруулж ирсэн утас бүр 1 сарын дараа автоматаар хаагддаг. Бүртгүүлэхийн тулд пассапорт, оршин суух зөвшөөрөл зэргээ бүртгэл хүлээн авах эрх бүхий төвүүд дээр авч очин 5 лира төлж бүртгүүлэх бөгөөд ойролцоогоор 7 хоногийн дараа утас тань хэвийн ажиллаж эхэлдэг.


Дүгнэлт:

Ихэнх оюутнууд зургаа зургаагаараа нийлэн байр хөлслдөг бөгөөд ойролцоогоор 500 лираны түрээстэй байранд зургаан хүн амьдрана гэж тооцвол хүн бүрийн халааснаас сар дутамд байр, хоол, тог, ус, хий, интетийн төлбөрт ойролцоогоор 200-300 лира гарна.
Мэдээж унааны 55, сард гар утсандаа 100 нэгж авч хийнэ гэж бодоод 18 лира, ариун цэврийн хэрэглээний материалууд (оо саван, сойз гээд юу эс байхав дээ) гээд нэмбэл үнийн дүн маань 300-400 болж нэмэгдэнэ.
Үүнээс Улсын зардлаар сурдаг гэж тооцоод сарын тэтгэлэг болох 175 лирагаа хасахад оюутан сар бүр хамгийн багадаа 25-125 лираны "өрөнд" орж байна. Гар утсандаа нэгжгүй, халаасандаа мөнгөгүй, өдөрт нэг хоолтой амьдрахад нэг иймэрхүү зардал гарна.

Турк Улсын талаар ерөнхий мэдлэг

Албан ёсны хэл Турк хэл
Нийслэл хот Анкара (39°55′N 32°50′E)
Хамгийн том хот Стамбул
Үндэслэгч Мустафа Кемал Ататурк
Төрийн систем Ардчилсан
Ерөнхийлөгч (одоогийн) Абдуллах Гүл
Ерйнхий сайд (одоогийн) Режеп Тайп Эрдоан
Газар нутгын хэмжээ 783,562 км², газар нутгийн хэмжээгээрээ дэлхийн хамгийн том 37 дахь улс, Европод Оросын дараа 2 дугаарт жагсдаг. Газар нутгын %1,3 нь ус.
Хүн ам 71.517.100, км²-д 93 хүн ноогдоно. Хамгийн их иргэнтэй 17 дахь улс.
Улсын уриа Yurtta Sulh, Cihanda Sulh (Эх оронд энх тайван, эрэн дэлхийд энх тайван)
Тэмдэглэлт өдрүүд
4 сарын 23, 1920 оны мөн өдөр орчин үеийн Турк улсын анхны Парламент цугласан бөгөөд түүнээс хойш энэхүү өдрийг Хүүхэд залуучуудын баяр болгон зарласан байна.
5 сарын 19, 1919 оны мөн өдөр чөлөөлөх дайн эхэлсэн
8 сарын 30, 1922 оны мөн өдөр чөлөөлөх дайнд ялсан
10 сарын 29, 1923 оны мөн өдөр Бүгд Найрамдах Турк улс болгон тунхагласан
Дотоодын нийт бүтээгдэхүүн 1.026 трилион Америк доллар (2008 оны байдлаар)
Хүн амд ноогдох дотоодын нийт бүтээгдэхүүн 9.333 Америк доллар (2007 оны байдлаар)
Экспорт 132.8 тэрбум Америк доллар, 2007 оны байдлаар
Импорт 198.6 тэрбум Америк доллар, 2007 оны байдлаар
Инфиляц %10,31 (хэрэглэгчидэд), %12,56 (үйлдвэрлэгчидэд), 2007 оны байдлаар
Цагийн Zone зуны цаг EET (UTC+2) өвлийн цаг EEST (UTC+3)
Мөнгөн тэмдэгт Турк лира (ТL) (1 евро ойролцоогоор 2.2 лиратай тэнцэнэ. Намайг анх ирэхэд сая саяар яригддаг байж байгаад 3 жилийн өмнө мөнгөн тэмдэгтээсээ 6 тэг хассан юм. )
Төрийн дуулал İstiklâl Marşı
Төрийн өнгө Улаан, цагаан
Утасны код +90
Интернетийн код .tr

эх сурвалж: википедиа.ком

Хамгийн үнэтэй пиво

Дэлхийд алдартай Карлсберг пивоны үйлдвэр дэлхий дээрх хамгийн үнэтэй пиво болох Винтэж номер 2-г саяхан үйлдвэрлэжээ. Тус пиво нь 2009 Дани крон буюу ойролцоогоор 250 гаруй еврогийн үнэтэй юм байна. Ердөө 125 шилийг үйлдвэрлэгдсэн тус айрагны шошгийг Чили зураач Marco Evaristti хийжээ. Тэрээр 125 шил пивонд зориулан таван төрлийн шошго гараар урласан бөгөөд тус бүр билэгдэлийн чанартай зааны зурагтай гэнэ.

Өнгөрсөн жил Vintage гурвалын анхных нь болох Vintage No. 1-с 600 шилийг үйлдвэрлэн 2008 Дани кроноор зарсан байна. Ирэх жил мөн Vintage No. 3-г үйлдвэрлэх бөгөөд 2010 Дани кроноор зарах гэнэ.

Vintage No. 2 пивийг эсгэлцсэн таван мэргэжилтэний нэг болох Morten Ibsen Шар айргийн хязгаарыг шинээр тогтоохыг хичээсэн энэхүү пиво тансаг улаан дарсны сектортой өрсөлдөхүйц пиво болсон хэмээжээ. Пивог эсгэх мэргэжилтэний нэг болох Eiken эсгэсэн өдөр, шошго мөн эсгэсэн технологийг бодолцовол бараг хямд талдаа хэмээн дүгнээд энэхүү пивоны шил нь л 500 крон буюу ойролцоогоор 115 долларын үнэтэй хэмээжээ.

Vintage No. 2-г J.C. Jacobsen-ы 1847 онд хэрэглэгдэж байсан зооринд (15 метрийн гүн) Франц царсан бидонд 100 өдрийн турш эсгэсэн байна. 10.5 градус тус пиво нь тас хар өнгөтэй, экспрессо мэт хөөсөрдөг ажээ. Какао, карамель, ваниллины амттай тус шар айргийг утсан гахайн мах, бяслаг, oysters, shellfish эсвэл шоколад крем брулеетэй (crème brûlée)зэрэгтэй хольж хэрэглэвээс хорвоогийн жаргалыг мэдрүүлэх амтлуулах гэнэ.

Үл үзэгдэх сандал

"Үл үзэгдэх сандал" өдөр бүр 2 минут сууснаар хөл болон гэдэсний булчин чангардаг увьдастай ажээ. Энэхүү дасгалыг хийхийн тулд хананаас 40 орчим см зайтай байраа эзлэнэ. Сандал дээр сууж буй мэт нуруугаараа хана налаад энэ чигээрээ 20-120 сек сууна. 120 сек уналгүй, ядралгүй ийм маягаар сууж чадаж байвал дараагийн удаа өвдөг дээрээ бяцхан жинтэй туршаад үзээрэй.

Англи хэлнээс хассан ч харамсахгүй харин ч баярлуулах үгсийн жагсаалт

Lake Superior Их сургууль 2009 онд Англи хэлний үгийн сангаас хасахыг, ядаж 2009 ондоо хэрэглэхгүй байхыг санал болгох үгсийн жагсаалтыг гаргасан байна. Энэхүү жагсаалтанд буруу хэрэглэгддэг/сэн (Mis-use), хэт их (Over-use) хэрэглэгддэг/сэн эсвэл хэрэггүй (General Uselessness) үгс багттаг ажээ.

Энэхүү жагсаалтыг анх 1975.12.31нд LSSU-гийн (Lake Superior State University) ПР хариуцсан захирал Bill Rabe хэдэн нөхдийн хамтаар List of Words to Be Banished from the Queen's English нэртэйгээр гаргаад маргааш нь буюу жилийн эхний өдөр цацсан байна. Хэд хоногийн дараа гэхэд түүний ажилийн өрөө рүү мянга мянган үгс ирэх болжээ. Тэр жилээс хойш 34 дэх удаагаа уламжилал болгон гаргасан энэхүү жагсаалтанд

1. GREEN (ногоон)– энэ жилийн жагсаалтын тэргүүлэгч 'ногоон' бөгөөд 'Green'-тэй холбоотой 'going green', 'building green', 'greening', 'green technology', 'green solutions' зэрэг үгсийг хэсэгтээ үгийн сангаасаа хасахыг хамгийн олон хүн хүсэмжилж эдгээр үгст саналаа өгчээ.
2. CARBON FOOTPRINT мөн CARBON OFFSETTING
3. MAVERICK
4. FIRST DUDE
5. BAILOUT
6. WALL STREET/MAIN STREET – кризтэй холбогдолтойгоор хэт их хэрэглэгдсэн үгсилн нэг
7. MONKEY
8. <3 – зүрх эсвэл хайртай хэмээх үгийг орлуулах 3-аас бага хэмээх тэмдэглэгээг утгагүй, хэрггүй үг хэмээн үзсэн ажээ.
9. ICON эсвэл ICONIC
10. GAME CHANGER – бизнес, улс төр, медиа энэхүү үгийг хэт их хэрэглэсэн гэж иргэд үзэж байгаа ажээ.
11. STAYCATION
12. DESPERATE SEARCH
13. NOT SO MUCH – спортын мэдээнд ихээхэн хэрэглэгдэх болсон энэхүү үг хэт их хэрэглээнээс болж иргэдийг залхаах болсон гэнэ.
14. WINNER OF FIVE NOMINATIONS
15. IT'S THAT TIME OF YEAR AGAIN зэрэг үгс багтжээ. Та ч гэсэн доорх хаягаар ороод сонсохыг хүсэхгүй байгаа үгээ явуулан санал асуулганд оруулж, хүмүүсийн санал болгосон үгст саналаа өгөх боломжтой юм байна.

Эх сурвалж

Сая сая Автраличууд намайг "долооно".

Австралийн шуудан холбоо саяхан Австрали гаралтай Оскарын шагналтангууд болох Cate Blanchett, Geoffrey Rush, Nicole Kidman, Russell Crowe нарын зурагтай марк гаргасан байна. Энэхүү цувралдаа "Australian Legends" хэмээх нэрийг өгсөн бөгөөд энэхүү марк нэг бүр нь 55 центийн (ойролцоогоор 535 төгрөг) үнэтэй юм байна.
Cate Blanchett, "Марк болсондоо хязгааргүй их баяртай байна. Сая сая Австраличууд "намайг" долоох бөгөөд тэр л мөчийг тэсэн ядан хүлээж байна" хэмээжээ.
Маркан дээр мөнхөрсөн кино одуудад маркных нь алтаар хийсэн хувилбарыг бэлэглэсэн гэнэ лээ.

Цагаан сар

БИТҮҮЛЭХ ЁС

Битvvний орой бол євлийн адаг хєхєє сарын гучин буюу удэж байгаа оны эцсийн УДЭШ, энэ шєнє тэнгэрт cap битуурч харанхуй байдаг бєгєєд бууз банш, apvvr нь заагаагуй толгой зэрэг битуу хоолыг битууртлээ иднэ хэмээснээс битvvлэг нэр vvссэн бололтой. Энэ орой хонгор халзан луус унаж гарын хурууг имрэх зуурт дэлхий ертєнцийг тойрон айл гэрийн сvлд хийморыг тэтгэж аз жаргал, сайн сайхныг хvн бvрт тvгээж явдаг Балданлхам бурхны унааг услах мєс баруун хатавчиндаа, тотгоны голд сайн зvгийн тэнгэр бурхны гэрт орох замыг нээж цэгээн чулуу тавьж, буруу бvслvvртээ буг чєтгєр айлын буруу vvдээр ордог хэмээн харгана хавчуулдаг ёстой байв. Малаа хотлуулж, бурхан тахилаа сэргээн битvvний энэ оройд зориулж бэлдсэн идээ, чанасан мах, жигнэсэн буузыг цадатлаа идэж, сэтгэл тэнvvн ирж буй оны босгон дээр єглєє гарах, ирэх зvг мєрийг тогтоосноор cap шинийг угтах бэлтгэл болдог. Битvvний орой битvvртлээ иднэ гэдэг нь шинэ оныг гэдэс цатгалан, элбэг дэлгэр угтвал тэр жилдээ мєн хэвээр байна гэсэн утга бухий зєн билэгдлийн заншил юм.

ИДЭЭ, УУЦ ТАВИХ ЁС

Тавагтай идээний боовыг 3, 5, 7, 9 гэж сондгой vеэр жаргал зовлонг ээлжилж жаргалаар эхлээд жаргалаар дуусгахаар тохируулж єрдєг заншилтай. Yvнээс гадна цагаан сараар хvvхдэд єгєх боов хийдэг. Гол идээний нэг бол халуун хошуут хонины ууц юм. Ууцыг бухлээр тавивал голд толгой, дээд талд нь хаа, сvvл талд нь гуяыг хосоор, цээжин талд нь євчvv, сээр, хvзvvг амьд хонинд байдаг байршил, дарааллаар нь тавьж толгой тал нь хойморт чиглэнэ. Євчvv чанавал єехийд дал, дєрвєн єндєр хавирга, шаант богтос тавина. Ууцанд зєвхєн гэрийн хvний зєвшєєрєлтєйгєєр хvрч эхэлж толгойн хамар дээрээс хуйх эсвэл ууцны сvvлнээс нимгэлэн авч галд єргєєд дараа нь ууцыг-зуун гараар сvврэг талаас барьж баруун гараар єєхєн нуруу хэсгээс нимгэн єєгvй зvсч дараа нь хєл махны бугалга талаас барьж зvсч ёслох ба єєрсдийн дагуулж яваа хvvхэд хvмvvст хvртээж болно. Их хvрээний монголчууд Богд уулын ар хормой дахь Эрдэнийн овоо хэмээх намхан довцогт эрт дээр vеэс єнєєг хvртэл гарсаар заншжээ.

ЗОЛГОХ ЁС

Шинийн нэгний єглєє ургах нартай уралдан эрчvvд ойролцоох уулын орой дахь овоонд цай идээнийхээ дээжийг тэнгэр, хангайдаа єргєж, хийморийн зуг гарч хишгийн зvгээс ирж байхаар баримтлан гэртээ ирдэг заншилтай. Гэртээ ирээд vp хvvхэд нь эцэг эхдээ, дvv нь ахмаддаа золгосоны дараа єєрсдийн тєрєл настангуудад, дараа нь айл саахалтаар єргєн золголт болж cap шинэд сайн орсныг тэмдэглэнэ. Хvн бvр малгай ємсєн ариун цагаан хадаг дэлгэн барьж хоёр гарын алгыг дээш харуулан ахмад настныхаа тохойн дороос тушин царайгаа талбиун тєв сайхан болгож золгогч хvнийхээ санаа сэтгэлийг амгалан тэнэгэр байлгахыг аль болох хичээн амар сайн уу хэмээн золгоход «Урт настай удаан жаргалтай яваарай» гэх мэтээр билэгтэй уг хариуд нь хэлж золгодог. Хадаг баранзад, нанзад, вандан, соном, даш гээд олон янз ба голдуу хvний дvрстэй Аюуш хадгаар золгодог. Хадаг авсан хvн онцгойлон нандигнаж эвэхээд хvндтэй газар тавина.

МОНГОЛ ХҮНИЙ ЭРХЭМЛЭХ ЗУРГААН ЗҮЙЛ

1. Үнэн бат журмыг ургэлж хичээж явах
2.Євєг дээдсийн сургаалыг vргэлж санаж явах
З.Үйлийн дээд ачийг буцааж хариулж явах
4. Єсєх гээхийн хорвоог учирлан таниулж явах
5. Үргэлж мэргэн номыг таниулж явах
6. Yгээгvй доорд ардыг єргєн тэнхрvvлж явах

* Хэн хүнгүй хэрэгтэй гэж бодоод Оллоо.мн-ээс чирээд ирлээ. Сайхан шинэлээрэй Монголын ард түмэн.

Хүүхэд залуучуудад заавал үзүүлэх 20 кино

The Times сонин дээр нийтлэгдсэн энэхүү жагсаалтыг хуваалцахгүй бол болохгүй юм шиг санагдаад аа. Архивт тань байвал зохих энэхүү кинонуудыг хүүхэд залуучуудад үзүүлсэнээр тэднийг кино урлагт дуртай болгох увьдастай гэнэ шүү. Хүүхдийн кино гэлгүй та бас хүүхдүүдтэйгээ зэрэгцэн суугаад амтархан үзээрэй.


1. E.T.: The Extra-Terrestrial; Steven Spielberg ахын 1982 онд найруулсан энэхүү кино бүх насныханд тохиромжтой ажээ.

2. Cinema Paradiso; 1988 онд Giuseppe Tornatore найруулсан энэхүү кино мөн бүх насныханд тохиромжтой.

3. Жагсаалтын 3 дугаарт 101 Далматин жагссан бөгөөд энэхүү киног Wolfgang Reitherman, Hamilton Luske, Clyde Geronimi нар 1961 онд бүтээжээ. Бүх насныханд тохиромжтой.

4. Дөрөв дүгээрт Robert Luketic-н 2001 онд найруулсан Legally Blonde жагссан бөгөөд мөн бүх насныханд тохиромжтой аж.

5. Victor Fleming-н найруулсан The Wizard of Oz тав дугаарт жагссан байна. 1939 онд хийгдсэн энэхүү кино мөн бүх насныханд тохиромжтой аж.

6. The Jungle Book. 1968 онд Wolfgang Reitherman найруулсан энэхүү хүүхэлдэйн кино бүх насныханд тохиромжтой.

7. Hettie Macdonald-ын 1996 онд найруулсан Beautiful Thing кинонд бага зэргийн хараал байдаг тул 15-с дээш насныханд тохиромжтой гэж үздэг байна.

8. Дөрвөн залуу дуудлагаа энд тэнд очиж сүнс устгадаг энэхүү киног (Ghostbusters) Ivan Reitman, 1984 онд найруулжээ. 12-с дээш насныханд тохиромжтой.

9. Аравт жагссан Marcel Varnel-н найруулсан Oh, Mr Porter! кино 1937 онд үзэгчидийн хүртээл болжээ. 15-с дээш насныханд тохиромжтой.

10. Richard Linklater-ын 2004 онд найруулсан School of Rock бүх насныханд тохиромжтой.

11. Жонни Деппийн тоглосон Edward Scissorhands-г Tim Burton, 1991 онд найруулжээ. 12-с дээш насныханд тохиромжтой.

12. Michael Lehmann-ы найруулсан Heathers 1989 онд гарсан бөгөөд 12-с дээш насн.ханд тохиромжтой.

13. Япон хүүхэлдэйн кино Spirited Away-г Hayao Miyazaki, 2003 онд найруулсан бөгөөд 10-с дээш насн.ханд тохиромжтой.

14.1968 онд Ken Hughes-н найруулсан Chitty Chitty Bang Bang бүх насныханд тохиромжтой кинонуудын нэг аж.

15. Mel Stuart/Tim Burton нарын найруулсан Вонкагийн талаар өгүүлэх тус кино Willy Wonka/Charlie and the Chocolate Factory нэрээр 1971/2005 онд 2 удаа хийгдэж байжээ. Бүх насныханд тохиромжтой.

16. Randal Kleiser-ын 1978 онд найруулсан Grease , 16-с дээш насныханд тохиромжтой.

17. Ridley Scott-н найруулсан энэхүү кинонд (Blade Runner) Харрисон Форд тоглосон бөгөөд, 1982 онд олны хүртээл болжээ. 16-с дээш насныханд тохиромжтой.

18. Robert Wise-н найруулсан The Sound of Music, 1965 онд олны хүртээл болсон бөгөөд бүх насныханд тохиромжтой.

19. The Rocky Horror Picture Show. Jim Sharman-ы найруулж 1975 онд олны хүртээл болсон энэхүү кино 12-с дээш насныханд тохиромжтой.

20. Жагсаалтын эцэст Terry Gilliam, Terry Jones нарын найруулсан Monty Python and the Holy Grail, 1975онд олны хүртээ болжээ. 12-с дээш насныханд тохиромжтой.