Saturday 14 April 2007

Парламентын ордонгоо хүртэл зээлээр баридаг орон: Монгол

Парламентын ордон барих гэнэ, Их Монгол Улс байгуулагдсаны 800 жилийн ойг тохиолдуулан Кувейтын Засгийн газраас Монгол Улсад Парламентын ордон барихад зориулж 12 сая ам.долларын буцалтгүй тусламжаар...

"Утаанбаатар-Улаанбаатар" маань 2013 оны Зүүн Азийн YI тоглолтыг зохион явуулах эрхийн төлөө өрсөлдөхөж байгаа бөгөөд БТСҮХ-ны дарга Ч.Наранбаатар "Хэрвээ манайх энэ эрхийг авчихвал, БНХАУ-ын тусламжаар 6000 хүний суудалтай спортын цогцолборыг ирэх онд нийслэлд ашиглалтад оруулахаас гадна 2009 он гэхэд усан бассейн барьж, Спортын төв ордон, Төв цэнгэлдэх хүрээлэнг сэргээн засварлах юм." гэнэ. Анзаарсан бол бас л нэг улсаас авах зээл, тусламжаар босгох, засах гэнэ.
Одоогийн "Төрийн ордон" маань яачихаад "Парламентын ордон" барих гээд байгаа юм бол оо?
Саяхан (өнгөрдөг наадмаар) Төв цэнгэлдэх хүрээлэнг засварлаагүй бил үү? зэрэг асуултуудыг байхгүйд тооцлоо гэхэд яагаад заавал энэ бүхнийг зээлээр, тусламжаар барих, засах гээд байгаа юм бол оо? "Та Сонгуульд яллаа" гээд "далан зургаан иргэнд" тус бүр 250 сая төгрөг "бэлэглэдэг", та саллаа эсвэл гэрлэлээ гээд 500.000 төгрөг, хүүхэд төрүүлсэн гээд хүүхэд тус бүрт нь 10.000 төгрөг элдэв нөхцөлгүйгээр өгдөг "баян" орон биш бил үү, Монгол маань?
Хүүхэд төрүүлэх нь гавъяа биш хэмээхийг хүссэнгүй ээ, Монголын үрс маш олон болтугай, гэрлэсэн хосуудыг ч дорд үзэх гэсэнгүй. Гэхдээ л парламентын ордон барих 12 сая ам.дол + 250 сая*76=19 тэрбум төгрөг + Стадион барих, засварлах мөнгө + олон олон хүүхдийн 10.000 төгрөгийг нийлүүлээд нэг үйлдвэр баричихбал олон олон хүүхдийн гэдэс нь цатгалан, "залуухан" гэмт хэргүүд багасаад, 13 оныг хүртэл магадгүй хэд хэдэн стадиуд, бассэйнтэй болчихмоор юм шиг ээ...

Гуйлгачинд хүртэл амралтын өдөр байдаг байхад Монголын төрийг түшигчидийн гуйранчилал эцэс төгсгөлгүй хөврөх юм аа. Ерөнхийлөрч нь Орос, Америкийн ерөнхийлэгчүүдээс Монгол улсын иргэдийг визгүй зоричиулаач гэж гуйж иргэдийнхээ "бөгсийг улаалгадаг" орон Монголоос өөр би БОЛОВ УУ?

Хамгийн сүүлийн мэдээгээр Хүндэт Төрийн тэргүүн маань Британийн Ерөнхий сайд Тони Блэйрийн урилгаар Ерөнхийлөгч Н.Энхбаяр энэ сарын 16-18-ны хооронд Их Британи, Умард Ирландын Нэгдсэн Вант улсад айлчилна гэнэ, бас болох болохгүй юм гуйж тэнд суугаа Монголчуудынхаа нүүрийг түлэв ээ, бусад нь ч яахав.

Wednesday 11 April 2007

Тэд алджээ хамийн гол нь алдаагаа ухаарчээ.

Хэд хоног Эрээн дахь элчин сайдын яаманд толгой хорогдож буй эмэгтэйчүүдийн талаарх цуврал нийтлэл, нийтлэлийн шүүмжүүдийг уншин нэгийг биш хоёрыг бодлоо.

Бодол №1. Хэдэн халтар юанд, байр сууцанд хууртан, Монгол орны маань үүрдийн дайсан гэж үздэг Хятад үнтэстэй "дэлхийн" иргэнтэй гэрлэцгээсэн нь хэр зөв бэ? Бөндгөрүүдээ жаахан ажиллуулсан бол байртай, савтай Хятад яагаад Монголд ирж ажиллана гэж, Монгол ямар Америк, Япон юм уу? хэмээн өөрийн эрхгүй бодогдохгүй гэж үү? Тэнэг л байна даа!

Бодол №2. Нэт-ээр сонин уншдаг хүмүүсийн ихэнх нь гадаадад ажиллаж амьдардаг, сурдаг харьцангуй хүмүүс байдаг гэж боддог. Гэтэл "тэдний" бодсон бодлын үлдээсэн жим болох сэтгэгдэлүүд дээр хөөрхий эмэгтэйчүүдийг нөхрүүдэд нь эргүүлэн өгөх эсвэл цаазлах хэрэгтэй гэсэн байх юм. Яагаад вэ гэсэн чинь тэд Хятдын боов долоосон, хужаагийн шээс дагуулсан гэнэ. Энэ хэр "хүнлэг" вэ? Боловсролтой соёлтойчууд нь амаараа ч болов Монголын, Монголоо гэсэн дөрвөн иргэн, тэдний цаана байгаа зуу зуун иргэдийг "цаазлах"аар цаана нь хэдэн Монгол хүн Монголдоо үлдэх вэ?



Тус цуврал нийтлэлийн үргэлжилэл нь энд бас энд.