Tuesday 29 September 2009

Өвдөг давсан түрийт

Энэ жил моданд ороод буй өвдөг-давсан түрийтэй гутлыг хуучин жинсэн юпка, богино түрийтэй гутал ашиглан хэрхэн хийхийг энэ блогт заажээ. 2 түрий хийгээд илүү гарсан савхиар уяа хийгээд, уяж нэг уяхгүй нэг өмсөж болох энэхүү надад лав таалагдлаа.
Заавал өвдөг-давсан түрийт гэлтгүй мөн сайтан дээр нийтлэгдсэн бусад DIY төслүүд энд, таалан соёрх.

Monday 28 September 2009

Өөрөө өөртөө анхаарал тавих (ээжүүдэд)

Өөрөө өөртөө анхаарал тавихгүй бол бусдад яаж анхаарал тавих вэ?

* Стандартуудаа өөрчил, илүү зохион байгуулалттай бол. (Гэрийн бүх гишүүдийн оймсыг нугалах зэрэг хэрэгтэй мөртөө хэрэггүй стандартуудаа халах эсвэл бусдад шилжүүлэх хэрэгтэй.)
* Үгүй гэж хэлж сур. (Заримдаа үгүй гэж хэлж бай.)
* Амьдралаа хөнгөлөх зарим өдөр дутмын дадалтай (зуршил) болох хэрэгтэй. (өмнөх оройдоо маргаашдаа хийх зүйлсийхээ жагсаалтийг гаргах г.м)
* Нөхрөөсөө, хүүхдээсээ зарим зүйлийг "хүсэх" хэрэгтэй. (Оймс ялгах, ялгасан оймсоо хослуулах, өмссөн хувцас хунараа угаах зүйлсийн уутанд хийх г.м)
* Зөв хооллож хөнгөн дасгал хийх хэрэгтэй. (Өдөр бүр 30минутын туршхийх йогийн зэрэг хөнгөн дасгалууд их үр дүнтэй байдаг.)
* Өөрийгөө байгаагаар нь хүлээн аван, хайрлах хэрэгтэй.
* Өөртөө өдөр бүр багахан цаг зориул. (өдөр бүр 30 минут эсвэл 1 цагийг зөвхөн өөртөө зарцуулж байх хэрэгтэй. Ном унших, дуртай ТВ сериалаа үзэх, хуруу хумсаа будах гээд юу эс байхав дээ :))

Гэр бүлээ анхаар.

Эдгээрийг хийхийг шийд.

* Ханьхаа сайн талуудыг илүү товойлгон харах хэрэгтэй. Хүн бүр 10 хуруу тэгш биш тул зарим нэг сул талуудыг нь "анзаарахгүй" өнгөрүүлж байх хэрэгтэй.
* Ханьдаа өдөр бүр 2 сайхан үг хэл.
* Уулзалдах бүрдээ 1 минутын турш тэврэлдэн угтах хэрэгтэй.
* Ханыхаа хэлэх үгийг хоёр нүд, хоёр чихээрээ сонсох хэрэгтэй.
* Долоо хоног бүр ханьтайгаа чанартай цаг зарцуулж бай. (хоёулхнаа)

Энэхүү сэдэвтэй холбоотой бусад бичлэгүүд
Хүүхэдтэйгээ хамтран ажиллах
Илүү сайн эцэг эх болохын тулд...
Хүүхдийг шийтгэх
Ах дүүсийн харилцааг сайжруулах

Friday 25 September 2009

Өөрийнхөө жинсийг өөрөө бүтээх

Өөрийн биеийн онцлогт тохируулан жинсэн өмд захиалмаар байна уу. Тэгвэл indidenim.com-руу ороод үзээрэй. Дээрх хаяг руу орсоны дараа юуны түрүүнд өмднийхөө материалийг сонгоод, шулуун эсвэл өргөн-г шийдээд, урд хойд халаас зэрэг өмднийхөө дитэйлийг (Details) каталогноос сонгоод эцэст нь өөрийнхөө хэмжээсүүдийг оруулаад, тоймлож нэг үзээд дахин засах зүйл байвал засаад байхгүй бол тооцоогоо хийгээд л болоо. Таны загварыг нь зохиосон өмд тань ойролцоогоор 145-155 долларт багтах нигууртай.
Таны өмдийг бэлэн болохоор нь бүртгэлтэй хаяг руу тань үнэгүй хүргэж өгдөг гэнэ шүү. Нappy designing your jeans guys :)

Thursday 24 September 2009

Зөөлөн чихрийн тест

Тестийн талаар

1960-аад оны сүүлээр Стандфорд Их Сургуулийn сэтгэл сүйн багш Walter Mische, хүүхдүүдийн тэвчээрийг шалгах/хэмжих (delay gratification) зорилготой "marshmallow test"-г хийжээ.
Тестэнд 4 настайнгуудыг хамруулсан бөгөөд "туршилтын туулайнуудыг" ширээ сандалаас өөр сатаарах зүйлгүй өрөөнд оруулан нэг зөөлөн чихэр өгөөд 15 минут энэхүү чихрийг идэлгүй хүлээж чадвал 15 минутын эцэст чамд дахиад нэг чихэр өгнө гэж тайлбарлаад хаалгыг нь хаагаад гарчээ.
Судалгаанд хамрагдсан 3 хүүхэд дутмын хоёр нь чихрийг өгсөн даруйд эсвэл 2, 3 минут хамгийн ихдээ 14 минут 30 секунд хүлээгээд зөөлөн чихрийг идсэн байна.
Үлдсэн нэг нь (3 хүүхэд дутмын нэг) 15 минут хүлээн 15 минутын эцэст 2 зөөлөн чихэр идсэн байна.
Тестнээс 14 жилийн дараа "туршилтын туулайнууд" 18 хүрэхэд тэдний амжилтийг судалсанд идэлгүй хүлээсэн хүүхдүүдийн 100 хувь нь их дээд сургуулийн шалгалтыг амжилттай өгөн, их дээд сургуульд орон амжилттай үргэлжилүүлэн сурч байгаа, өөртөө илүү итгэлтэй, ямарваа зүйлд анхаарлаа төвлөрүүлэх чадвар сайтай цаашлаад илүү найдвартай болох нь ажиглагджээ.
Мөн саяхан хийсэн судалгаагаар хүслээ тэвчиж чадсан хүүхдүүдийн IQ нь хүслээ тэвчиж чадаагүй хүүхдүүдийнхтэй харьцуулбал харьцангуй өндөр байгаа нь ажиглагджээ.


Тестийг хэрхэн хийх вэ?


1. Нэг өрөө бэлтгэнэ. Өрөөнд ширээ сандалнаас өөр сатаарах зүйл байхгүй байвал сайн. Дээрх тестийг хийсэн судлаачид нэвт харагддаг тольны цаанаас хүүхдүүдийг ажиглаж байсан ч гэрийн нөхцөлд өрөөний буланд камер байрлуулан бичлэг хийж болно.
2. Хүүхэддээ дүрмийг тайлбарлана:
* Нэг зөөлөн чихэр (зөөлөн чихэр байх албагүй, өөрийнх нь хамгийн дуртай чихэр жимс зэргээр орлуулж болно.) өгөөд намайг иртэл идээгүй тохиолдолд дахиад нэгийг өгнө. Мэдээж хүлээлгүй идэж бас болно гэдгийг ойлгуулах хэрэгтэй. Хүсвэл хүлээх цагийг багасган 5-10 минут болгож болно.
3. Хүүхдээ өрөөнд орхиод гарна.
4. Хүлээнэ.
5. Тогтоосон хугацаагаа дуусахлаар хүүхдээ шалгана. Хүүхэд тань зөөлөн чихрийг идээгүй байвал дахин нэгээр шагнаад хоёуланг нь "хүссэнээрээ" идэх зөвшөөрөл олгоорой. Тэвчээртэй хүлээсэн тэднээр бахархаж хэлээрэй.
Хэрэв зөөлөн чихрийг таны эзгүйд идсэн байвал тэвчээрийн талаар багахан яриа хийж болно.
6. Бичлэг хийсэн бол таныг эзгүйд хүүхдийнхээ хэрхэн аашилсаныг үзэж, хүүхдээ том болохоор нь үзүүлж болно.

Эцэст нь хүүхэд тань идсэн тохиолдолд 2 дахийг "өгч болохгүй" бөгөөд энэ нь хүүхэд тань таныг үгүй гэсэн ч хийж болдог гэсэн дүгнэлтэнд хүргэх болно.

Эх сурвалж
энд, энд, энд, энд, энд бас энд

Marshmallow Experiment

Зөөлөн чихрийн тест

Энэ видеог хуваалцахгүй байж чадсангүй:) Хамгийн эхэнд гарч байгаа шар толгойтой баньд үнэн хөөрхөн. Заавал үзээрэй.
Тестийн талаар, хэрхэн хүүхэд дээрээ турших мөн энэхүү тестний дүнгийн талаар нэг пост бэлдэж байгаа, мөдхөн нийтлэнэ ээ.

Wednesday 23 September 2009

Ах дүүсийн харилцааг сайжруулах (....гүйгээр хүүхэдтэйгээ хамтран ажиллах)

Гэр бүлийн бүх гишүүдийн сарниагүй анхаарлыг өөртөө татаад, бүгдэд хайрлагдаад "үнэн таатай" байж байтал ээжийн гэдэс томроод "дүү" гэдэг өрсөлдөгч гараад ирэхлээр том нь багадаа атаархаж, эцэг эхийнхээ анхаарлыг татах гэж элдвээр аашилдаг энэхүү "киног" та үзэж байсан биз дээ. Би хувьдаа гол дүрд нь тоглож байлаа. ....гүйгээр хүүхэдтэйгээ хамтран ажиллах номны нэг бүлэгт хоёр хүүхдээ хооронд нь тэмцэлдүүлэлгүйгээр хэрхэн хүмүүжүүлэх талаар дурьджээ.
Хүүхдүүдээсээ хүлээх хүлээлт тань бодитой байх хэрэгтэй.
Хүүхдүүдийн хооронд бага зэрэг мөргөлдөөн, үл ойлголцол байх нь хэвийн үзэгдэл. (Хоёр хүүхдээ үргэлж тэврэлдээд, биенээ үнсээд, биенээ хүндлэн харилцаж буйгаар төсөөлж байвал эртхэн энэ бодлоосоо салсан нь дээр.)

Тайван, амгалан орчин бүрдүүлэх хэрэгтэй.
Дүрэм, журам тогтоон хүүхдүүдийнхээ хооронд атаа жөтөө (тэмцэл) үүсгэх нөхцөл бүрдүүлэхгүй байх хэрэгтэй.

Хүүхдүүдийн хооронд жижиг сажиг маргаан үүссэн тохиолдолд шүүгчийн үүрэг гүйцэтгэхгүй байх нь чухал.
Зайгаа бариад хоорондын асуудлаа хэрхэн шийдэхийг нь ажиглах хэрэгтэй. Та шүүн "хэргийг" шийдсэн тохиолдолд, таны гаргасан шийдвэр хэний ч талд байсан хүүхдүүдийн тань хэнд нь ч үл таалагдах болно гэдгийг санах хэрэгтэй. (Хэрэв хэрхэн учираа ололцохыг нь хүлээж чадахгүй, тэдний хэрэгт оролцох гээд байгаа бол тэднийг орхин өөр өрөөнд орох зэрэг арга хэмжээ авах хэрэгтэй.)

Хүүхдүүдийн тань нэг нь зөв зохистой үлгэр дууриал үйлдэл хийсэн тохиолдолд сайшааж магтах хэрэгтэй.
Эерэг үг сонгон магтах сайшаах хэрэгтэй. Дүүтэйгээ хэрхэн харилцах талаар зөвөлгөө өгдөг, номлодогоо болиж, нэгнийхээ талаар таньд элдэв гомдол мэдүүлдэгийг нь зогсоох хэрэгтэй.

Эерэг анхаарал хандуул
Хүүхдүүд тань таны анхаарлыг татах гэж элдэвээр аашилдаг бөгөөд уурлаж уцаарлан, загнах чинь хүртэл тэдэнд анхаарал хандуулж буй нэг хэлбэр юм. Хичнээн их ажилтай байсан ч өдөрт 5-10 чанартай минутыг хүүхэддээ зарцуулах хэрэгтэй. Хүүхдээ байгаагаар/өөрөөр нь хайрлах хэрэгтэй, хооронд нь бүү харьцуул. (Тэрний хүүхэд тэгж байхад чиний байж байгааг хар гэх зэргээр өөр бусадтай харьцуулах нь маш буруу. Нэг гэрт, адилхан хүмүүжлээр, адилхан хоол идээд өсч байгаа ч хүүхэд бүр өөр өөрийн гэсэн онцлогтой гэдгийг байнга санах хэрэгтэй. Хүүхэд тань ахтайгаа, дүүтэйгээ эсвэл хөрш, найз "тэр"ний хүүхэдтэй адилхан байх албагүй.)

Хүүхдүдийнхээ хувийн хэрэгцээг анхааралдаа авч, түүний дагуу хөдлөх хэрэгтэй.
Жишээ нь ах дүү хоёрт тэнцүү хэмжээний хоол өгөх нь утгагүй асуудал. Эсвэл нэгнийх нь төрсөн өдрөөр хооронд нь тэмцэлдүүлэхгүйн үүднээс хоёуланд нь эсвэл гурвууланд нь бэлэг авч өгөх хэрэггүй. Хэдий ихэр ч ижилхэн хувцас авч өгөх нь утгагүй асуудал. Учир нь дээр хэлсэнчлэн хүүхэд бүр өөрийн гэсэн онцлогтой. (Нэгэнд нь унтлаганы хувцас хэрэгтэй бол хэрэгтэй нэгэнд нь л авч өгөх хэрэгтэй.)

Ах дүүсийн биенээ хайрлах хайрыг нэмэгдүүлж (дэмжиж) өгөх хэрэгтэй.

Энэхүү сэдэвтэй холбоотой бусад бичлэгүүд
Хүүхэдтэйгээ хамтран ажиллах
Илүү сайн эцэг эх болохын тулд...
Хүүхдийг шийтгэх

Saturday 19 September 2009

Гар утас хорт хавдар үүсгэдэг үү?

Aмерикт зарагдаж буй гар утаснуудын ялгаруулдаг радио- -фрекансыг (radio frequency) Cellular Tele- -communications Industry Association төвийнхөн хэмжин, нийтлэсэн байна. Гар утаснаас ялгардаг радиофрекансаас (RF) хэр хэмжээтэй нь хүний биед шингэснийг SAR хэмээх хэмжигдхүүнээр хэмждэг аж.
Зарим судлаачын үзэж буйгаар гар утаснуудын ялгаруулдаг радиофреканс, 10 буюу түүнээс дээш жил, гар утас хэрэглэгчидэд хорт хавдар үүсгэх магадлалыг өндөрсдөг хэмээн үзэж байгаа бол зарим нь дээрх "дүнг" гаргахад хангалттай шалтгаан байхгүйн дээр хэтэрхий эрт хэмээн үзэж буй ажээ.
Хамгийн бага радиофреканс цацдаг утаснуудын жагсаалтны эхний аравт найман Самсунг маркийн гар утас байгаа бөгөөд үлдсэн хоёр нь Beyond E-Tech маркийн бүтээгдэхүүн аж.

Сүүлийн үед "мода"нд ороод байгаа АЛИМ-ны иУтас-ны ялгаруулсан радиофекансын (W/kg)
Apple iPhone (4GB) 0.974
Apple iPhone (8GB) 0.974
Apple iPhone 3G (16GB) 1.38
Apple iPhone 3G (8GB) 1.38
Apple iPhone 3G S (16GB) 0.79
Apple iPhone 3G S (32GB) 0.79 нь хүний биед шингэдэг байна.

Хэрвээ та биедээ шингээж SAR-аа (гар утаснаас ялгарах радиофрекансаас биед шингээх хэмжээ) багасгахыг хүсвэл:

* SAR багатай чихэвч авч ашиглах
* утасаар ярихын оронд мессэж бичих
* гар утасаа халаасандаа биш хамгийн багадаа биенээсээ 2.5 см зайд авч явах
* Сүлжээ муутай газар гар утсаа хэрэглэхгүй байх (учир нь сүлжээ хайх явцдаа илү их радиофреканс ялгаруулдаг байна)
* Араг яс нь нимгэн, жижиг тул хүүхдүүдийн гар утасны хэрэглээг багасгах
* том бага гэлтгүй унтахдаа асаалттай утасаа орныхоо хажууд эсвэл дэрэн доороо хадгалахгүй байх хэрэгтэй гэнэ.

Мэдээллийн эх сурвалж
SAR level(digital) өндөртэй 20 гар утас
SAR level(digital) багатай 20 гар утас

Friday 18 September 2009

Хүүхдийг шийтгэх

Хүүхдээ зодож хүмүүжүүлэх "арга" нь хэдийгээр хэдэн зууныг дамжин өнөөг хүрсэн ч үнэхээр хүүхдийг хүмүүжүүлэх шилдэг арга биш бөгөөд хүүхэд зодуулсаныхаа дараа яагаад зодуулсанаа биш яаж зодуулсанаа санадаг. Өөрөөр хэлбэл "аав намайг суран бүсээр ороолгосон доо" гэж бодохоос/санахаас бус "би үймүүлээд аав намайд зодсон, дахиж үймүүлэхгүй дээ" гэж боддоггүй аж. Таныг эцэг эх тань зодож байсан уу? Яагаад? гээд бодоод үз дээ, үүнтэй яг ижилхэн.

Зодож жанчихаас гадна хүүхэд рүүгээ орилох, үглэх, айлгах, номлох зэрэг "вагонууд" ч таныг хүссэн "газарт" тань хүргэдэггүй аж.

Эцэг эхчүүд хүүхдүүдээ яагаад шийтгэдэг/зоддог вэ?

* Болохгүй зүйл хийсэн тохиолдолд
* Буруу зөвийг ойлгуулахын тулд
* Хэн нь "том хүн" болохыг ойлгуулахын тулд
* хүсч хүлээж байсанд тань нийцэхгүй тохиолдолд (хүүхдийг томоотой суугаад телевиз үзэх, унт гэсэн цагт тань өөрөө орондоо ороод унтчих мэтээр төсөөлдөг.)

Зодох жанчих, орилж хашгирах, үглэх зэрэг вагонд суулгүйгээр асуудлыг хэрхэн шийдэх вэ?


Дүрэм журам зохио, түүнийгээ дага мөрд
Дүрмээ нэг (нижгээд) цаасан дээр бичээд дүрмэнд зохирагдаагүй тохиолдолд үр дүнг нь (шийтгэл) бас хавсаргах хэрэгтэй.

Бага ярьж, ихийг хийх
Ярихаасаа өмнө бодох хэрэгтэй. Мөн хэлсэн бүхэн тань "хоосон үг" биш байг.

Завсарлага
Хүүхдийн тань хийсэн ямар нэгэн буруу үйлдлээс болж уур тань хүрээд байгаа бол тавширталаа зайбарих хэрэгтэй. Үүний тулд хүүхэд аюулгүй мөртөө зугаацаж чадахгүй ванн, хоосон өрөө зэрэг "газар" бодож олно. Буруу үйлдэл хийсэн даруйд нь гарнаас нь зөөлөн бариад бодож олсон өрөөндөө аваачих хэрэгтэй. Хүүхдийнхээ наснаас хамааран хэр удаан завсарлага авахаа шийднэ. (Дүүгээ эсвэл ах эгчийгээ цохиод, өшиглөөд байвал даруйхан гарнаас нь бариад ванндаа аваачин 2-5 минут байлгана г.м)

Байгалын жамаар суралцах
Туршилаганы эцэст суралцах боломж олго хүүхдүүддээ. Ийм маягаар сурсан зүйлс үглэж, зодож эсвэл номлож сургасанаас илүү тогтоцтой байх болно. (Өвлийн хүйтэнд куртка өмсөхгүй гээд байвал цамцтай чигээр нь гаргаад нэг үзэх хэрэгтэй. Мөдхөн миний куртка хаана байна гээд ороод ирэх вий.) Хамгийн гол нь туршилагийн эцэст номлохгүй байх хэрэгтэй. (Даараад курткаа хайгаад орж ирсэн хүүхэддээ чамд хэлсэн биз дээ гэхийн оронд өөрийгөө түүний оронд тавин (эмпати) бодож, гадаа хүйтэн байгаа биз г.м эелдэг хариулт өгөх хэрэгтэй.)

Уялдаатай шийтгэл
Шийтгэл ямагт үйлдэлтэй холбоотой байх ёстой бөгөөд тэрхэн мөчид хүүхдийн тань үйлдэлд өгөх хариу байхгүй бол дараа бодож байгаад шийдсэн нь дээр. (Ухаан нь ямар ч буруу үйлдэл хийсэн өнөө орой ТВ үзүүлэхгүй гэж болохгүй гэсэн үг.)

Анхаарлыг нь сарниулах, ял шийтгэлээ завсарлах
Өөртөө болон бусдад гэм зэмгүй, жижиг сажиг үйлдлийг хааяа хааяа үл тоомсорлох хэрэгтэй.

Зан араншингийн бэйсбол
Энэ техникийг байнга давтагддаг араншинг зогсоохын тулд хэрэглэх хэрэгтэй. Дүрэм бичээстэй, тодорхой. Гурван удаа "гадаа" бол тоглоомноос хасагдах журмаар. (Энэ нохойдоо хоол эсвэл ус өгдөггүй зэрэг дамтамжтай үйлдлүүд хамарна. Эхлээд нэг хүснэгт гаргах хэрэгтэй. Хүснэгтэн дээр гурав гурван нүд зураад мартах бүрд нь нэг нүдийг бөглөх хэрэгтэй. Эхний гурван удаад нохой муурандаа ус өгөхгүй байвал өөрийнх нь өрөөнөөс том өрөө рүү нүүлгэх (мэдээж муурийг) дараагийн 3 удаа мартвал муурийг нохой хүнд өгөх зарах арга хэмжээ авч болно.)

Хүүхэдтэйгээ шуг асуудлыг шийдэх
Ийм тийм асуудал байна, энийг яаж шийдэх вэ гээд нэг асуугаад үзээрэй.

Тэвчээртэй байж, давтах, хэлсэнээ хийлгэхийн тулд шургуу зүтгэх хэрэгтэй
Хүүхдийнхээ зан аашинд өөрчлөлт гарахыг нь хүлээх, тэвчээртэй хандах хэрэгтэй. (Хүүхэд тань элбэдүүлсэн юм шиг нэг шөнийн дотор өөрчлөгдөхгүй бөгөөд энэхүү үнэнг хүлээн зөвшөөрөн тэвчээртэй хүлээх хэрэгтэй.)

Энэхүү сэдэвтэй холбоотой бусад бичлэгүүд
Хүүхэдтэйгээ хамтран ажиллах
Илүү сайн эцэг эх болохын тулд...

Нойрны талаар

Энэ амралтын өдрүүдээр, Монголын ихэнх нутгаар, цасан шуурга шуурах сурагтай байсан. Цас бороонд гарч ороод юүхэв, хөнжилдөө шургалаад тавтай сайхан нойрсоорой.

Хүн хэр удаан нойргүй явж болох вэ?

Ер нь 2-3 хоног унтаагүй тохиолдолд тархины үйл ажиллагаанд алдагдал гарч эхэлдэг ч "нойргүй явах" дээд амжилт 11 хоног аж. Эрүүл, насанд хүрсэн хүн 48 цаг нойргүй явсаны эцэст зогсоогоороо унтаж эхэлдэг гэнэ.

Хүн өдөрт хэдэн цаг унтах ёстой вэ?

Насанд хүрэгсэд: 4-11 цаг
Нялх хүүхэд: 18 цаг
Сургуулын насны өмнөх хүүхдүүд: 12-13 цаг унтаж байх ёстой аж.

Үүр шөнөөр сэрэлгүй, сайхан унтаж амрахын тулд

* Хэтэрхий цатгалан эсвэл өлсгөлөн байхдаа орондоо бүү ор.
* Унтахаасаа өмнө архи, дарс, пиво, кола мөн элдэв кафэйнтэй умдаан уухгүй, тамхи татахгүй байх хэрэгтэй.
* Өдөр бүр хөнгөн дасгал хийж байх хэрэгтэй.
* Нойроо хүрэхлээр орондоо орох хэрэгтэй.
* унтах, босох цаг тогтоож тэрийгээ барих хэрэгтэй.
* Унтахаасаа өмнө бүлээн усанд орох хэрэгтэй.
* Унтлагын өрөө тань харанхуй, чимээ шуугиан багатай байвал зохино. Нойрны асуудалтай бол унтлаганыхаа өрөөнд телевиз, компьютер байлгах нь тийм ч оновчтой санаа биш юм.
* Сүү, туна загас, тараг, алмонд, өндөг, хушига, тоор, төмс, гадил, чангааз (априкот) зэрэг хүнс унтахад тань туслах болно.
* Орой телевиз үзэж суухдаа чихэр, чихрийн төрлийн бүтээгдэхүүн идэхгүй байвал зохино. Учир нь сахар нойрны дэгийг тань алдуулах магдлалтай.
* Тэжээвэр амьтантай бол тэднийг унтлаганыхаа өрөөнд оруулахгүй байх хэрэгтэй.

Элбэг тохиолддог нойрны эмгэгүүд

Инсомниа
Унтаж эхлэх болон үргэлжилүүлэн унтахад учрах саад юм. Хэт их эсвэл буруу үед унтахтай (hipersomnia) холбоотой нэг дүгээр зэргийн эмгэг болно. Энэ төрлийн эмгэгтэй өвчтөнгүүд ихэнхдээ хэт их унтах, сэрж чадахгүй байх эсвэл өдрийн цагаар унтдаг байна.

Parasomnia
Насанд хүрэгсдийн 3 хувь нь энэхүү согогтой байдаг аж. Энэхүү согог унтаж байхдаа шүдээ хавирах, нойрондоо босч алхах, ярих зэрэг энгийн үедээ хийсэггүй этгээд, гажиг үйлдлүүдийг хамруулдаг байна.

Sleep apnea
Унтаж байхдаа жигд бус амьсгалах явдал юм. Ихэнхдээ хурхирдаг эсвэл өндөр настай, хүнд жинтэй хүмүүст тохиолддог. Агаарын дутагдал нь өдрийн цагаар даралт ихдэх, нойр хүрэх, ядрах/ сульдах, анхаарал сарних, уур хүрэх зэргээр илэрдэг.

Narcolepsy
Гэнэтийн, хяналтгүй унтах согог юм. Энэ төрлийн согогтой хүн хэзээ ч хамаагүй, хаана ч унтаад байдаг бөгөөд "унтахаасаа" өмнө сульдах, хөл дээрээ тогтохоо болих,эсвэл сэрүүнээрээ зүүдлэж эхэлдэг байна.

Wednesday 16 September 2009

Намрын бэлтгэл










Are you HAPPY?

Өндөгний хальсан гайхамшиг

Словак уран бүтээлч, Franc Grom, өндөгний хальс бүрийг, жижиг цахилгаан өрмөөр, 2500-3500 удаа өрөмдөн цоолж, Словак үндэсний хээ угалз бүхий өндөгний халисан бүтээлээ туурвидаг аж.
Мөн их тэвчээр шүү.





Tuesday 15 September 2009

Хүүхэдтэйгээ хамтран ажиллах

...гүйгээр хүүхэдтэйгээ хамтран ажиллах номны товчлол

Хүүхэдтэйгээ хамтран ажиллах (2 дугаар бүлэг)

Ойлгомжтой өгүүлбэр хэрэглэх
Хүүхэдтэйгээ харьцахдаа, хог дүүрчихлээ. Нохойгоо гадагшаа гарга. Харандаанууд чинь газраар нэг хөглөрч байна, цуглуул г.м, ойлгомжтой, тойруу биш элдэв хоёрдугаар утга агуулаагүй өгүүлбэр хэрэглэх хэрэгтэй. Учир нь таны цэвэрхэн өрөө ойлголтоос хүүхдийн өрөөгөө цэвэрлэх ойлголт (ил хөглөрч буй бүх зүйлээ орон доогуур чулуудах г.м) өөр байх магадлалтай.

Эмээгийн аргыг хэрэглэх
.... дараа ... болно. (Гэрийнхээ даалгаварыг хийчихээд гадаа тоглож болно.)

Хүслээ илтгэсэн ойлгомжтой өгүүлбэр хэрэглэх.
Плийз(Please) (Гутал, хүрмээ өмсөөд машинд ороод суу плийз. (хувцаслаад биш шүү, хувцаслаад гэвэл хүрмээ эсвэл гутлаа өмсөлгүйгээр машинд ороод суух магадлалтай, учир нь цамц, өмд цаашлаад оймс ч гэсэн хувцас шүү дээ.))

Өөрөөр нь сонгуулах
Энийг үү, тэрийг үү? Одоо юу, дараа юу? Би юу, чи юу? Сүү уух уу, жүржийн шүүс уух уу? эсвэл даалгавараа одоо хийх үү, хоолны дараа хийх үү? г.м сонголтуудаас өөрөөр нь сонгуулах хэрэгтэй гэнэ. (Ингэх нь удирдлагыг та гартаа барингаа, хүүхдүүдэд, өөрсдөө, хүссэнээ хийж буй мэт сэтгэгдэл төрүүлдэг давуу талтай гэнэ.)

Богино өгүүлбэр хэрэглэ.
Муурандаа ус өг. Эхлээд даалгавараа хий. Тоглоомоо! г.м (Эцэг эхчүүд хэт их үглэж яншихаар хүүхдүүдэд "эцэг эхийн дүлий" хэмээх эмгэг үүсгэдэг бөгөөд энэ нь эцэг эхийг үглэх тоолонд "дүлийрэх" буюу үл сонсох, үл тоох үзэгдэл аж. Тиймээс аль болох товч бөгөөд тодорхой ярих нь чухал.)

Зарим биетийг яриулж болно.
Хоолойныхоо өнгийг солиод "хүүхэлдэй" яриулж буй мэт яриад нэг үзээрэй. (Жишээлбэл халбага "намайг хэрэглэсэнд/хэрэглэх гэж байгаад баярлалаа" гэж яриад хоолыг нь халбагадан идүүлэх г.м, энэ аргыг хэрэглэхэд хамгийн гол нь хоолойныхоо өнгийг өөрчилөх юм гэнэ лээ шүү.)

Хэлсэнээ хийдэг байх хэрэгтэй.
Явцгаая гэсэн бол явдаг байх хэрэгтэй. Хүүхдийнхээ тооших шалтаг, шалтгаануудад сатааран явахаа хойшлуулсаар байх нь буруу.

Туслах асуултууд асуух
Одоо чи юу хийх вэ? Энэ асуудлыг яаж шийдэх вэ? Дараа нь яах билээ? г.м туслах асуултуудыг асууж зорьсондоо хүрэхэд нь туслах хэрэгтэй.

Цаасан дээр бич
Элдэв жагсаалт, хэлбэр дүрс, тэмдэглэл зэргийг ашигла. (Сургуульд явахаас өмнө хийх зүйлсийн жагсаалт гаргаж, заримдаа, хүүхэддээ уурласан эсвэл уулзалдаж чадаалгүй зөрсөн/зөрөх тохиолдолд) товч бөгөөд тодорхой заавар бичсэн тэмдэглэл өгч/үлдээж болно.)

Хошин мэдрэнжээ ашигла
Хошигнол хэлж, хийх буй эсвэл хийгээсэй гэж хүссэн үйлдэлтэй холбоотой дуу дуул.

Дүрэм, журам гарга
Хийж болохуйц, хялбар дүрмүүдийг ойлгомжтойхон бичээд энд тэнд хадах хэрэгтэй. (Дүрэм журмыг өмнө нь гаргасан байх хэрэгтэй. Ямар нэг зүйлийг хийнгүүт нь ингэж тэгж болохгүй г.м номлосоноос дүрэм гаргаад мөрдсөн нь дээр байдаг. Дүрмээ зөрчсөн тохиолдолд бодогдох тооцоог (ял шийтгэл) бас хавсаргах хэрэгтэй.)

Илүү сайн эцэг эх болохын тулд...
Хүүхдийг шийтгэх

Sunday 13 September 2009

Гоо сайханы бүтээгдэхүүний "нас"


Сормуусны будаг 3-6 сар
Хацар өнгөлөгч 12-18 сар
Уруулын будаг 18 сар
Чийгшүүлэгч 12 сар
Суурь крем (foundation) 6 сар
Нүдний тень 12 сар
Шингэн нүд хүрээлэгч 3-6 сар
Нүдний харандаа 24 сар
Шампунь 24 сар
Бие угаагч шингэн 24 сар

* Дээрх хугацаанууд задалсаны дараа (агаартай урвалд орсоны дараа) хадгалах хугацаанууд болно.

Алуурчинг ол


Утсаар ирсэн дуудлагийн дагуу цагдаа нар, хүн алсан сэжигтэнг баривчилхаар, нэгэн айл руу дайран оржээ. Тэд сэжигтэний ямархуу дүр төрхтэйг мэдэхгүй ч сэжигтэний нэрий нь ЖОНН гэдгийн мэдэх аж. Цагдаа нарын орсон байшинд нэг мужаан, нэг ачааны машины жолооч, нэг механик мөн нэг гал сөнөөгч нийт дөрвөн хүн хөзөр тоглон суух аж. Цагдаа нар нэр усыг нь ч асуулгүйгээр гал сөнөөгчийг баривчилсан байна. ЯАГААД?

Уураа дарах аргууд

Таны уурлах тэрхэн мөчид танаас гарч буй уур уцаар зөвхөн тэр мөчид хүүхдийн таны хийсэн үйлдэлийн хариу биш байх нь элбэг бөгөөд ихэнх тохиолдолд эцэг эхүүд өдөржин цугласан, цээжинд нь хургасан уураа орой ирээд бяцхан үрдээ гаргадаг.

Тайван байх аргууд

1. Алхам
* Зогс.
* Хүүхдээсээ зай барих хэрэгтэй. Удаан хугацааны турш цуглаж хургасан уураа өөчүүхэн алдаа хийсэн үрдээ бүү гарга.
* Гүнзгий амьсгал ав.
* 1-10 хүртэл тоол, уур чинь намжихгүй бол үргэлжилүүлэн тоол.

2.Алхам
* Өөрийнхөө үйл хөдлөл, араншинг телевизээр үзэж буй мэт үз. (Төсөөлөн)

3. Алхам

* Хүүхдээсээ хүлээх хүлээлтээ бодит байдалт нийцүүлэх хэрэгтэй. Хүүхэд хэзээ ч таны төсөөлж байгаа шиг таныг хүссэн үед үзэгдээд,таныг эргэж тойрооод бусад үед томоотой сууж байна гэж байхгүй.
* Бодол санаагаа цэцлэх

Энэхүү сэдэвтэй холбоотой бусад бичлэгүүд
Хүүхэдтэйгээ хамтран ажиллах
Илүү сайн эцэг эх болохын тулд...
Хүүхдийг шийтгэх
Ах дүүсийн харилцааг сайжруулах

Өөрөө өөртөө анхаарал тавих (ээжүүдэд)
Хүүхдээ өөрөө өөртөө итгэлтэй болгож хүмүүжүүлэх

Saturday 12 September 2009

.... гүйгээр хүүхэдтэйгээ хамтран ажиллах

Саяхан хэтийн амьдралд маань хэрэг болсоны үндсэн дээр ... гүйгээр хүүхэдтэлгээ хамтран ажиллах (миний оноосон, богиносгосон нэр нь, жинхэнэ нэр нь, Хүүхэдтэйгээ хамтран ажиллах: орилж хашгиралгүйгээр, гуйж гувшилгүйгээр, загналгүйгээр, аргадалгүйгээр) хэмээх номыг умшлаа. Өөрөө хүүхэд шуухадтай болсон эсхүл болох гэж байгаа юм биш шүү (ойрын 3 жилийн мастер төлөвлөгөөнд байхгүй :)).

Энэ номны эхэнд таны хэр эцэг/эх болохыг шалгах сонжоо, номны төгсгөлд байх асуулт хариултын бүлгээс гадна зургаан бүлэгтэй энэхүү номны бүлэг бүрийн эцэст эцэг эхүүдэд зохиулсан эдгээрийг мартаж болохгүй шүү хуудас байх. Номын товчлол гэмээр тэрхүү хуудсуудыг бүлэг бүрээр нь цуврал болгон нийтлэх санаатай, хүүхэдтэй нэгэнд нь хэрэг болох байхаа гэж найдаж байна. Илүү дэлгэрэнгүйг бага насны үгэнд тань ордоггүй хүүхэдтэй бол энэхүү номыг (Elizabeth Pantley-н "Kid Cooperation: How to Stop Yelling, Nagging and Pleading and Get Kids to Cooperate") олж умшаарай гэж зөвлөх байна.

Номонд бичсэнээр бол үр хүүхдээ хүмүүжүүлэх нь дэлхий дээрх хамгийн хэцүү мэргэжил бөгөөд үүнд зориулсан сургуул, соёл, сургалт байдаггүй нь энэхүү "24 цагийн мэргэжил"-ийг улам хүндрэлтэй болгодог гэнэ. Хүүхдийг эрх дураар нь байлгах бус том болоод "хүн шиг хүн" болгох нь эцэг, эхчүүдийн эрхэм зорилого аж. Үүнээс гадна яаж ч хичээгээд төгс төгөлдөр эцэг эх болох боломжгүй тул эцэг эхчүүд өөрсдийгөө голох хэрэггүй гэнэ.

Тэгвэл илүү сайн эцэг эх байх (үр хүүхдээ илүү сайн хүмүүжүүлэхийн тулд) яавал зохих вэ? (1 дүгээр бүлэг)

Эрх мэдлийг гартaa бат барих хэрэгтэй!
Хүүхдүүдээ таньд захирагдахыг нь хүлээх хэрэгтэй гэнэ. Тэдний өмнө буруутай мэт аашилж, элдэв шалтаг олох хэрэггүй гэнэ. (Нэг өгүүлбэр ашиглах; плийз, ... хийхээр... хийнэ зэрэг тойруулсан бус, ойлгомжтой, хийж болохуйц, богино (нэг) өгүүлбэр хэрэглэх хэрэгтэй гэнэ. Жиш: усанд орооч плийз эсвэл даалгавараа хийчихээд гадаа гарч болно г.м)

Бодох хэрэгтэй.
Ямар ч тохиолдолд, ямар ч үед төлөвлөгөөтэй байх хэрэгтэй гэнэ.

Хэлсэн бүхэн тань "утгаа агуулсан" байх хэрэгтэй гэнэ.
Бод. Сануул. Үйлд. Мөрд. (Жиш: Хоол болохоос өмнө хувцасаа соль гэчихээд хэдэн минутын дараа хоол боллоо хувцасаа сольсон уу? гэж асуугаад, хэдэн минутын дараа хувцасаа сольсон эсэхийг нь шалгаад солиогүй байх юм бол дуугүйгэн хөтлөөд өрөөнд нь аваачаад хувцасыг нь солих г.м, meant гэдэг шүү дээ, элдэв шалтагийг нь хүлээн авч хоолны дараа солихыг нь зөвшөөрөхгүй байх хэрэгтэй гэнэ.)

Чадвар (арга ухаан) хэрэглэх хэрэгтэй гэнэ.
Зорилго маань юу билээ, зорилгодоо хүрэхийн тулд ямар арга хэрэглэх вэ?

Хийж/ гаргаж болохгүй алдаанууд.
* Бууж өгөх (та "үгүй" гэсэн ч хүүхдээ эсвэл хүүхдүүдээ гуйгаад байхаар нь саяхан эсэргүүцэж байсан зүйлээ "зөвшөөрөх")
* Бүрхэг хүлээлт (жиш: өрөөгөө цэвэрлэ! хүүхэд өрөөгөө цэвэрлэ гэх таны үгийг бүх зүйлээ орон доогуураа хий гэж ойлгох магадлалтай бөгөөд энэхүү хүлээлтээ "хувцаснуудаа шкабандаа хийгээд тоглоомоо цуглуулж хайрцганд нь хий" тодорхой тайлбарлах хэрэгтэй.)
* Барьцгүй байх (өчигдөрхөн ширээн дээр гараад тоглоход нь юм хэлдэггүй байснаа өнөөдөр боож үхтэлээ уурлах г.м. Энэ тохиолдолд хүүхэд тань таны лимитыг байнга хянаж, шалгаж байх болно гэдгийг битгий мартаарай.)
* Буруу зүйл хийхээр нь нүдэн балай, чихэн дүлий байх. (хажуу хавирганыхаа хүмүүсийг хазаад, өшиглөөд байхаар нь юм хэлэхгүй байх г.м)

Нэгдүгээр бүлгийн товч нэг иймэрхүү. Дээрх алдаануудыг гаргаваа эцэг эхчүүдээ. Илүү дэлгэрэнгүйг

Kid Cooperation: How to Stop Yelling, Nagging and Pleading and Get Kids to Cooperate номноос
Зохиогч: Elizabeth Pantley
Зохиогчын цахим хуудас

Илүү сайн эцэг эх болохын тулд...
Хүүхдийг шийтгэх
Хүүхэдтэйгээ хамтран ажиллах

Өндөгтэй бодлого



Зиа, энэ жоохон амархандуу бодлого шүү. Би хүртэл хялбархаан бодоод олчихсон юм :)
Нэг сагсанд зургаан өндөг байж ээ. Зургаан хүн, тус бүр нэг өндөг авсанд сагсанд нэг өндөг үлдсэн байж гэнэ. ЯАЖ ТЭР ВЭ?

Thursday 10 September 2009

нэг ултай гурван гутал (Sexzee)


135 паундаа төлөөд энэхүү өсгийтийг авахлаар, гутлын НЭГ улыг таны сонгосон ГУРВАН өөр "дээд талтай" өгдөг гэнэ. Дараа нь, хүсвэл, өөр өнгийн "дээд талыг" 15 өнгөний сонголтоос таалан дангаар нь худалдаж авч болдог энэхүү "нэг ултай гурван гутал" (цаашлаад 15 гутал :)) консефт надад их таалагдлаа. Үнэнд татвараас гадна хүргэлтийн мөнгө багтсан нь бас нэг давуу тал мэт.
Sexzee-гээс гадна Kozee, Gypzee зэрэг дээд талыг нь сольдог загварууд байгаа бөгөөд кози нь 50 паунд, жипзи нь 125 паундны үнэтэй аж.
Бүсгүйчүүдээ ийм өсгийттэй бол яахуу :)

Wednesday 9 September 2009

Гэрлийн чийдэнгийн бодлого



Нэг баагий байдаг байжээ. Хэзээ ч "гэрээсээ" гардаггүй гэнэ. Хүнс зэрэг элдэв хэрэгцээг нь хүргэж ирдэг деливеригээс өөр хэн ч гэрт нь ирдэггүй гэнэ. Бараа хүргэгчид ирсэн ч гэрт нь ордоггүй гэнэ. Өвлийн нэгэн хүйтэн шөнө мань хүн сэтгэлээр унан дээшээ гарч бүх гэрлээ унтраачихаад унтаад өгсөн гэнэ. Маргааш өглөө нь сэрсэнд зуу зуун хүн түүнээс болж амиа алдсан байжээ. ЯАЖ ТЭР ВЭ?