Wednesday, 12 November 2008

Хэн хамгийн аз жаргалтай вэ ?




Хэн хамгийн аз жаргалтай вэ? Баян хүн уу? Эрүүл хүн үү эсвэл боловсролтой хүн үү? зэрэг асуултуудад хариулт олохоор судалгаа явуулсан байна. Судалгааны дүнд хамгийн аз жаргалтай хүмүүсин амьдардаг газар/орон Дани Улс ажээ. Сэтгүүлч Bill Weir, Dan Buettner-ын (аз жаргал судлаач, мэргэжилтэн) хамтаар хамгийн аз жаргалтай оронг судлахаар Дани улсад очижээ. Хамгийн гайхалтай нь Дани дэлхий дээрх хамгийн өндөр татвартай улсуудын нэг бөгөөд Дани улсын нэгж иргэн ойролцоогоор орлогынхоо 50-70 хүртэл хувийг татварт төлдөг мөртлөө амьдралдаа сэтгэл хангалуун явдаг аж. Нөгөөтэйтүүр Дани Улсын засгийн газар хүүхэд, хөгшдийг харж асрах, хүмүүжүүлэхэд дэлхийн аль ч орноос илүү их цаг, мөнгө зарцуулдаг аж. Дани улсын иргэн бүр эрүүл мэнд, боловсролыг жинхэнэ утгаараа үнэгүй олж авдаг аж. Иргэд хэзээ хэн өвдөөд эмнэлэгт хэвтэх бол эсвэл "X"-ийн их сургуулийн төлбөр, "А"-гийн цэцэрлэгийн мөнгөзэрэг их хэмжээний мөнгө шаардагсан асуудлуудад санаа зовдоггүй учир мэргэжилээ сонгохдоо мэргэжил олсоныхоо дараа олох мөнгө, нийгэмд эзлэх байр суурь бодож биш хувийн сонирхолоо дагаж сонгодог байна.



Дэлхийн "аз жаргалын газрын зураг" (world of happiness map) дээрх хамгийн аз жаргалтай иргэдтэй 20 газар нутгийг жагсаавал:

1. Дани
2. Швецарь
3. Австри
4. Изланд
5. Бахама
6. Финланд
7. Швед
8. Бутан
9. Бруней
10. Канад
11. Ирланд
12. Люксембург
13. Коста Рика
14. Малта
15. Недерланд
16. Antigua and Barbuda
17. Малайз
18. Шинэ Зеланд
19. Норвеги
20. The Seychelles (арал)

АНУ 23т жагссан бол Англи 41т жагсжээ. Дээрх газрын зурагнаас харвал Монгол Улсын Иргэд маань амьдралдаа бас хөөрхөн сэтгэл хангалуун байдаг бололтой. Жагсаалтын 40д жагссан байна лээ. Монголчуудын маань мөрөөдөөд, шуураад байдаг Солонгос 108т, Чех 69т жагссан байна лээ шүү. Англи, Солонгос эсвэл Чех явах гээд байр, машинаа зарах гэж байгаа бол дахин нэг бодоорой :).
Хамгийн анхны аз жаргалын газрын зургийг 2006 онд Leicester Их Сургуулийн нийгэм судлаач Adrian White, UNESCO, CIA, New Economics Foundation, WHO, Veenhoven Database, Latinbarometer, Afrobarometer, UNHDR зэрэг байгууллагуудын гаргасан судалгаануудын дүнг судалж байж гаргаж байжээ.

Эцэст нь аз жаргалын түлхүүрийн газрийн зургийг орууллаа. Томруулж хараад ганц нэгийг нь хэрэгжүүлээд үзээрэй. Яаж мэдэх вэ, үнэхээр хаппи болчих ч юм билүү :)




[Map credit: Adrian White, Analytic Social Psychologist, University of Leicester. The data used to construct the map were extracted from a meta-analysis published by the New Economics Foundation Marks, N. et al. (2006). The Happy Planet Index. London: New Economics Foundation]

Бүтэн хувилбарыг эндээс татаж аваарай.

6 comments:

gegeen said...

australia heded baigaam bolaa. gokshin chini ter chileliin medee tsugluuldiin

Дашдэмбэрэлийн Aнхзаяа said...

21т жагссан байсан. Надаа уг нь report нь байгаа, даанч олохгүйм, олохоороо бүрэн эхээр нь тавинаа.

Хуулийн оюутан said...

mongold nad shig hun olon bdag yum bna daa, bayartai bna. ;)

xvv said...

40-д гэсэн чинь нэг л аз жаргал мэдрэгдээд явчих чинь вэ :D

donika said...

oros bol baraa suraggui ain hehe. heded baigaag n medchihiimsan.

Дашдэмбэрэлийн Aнхзаяа said...

Орос 42т Хятад 57д жагссан байна. Аз Жаргалын жагсаалтын бүрэн эхийг нь дээр бичлэгийнхээ доор орусулан байгаа, илүү дэлгэрэнгүй жагсаалтыг татаж аваад үзээрэй.